MATHAI 9:16 - Mara Bible RV (BSI)

¹⁶ Ahy hmahta pohthâ thiehpa ta chysia parohpa baithla beih veih ei. Ama baithla khiahta cha, a baithlana ta chysia parohpa cha hrie aw ta, â hrie lao ha aw.

MATHAI 9:16 ပူးပေါင်းရင်းမြစ်များ

ÂTHAONA 33:14

Chavâta ei zibeipa y, ngiachhiepa ta, nâ cha châ chakaotuhpa hmia lâta sie mah y. Kei deikua cha ei hmia lâta sahroh a siepazy ama sie theina rakha lymâ hawhta nata hawtizy sie theina rakha lymâ hawhta, ei zibeipa yna Seirâ ei vaw tlôna taihta dusawta ta ei vaw sie aw,” tah ta.

HLAZY 125:3

Hmoparaopa ryureina chôchahrei cha, Mosiapazy ryuto râh liata a duah aw vei; Chataleipatala mosiapazy ta ama ku pazawh aw ei ta, Moleina hmo ama tao pathlei aw na.

ISAI 40:11

Mietaku vaituhpa hawhta, A mietaku zawzy a vaih aw; Mietakutawzy cha a bâh ta chalopa ta, A chachôhna liata a pyh aw ta; A taw a chhipazy cha, Dusawta ta a siekhei aw ei.

MATHAI 9:15

Zisu ta ama hnohta, “Myuhneituhpa a y thlâh ha nota, ahneina kyhchhi a hlaopazy mâchhie ama sa aw ma? Ama hry tawhta myuhneituhpa lana daihti vaw tlô aw ta, cha tita deikua cha kâhvileipa ta ama y aw.

MATHAI 9:17

Savo titheih parohpa liata kresawhti thiehpa ryh beih hra veih ei. Ama ryh khiahta cha, savo titheih cha pa aw ta, kresawhti a leih aw ta, savo titheih cha a parao ha aw. Kresawhti thiehpa cha savo titheih thiehpa liata ama ryh tyh, chatanachata amâ boh raihrie aw,” tah ta.

MÂKA 2:21

Ahy hmahta chysia parohpa liata pohthâ thiehpa baithla beih veih ei. Ama bai khiahta cha, a baithlana ta tlao a daoparu aw ta, a thiehpa ta a parohpa cha hrie aw ta, tlao â hrie via ha aw.

LUKA 5:36

Zisu ta ama hnohta he pakhona bie chhao he reih ta, “Ahy hmahta pohthâ thiehpa hriepa ta, chysia parohpa liata baithla beih veih ei. Cha hawhta ama tao khiahta cha, pohthâ thiehpa ta chysia parohpa cha parao aw ta, pohthâ thiehpa nata chysia parohpa cha a hmie aw vei.

ZAWHÂNA 16:12

“Nama hnohta bie rei awpa hluhpi ei hnei. Châhrasala tahmâ la pahnie aw veih ei chi.

1 KAWRINI 13:13

Ngiapâna zy, hnabeiseihna zy, kyhpachâna zy he khâ ama y thlâh ha aw. Cha miathôhzy hry liata a rônah chaipa cha kyhpachâna he a châ.

2 KAWRINI 9:12

Cha deichhy chakaona raihria cha, mopathaihpazy phahlana pazaona dei châ leipa ta, Khazohpa lâta alyna biereina hluhpi a paysatuhpa a châ hra.