MATHAI 9:35 - Mara Bible RV (BSI)

³⁵ Zisu cha khihpi nata khitaw zydua chahryh ta, amâ pakhyna ozy liata pachupa ta khinarâh thâtihpha phuah lymâ ta. Hriiah to nata pasana to patlâh ta.

MATHAI 9:35 ပူးပေါင်းရင်းမြစ်များ

MATHAI 10:1

Zisu ta a pachupa pahrawh hleinozy aw ta, thlahpa puapazy papua thei awpa nata hriiah to nata pasana to patlâh thei awpa ta âmo cha biehneina pie ta.

MATHAI 11:1

Zisu cha a pachupa pahrawh hleinozy bie a pie khai tawhta, ama khihpizy liata pachu awpa nata bie chho awpa ta, cha su tawhta pua ta.

MATHAI 11:5

Mochaopazy ama mo pavâ ta, pheisypazy phei ta sie ei ta, phawhpazy pathaisapa ta y ei ta, nahpâpazy ta thei ei ta, athipazy pathyupa ta y ei ta, dyhchhiepazy hnohta thâtihpha chhopa a châ haw.

MÂKA 1:14

Zawhâna ama patu tawhta, Zisu cha Kâlili lâ a vy ta. Khazohpa Thâtihpha chho ta,

MÂKA 6:56

Khitaw liata zy, khihpi liata zy, lyu liata zy, khataih lia rai ta a siena maihta, tlâhleipazy cha sôhdaoh su liata zy pazia ei ta, a poh pai chhâ hria awpa ta Zisu cha a haw ei ta, a hriapa maihta tlâh lymâ ei ta.

MÂKA 6:6

Ama zo leina kyh liata noâh a tah ngaita. Chatawhcha khihzy chahryhpa ta, pachu lymâ ta.

LUKA 13:22

Zisu cha Zerusale pangaipa ta sie ta, lâpi liata khihpi nata khitawzy chahryhpa ta pachu lymâ ta.

HMOTAOPAZY 10:38

Khazohpa ta Nâzari Zisu kha Thlahpa Pathaihpa nata hmotaotheina ta sathawthu ta, Khazohpa a hnohta a ypa vâta, hmopha taopa ta râh chahryh ta, ahripa taolapa zydua a patlâh lymâ.

HMOTAOPAZY 2:22

“Nâmo Izarei sawzy saih u, he biezy he thei teh u: Nâzari Zisu, Khazohpa ta ano hmâpa ta nama hry liata hmo rônahpazy, hmonoâhpazy nata ngianazy a taopa kha, Khazohpa ta â pyhpa chyhsa a châ tahpa nâmo tlai ta nama pahno.