MIKÂ 1:1 - Mara Bible RV (BSI)

¹ He he Zudâh bei Zôthâ, Ahâza nata Hezekia zy amâ bei nota, Môrese khihpa Mikâ hnohta Samâri nata Zerusale kyh Abeipa bie a vaw tlôpa a châ.

MIKÂ 1:1 ပူးပေါင်းရင်းမြစ်များ

2 ABEIZY 15:32

Remâliah sawcha­pawpa Izarei bei Pekâ kô no â bei kô ta, Uzia sawchapawpa Zudâh bei Zôthâ cha a bei pathao ta.

2 ABEIZY 15:5

Zehôvâh ta abei cha hrie ta, chatanachata a thi noh taihta phawh ha ta, o nano ta paysapa a châ. Abei sawchapawpa Zôthâ cha abei o liata hyutuhpa ta y ta, râh chyhsazy chô liata ryureina a siekheituhpa a châ.

2 ABEIZY 16:1

Remâliah sawchapawpa Pekâ kô hrawh hleisari â bei kô ta, Zôthâ sawchapawpa Zudâh bei Ahâza a bei pathao ta.

2 ABEIZY 18:1

Elâ sawchapawpa Izarei bei Hôsia kô thôh â bei kô ta, Ahâza sawchapawpa Zudâh bei Hezekia a bei pathao ta.

2 THÂTIHZYRONA 28:1

Ahâza cha kô kihpa a châ nota a bei pathao ta, Zerusale liata kô hrawh hleicharu â bei. A pathlatuhpa Dâvi ta Abeipa mohmô liata hmo dopa a taopa hawhta tao leipa ta,

2 THÂTIHZYRONA 29:1

Hezekia cha kô kih nata kô pangawhpa a châ nota a bei pathao ta, Zerusale liata kô kih nata kô chaki â bei. A nô moh cha Abizah châ ta, Zekaria sawchanô a châ.

ISAI 1:1

He aluahna he Zudâh bei Uzia, Zôthâ, Ahâza nata Hezekia zy amâ bei nota, Amôza sawchapawpa Isai ta Zudâh nata Zerusale kyh liata a hmôpazy a châ.

ISAI 1:2

Hy avâzy saih u, nathlie u la, Hy leilô, na nah pachô teh; Abeipa ta hetana heta a tah: “Sawzy a kuhkheipa ta palaiseihsa ei na ta, Châhrasala einâ chariah ha ei.

ISAI 7:1

Uzia sawchapawpa Zôthâ sawchapawpa Zudâh bei Ahâza â beina daihti liata, Aramia bei Rezi nata Remâliah sawchapawpa Izarei bei Pekâ cha Zerusale a dyuh awpa ta khyhnao ei ta, châhrasala pahnie thei leipa ei ta.

ISAI 7:9

Epharai luh cha Samâri châ ta, Samâri luh cha Remâliah sawchapaw­pa a châ. Namâ ngiapâna â i vei khiahta la, Â ipa ta a duah thei aw veih ei chi,’ a tah,” tah ta.

ZEREMIAH 26:18

“Môrese chyhsa Mikâ ta Zudâh bei Hezekia â beina daihti liata hrohsona bie phuah ta, Zudâh zawpi zydua hnohta, ‘Pheisaihzy Abeipa ta hetana heta a tah, “‘Zaio cha leipalie hawhta paliepa châ aw ta, Zerusale cha raona a pachona su a châ aw; Achhyna o tlâh chhao, Râhmâhpa tlâh lâta â lie aw,’” tah ta.

HÔSIA 1:1

He biezy he Zudâh râh liata Uzia, Zôthâ, Ahâza nata Hezekia zy amâ beina daihti nata Izarei râh liata Zôasâ sawchapawpa Zerôbôâ â bei nota Beri sawchapawpa Hôsia hnohta Abeipa bie vaw tlôpazy a châ.

HÔSIA 4:15

Hy Izarei, nâma a pheina vâta, Zudâh cha thailei châ khah sy. Kilkal lâ vawh leipa la, Bethave lâ chhao khy khah y; “Abeipa a hrohpa hawhta,” tahpa ta Bie a taih hra khah y.

HÔSIA 8:14

Izarei cha ano a taotuhpa my ta, Abei ozy tlao a sa; Zudâh ta thokhy ta dôhpa khihpizy A padua via lymâ. Châhrasala a khihpizy chô liata mei tuah aw na ta, Ama thokhyzy a kâ khai aw.

AMÔSÂ 1:1

He biezy he Zudâh bei Uzia â bei no nata Zôasâ sawchapaw Zerôbaw Izarei liata â beina daihti, alosih hlâ kô nona liata, Tekô khih liata mietaku vaituhpazy hry liatapa Amôsâ ta Izarei kyh a hmôpazy a châ.

AMÔSÂ 6:1

Zaio liata huhiehpa ta a ypazy cha, Ama hu a po na; Samâri tlâh liata thlahlôhpa ta a ypazy chhao, Ama hu a po na; Râh a y tuapazy liata chyhsa rônahpazy Ama hu po ta, Izarei pathlazy vaw pangaipa râh cha, A hu a po na!

MIKÂ 1:5

Cha zydua cha Zakaw paraona vâta châ ta, Izarei phopi moleina vâta a châ. Zakaw paraona cha khâpa maw? Samâri châ vei ma? Zudâh su sâhpa cha khâpa maw? Zerusale châ vei ma?

MIKÂ 3:9

Nâmo, Zakaw pathla chhituhpazy saih u, Nâmo, Izarei phopi ryureituhpazy saih u, Adona a hao ei chi ta, Apatlâpa a pakosapazy saih u,

HABAKU 1:1

He he hrohsopa Habaku hmôpa aluahna a châ.

2 PITY 1:21

Hrohsona bie kheihawhpa rai, chyhsapa pachâna tawhta a puapa châ leipa ta, Khazohpa tawhta a puapa bie cha, chyhsazy ta Thlahpa Pathaihpa chhihthapa ta ama reih tyhpa tlao a châ.