MIKÂ 1:14 - Mara Bible RV (BSI)

¹⁴ Chavâta Môrese Kâthâ hnohta Pathliena hmo pie aw chi ta, Akazi ozy cha, Izarei beizy châta dôveina hmo a châ aw.

MIKÂ 1:14 ပူးပေါင်းရင်းမြစ်များ

2 SAMUELA 8:2

Môabâ pahnie ta, Môabâ mo cha a tlâh tlâh ta alei liata paziasa ta, thliena ri ta thlie ta, tlâh thôh liata tlâh no thie ta, tlâh kha cha a tlâh dua ta a pahlôh lymâ ei. Chatanachata Môabâ mo cha Dâvi chakaotuhpa ta y ei ta, râhpaw ama pie lymâ.

2 ABEIZY 16:8

Ahâza ta Abeipa o liata tâkâ nata ngôh a ypazy nata abei o ryubyh liata a ypazy la ta, Asuria bei lâ kuhria paphao ta.

HLAZY 62:9

Mochyhpazy cha ei kha husopa hawh dei châ ei ta, Molaipazy chhao dôveina deita a châ; Khopathliahna liata a hua syulyu ha ei ta, Ama pano ta ei kha husopa hlâta amâ hua via.

ISAI 30:6

He he Neke râhsazy kyh chhochhieliena bie a châ: Neke cha nôpona nata thlazohna râh a châ; Chakeibarôhneipa panô puana râh châ ta, Chakeibarôhneipa tôhpa puana râh a châ; Vâzi puana râh châ ta, Parih a zaw theipa puana râh a châ. Cha râh tawhna chata, Ama châta phahnaina a hnei leipa phopi pie awpa ta, Ama hneirônazy cha, Alâzy paphaosa ei ta; Ama ryusôhpazy cha, Râraoseihpazy ky byuhpa liata ama paphaosa.

ZEREMIAH 15:18

Khazia ma ei pasana pai thei leipa ta, Ei hmah a pha thei vei tly? Khazia ma ei hmah patlâh thei awpa a châ vei tly? Vahtie a ngâchhâ tlâh leipa hawhta ma, Ei châta na châ aw? Chavah ti kuapa hawhta ma na châ aw?

ZAWSUA 15:44

Keilâh, Akazi nata Mâresâ, khihpi mia chaki nata ama khichapeihzy;