MATHAI 9:15 - Mara Bible RV (BSI)

¹⁵ Zisu ta ama hnohta, “Myuhneituhpa a y thlâh ha nota, ahneina kyhchhi a hlaopazy mâchhie ama sa aw ma? Ama hry tawhta myuhneituhpa lana daihti vaw tlô aw ta, cha tita deikua cha kâhvileipa ta ama y aw.

MATHAI 9:15 ပူးပေါင်းရင်းမြစ်များ

ISAI 22:12

Cha noh liata, Pheisaihzy Abeipa Zehôvâh ta, Cha awpa nata mâchhiesa awpa ta aw ta, Luh a papôlô awpa nata latho poh a bu awpa ta a aw.

MATHAI 9:14

Zawhâna pachupazy a hnohta a vy ei ta, “Khazia keimo nata Phârisaihzy he kâhvileipa ta y tyh pi ta, na pachupazy he kâhvileipa ta ama y hra vei?” tah ei ta.

MATHAI 9:16

Ahy hmahta pohthâ thiehpa ta chysia parohpa baithla beih veih ei. Ama baithla khiahta cha, a baithlana ta chysia parohpa cha hrie aw ta, â hrie lao ha aw.

MÂKA 2:19

Zisu ta ama hnohta, “Ahneina kyhchhi a hlaopazy ta myuhneituhpa ama hnohta a y chhôh cha, kâhvileipa ta ama y beih ma? Myuhneituhpa ama hnohta a y chhôh zydua cha, kâhvileipa ta y beih veih ei.

MÂKA 2:20

Myuhneituhpa ama hry tawhta lana nohzy a vaw tlô aw. Cha nohzy liata deikua cha, kâhvileipa ta ama y aw.

LUKA 17:22

Chatawhcha pachupazy hnohta, “Chyhsa Sawchapawpa hro nohzy he, noh kha chhâ hmô heih awpa nama khona nohzy a vaw tlô aw. Châhrasala hmô khao aw veih ei chi.

LUKA 5:34

Zisu ta âmo cha a chhy ta, “Myuhneituhpa a y chhôh ta, ahneina kyhchhi a hlaopazy kâhvileipa ta nama paysa beih ma?

LUKA 5:35

Châhrasala ama hry tawhta myuhneituhpa lana nohzy vaw tlô aw ta, cha nohzy lia deikua cha kâhvileipa ta ama y aw,” tah ta.

ZAWHÂNA 16:6

He biezy he nama hnohta ei reipa vâta, nama pathipalôh cha pachârôhna ta a bie.

ZAWHÂNA 3:29

Myuh a hneipa cha myuhneituhpa a châ. Myuhneituhpa viasa, myuhneituhpa pahnokhei awpa ta a duahpa cha, myuhneituhpa ao a theipa ta a palysa ngaita. Chavâta tahmâ ei lyna pakipa a châ haw.

HMOTAOPAZY 14:23

Awnanopa hlao to liata machâzy raopa ei ta, kâhvileipa ta thlahchhâpa ta, amâ ngiapâpa Abeipa liata ama pavaosa lymâ.

1 KAWRINI 7:5

Thlahchhâ awpa ta namâ pie thei nawpa ta bohpi leipa châta â ryh nama tah raihriepa dei leipa ta cha, nôvah châna kyh liata a paky khuh vy. Thlahchhâ awpa ta bohpi leipa chhôh namâ paky hapa chhao ta, thlah nama chhâ khai tawhta cha, nama yzie tyhpa hawhta y heih tyh muh vy. Chataleipatala namâ sohsi thei leipa vâta Sâtâ ta a cha reipasao pathlei aw ei.

2 KAWRINI 11:27

Riethei rairunazy thata a tyh na ta, a mô leipa ta zâ hluhpi y na ta, nodi dâhphipa ta ei hluhpi y na ta, kâhvileipa ta y tyh na ta, chasipa nata thluahruapa ta ei hluhpi ei y.

BIEPHUAH 19:9

Vâlyuhchâpa chata ei hnohta, “Mietakutaw myuh hneina kyhchhi liata hruapazy cha ama nohlao na, tahpa ta roh teh,” na tah ta. Chatawhcha ei hnohta, “Hezy he Khazohpa biehmeiseihpazy a châ,” tahpa ta na chho ta.

BIEPHUAH 21:2

Chatawhcha khihpi pathaihpa, Zerusale thiehpa hmô na ta. Myuhthieh ta a vahpa châta a tobi ta, a mâ chiehpa ta a ypa hawhta, avâ liata Khazohpa tawhta za chô ta.