MATHAI 9:29 - Mara Bible RV (BSI)

²⁹ Ama mo cha hria ta, ama hnohta, “Namâ ngiapâna hawhta nama chô liata vaw tlô mawh sy,” tah ta.

MATHAI 9:29 ပူးပေါင်းရင်းမြစ်များ

MATHAI 15:28

Zisu ta chanô cha a chhy ta, a hnohta “Hy chanô, nâ ngiapâna thatlô rimâ cha! Na khopa hawhta na chô liata vaw tlô mawh sy,” tah ta, cha dawh lia tlai ta a sawchanô cha tlâh ha ta.

MATHAI 20:34

Zisu ta âmo cha ngiachhie kaw ta. Chatanachata ama mozy cha hria ta, thlai hmô thei ha ei ta, Zisu cha ama zi pâ haw.

MATHAI 8:13

Zisu ta pheisaih za kha hyutuhpa hnohta, “Sie mah y. Nâ ngiapâna hawhta na châta taopa a châ aw,” tah ta. Chatanachata chakaotuhpa cha, cha dawh liana tlai chata tlâh ha ta.

MATHAI 9:22

Zisu cha a vaw heih ta, chanô cha hmô ta, a hnohta, “Ei sawchanô, thlalôhpa ta y mah y. Nâ ngiapâna ta a cha patlâh haw,” tah ta. Cha dawh liana chata chanô cha patlâhpa ta y ha ta.

MATHAI 9:28

O chhôh lâ â ngia nahta, mochaopazy cha a hnohta a vy ei ta, Zisu ta ama hnohta, “He hmo he ei tao thei tahpa namâ ngiapâ ma?” tah ta. Âmo ta a hnohta, “Abeipa y, eimâ ngiapâ na” tah ei ta.

MÂKA 10:52

Zisu ta a hnohta, “Sie mah y, nâ ngiapâna ta a cha patlâh haw,” tah ta. Chatanachata a mo thlai vaw pavâ ta, lâpi liata Zisu cha zi pâ ha ta.