MATHAI 9:13 - Mara Bible RV (BSI)

¹³ Vawh u la, ‘Atheihna khoh leipa na ta, zawngiahna ei khoh,’ tahpa bie yzie cha a kei chu teh u. Chyhsa siapazy pado awpa ta a zupa châ leipa na ta, moleipazy pado awpa ta a zupa tlao ei châ,” tah ta.

MATHAI 9:13 ပူးပေါင်းရင်းမြစ်များ

BIESOZY 21:3

Abeipa châta cha siana nata adona ta hmo taopa he, Atheihna hlâta a pyh tlâh a châ via.

HÔSIA 6:6

Atheihna khoh leipa na ta, Ngiachhiena ei khoh; Raopa hlâna châ leipa ta, Khazohpa pahnona ei khoh.

MATHAI 12:3

Zisu ta ama hnohta, “Dâvi nata a hnohta a ypazy ta ama nodi nota ama hmotaopa kha reih beih veih ei chi ma?

MATHAI 12:5

Theihthaipazy ta Pahânoh ta Achhyna o liata Pahânoh parao ei ta thai ama châ thlâh hapa kyh Ryhpa bie liata ropa chhao kha, reih beih veih ei chi ma?

MATHAI 12:7

‘Atheihna khoh leipa na ta, zawngiahna ei khoh,’ tahpa he a yzie a pahnopasiapa châ u la cha, thaileina a hnei leipa thailei nama pachâsa lei awpa tlai.

MATHAI 19:4

Zisu ta a chhy ta, “Âthaona liata âmo taotuhpa khata, chapaw nata chanô ta âmo cha tao ta,

MATHAI 21:42

Zisu ta ama hnohta, “Biehrai liata, “‘O satuhpazy alô kho leipa cha, A ki lô a vaw châ haw; Cha cha Abeipa taopa châ ta, Eima mo liata â ngia ngaita,’ tahpa bie reih beih veih ei chi ma?

MATHAI 3:2

“Ro teh u, vârâh khinarâh cha â hnia haw,” tahpa ta bie chho ta.

MATHAI 3:8

Rona moh phaoh tlâhpa ta pathei teh u.

MATHAI 4:17

Cha daihti tawhta Zisu ta, “Ro teh u, vârâh khinarâh cha â hnia haw,” tahpa ta pachu pathao ta.

MÂKA 12:26

Athihpazy pathyupa ta ama y awpa kyh cha, Mawsi châbu liata thobuh kyh rona liana khata, Khazohpa ta, ‘Kei he Abarahâ Khazohpa, Aisika Khazohpa nata Zakaw Khazohpa ei châ,’ tahpa ta Mawsi a chhona bie kha reih beih veih ei chi ma?

MÂKA 12:33

Khazohpa cha pathipalôh tlokhuh ta, pahnona tlokhuh ta nata thatlôna tlokhuh ta kyhpachâpa nata sasyh kyh a pachâpa hawhta vaih kyhpachâpa cha, a pôhpa duata rao khaipa raopa hlânazy nata atheihnazy hlâta pha via syulyupa a châ,” tah ta.

MÂKA 2:17

Zisu ta cha bie cha a thei nahta, ama hnohta, “Atlâhpazy ta dawhty a ngiah leipa ei ta, tlâhleipazy ta amâ ngiah. Mosiapazy pado awpa ta a zupa châ leipa na ta, moleipazy pado awpa ta a zupa tlao ei châ,” tah ta.

LUKA 10:26

Zisu ta a hnohta, “Ryhpa châbu liata khâpa â roh? Kheihta ma cha cha na rei tyh?” tah ta.

LUKA 19:10

Leidiapazy tlua ta pachha awpa ta, Chyhsa Sawchapawpa he â zupa rai a châ,” tah ta.

LUKA 24:47

ano moh ta rona nata molei ngiahthaina thâtih cha, Zerusale tawhta pathaopa ta, phopi to hnohta chhopa a châ aw.’

LUKA 5:31

Zisu ta âmo cha a chhy ta, “Atlâhpazy ta dawhty a ngiah leipa ei ta, tlâhleipazy ta amâ ngiah.

LUKA 5:32

Mosiapazy pado awpa ta a zupa châ leipa na ta, moleipazy pado ta, parosa awpa ta a zupa tlao ei châ,” tah ta.

ZAWHÂNA 10:34

Zisu ta âmo cha a chhy ta, “Nama ryhpa châbu liata, ‘Khazohzy nama châ ei cha tah ei,’ tahpa ropa châ vei mâ?

HMOTAOPAZY 11:18

Cha biezy cha ama thei nahta, a chalih ha ei ta. “Chata a châ khiahta cha, Khazohpa ta Zenitaizy chhao, ropa ta hroh awpa a pasai ha ei chuh,” tah ei ta, Khazohpa reithai ei ta.

HMOTAOPAZY 2:38

Pity ta ama hnohta, “Ro u la, nama moleinazy a ngiahthaipa ta a y thei nawpa ta, Zisu Krista moh ta bâti châ chyu teh u. Chatanachata hmosaipiepa, Thlahpa Pathaihpa cha nama hmô aw.

HMOTAOPAZY 20:21

Zuzy hnohta chhao, Krikâh mo hnohta chhao, ropa ta Khazohpa lâ a heih ta, eima Beipa Zisu Krista a ngiapâ awpa ta ei cha chho tyh ei.

HMOTAOPAZY 3:19

Chavâta ro u la, ano lâ kua teh u, nama moleinazy pahleipa a châ aw.

HMOTAOPAZY 5:31

Izarei parosa ta, moleinazy a ngiahthai awpa ta, Khazohpa ta ano cha a chachâh lâta patyusa ta, Hyutuhpa nata Pachhatuhpa ta y awpa ta a cheihchalo haw.

2 PITY 3:9

Thokha ta Abeipa cha a bietai patlôna kyh liata nainôsôpa hawhta pachâ ei ta, châhrasala a nainôsô vei. Abeipa cha nâmo châta palôh pasi ngaitapa châ ta, ahy hmah ama leidia awpa khoh leipa ta, chyhsa zydua ama ro khai awpa tlao a khoh.