MATHAI 8:6 - Mara Bible RV (BSI)

⁶ “Abeipa, nâ chakaotuhpa asypa cha o liata a zia thlâh ha ta, a pasa ngaita,” tah ta, patlâh awpa ta a haw ta.

MATHAI 8:6 ပူးပေါင်းရင်းမြစ်များ

MATHAI 4:24

Suria râh zydua liata a moh pathâh ta, chyhsa tlâhleipa zydua, pasana a hneipa nata hri ohpazy, ahripa patupazy, riapamiepazy nata asypazy a hnohta a vaw chhi ei ta, patlâh lymâ ta.

MATHAI 8:7

Zisu ta a hnohta, “A vy aw na ta, ei patlâh aw,” tah ta.

MATHAI 9:2

Chyhsa thokha ta asypa pakha a rakhô chhaota ano lâ a vaw sy ei ta. Zisu ta amâ ngiapâna a hmô nahta, asypa hnohta, “Ei sawchapawpa, thlalôhpa ta y mah y, na moleinazy a ngiahthaipa a châ haw,” tah ta.

HMOTAOPAZY 10:7

Bie a chhotuhpa vâlyuhchâpa a sie nahta, Kawnilia cha a chakaotuhpazy hry liata chyhsa pano nata a vaituhpa pheisaihzy hry liata Khazohpa a pachâpa pheisaih pakha aw ta.

HMOTAOPAZY 8:7

Thlahpa puapazy cha ao paro ngaitapa ta awhna chôta ama patupa chyhsa hluhpi chhôh tawhta vaw pua ei ta, asypa nata pheisypazy chhao patlâhpa châ ei ta.

HMOTAOPAZY 9:33

Cha liata chyhsa pakha a moh Ainia ama tahpa, asypa vâta kô charie rakhô liata a zia hapa hmô ta.

KAOLAOSÂ 3:11

Cha chyhsa thiehpa hro liana cha, Krikâh chyhsa nata Zu chyhsa tahpa tlyma, chopawtaipa nata chopawtaileipa tahpa tlyma, chi hnohkhawpa tahpa tlyma, Skythia mo tahpa hawhpa tlyma, sei tahpa tlyma, khotalaipa tahpa tlyma, y khao vei. Krista cha ato châ ta, ato liata a ypa a châ.

KAOLAOSÂ 4:1

Zibeipa saih u, nâmo chhao avâ liata Zibeipa nama hnei tahpa pahnopa ta, nama seizy chô liata â do kawpa nata â raohâh kawpa ta tao muh vy.

1 TIMAWTHY 6:2

Ngiapâtuhpa zibeipa a hneipazy ta, Krista liata unawh ama châpa vâta, ama zibeipazy ama hno awpa châ leipa ta, ama chakaona a thôhkheituhpazy cha ngiapâtuhpa nata kho ngaitapazy ama châpa vâta, a pha viapa ta ama chakao rili awpa a châ. He biezy he pachu la pasyu mah y.

PHILEMAW 1:16

Châhrasala sei hawhta châ khao leipa ta, sei hlâta pha viapa, unawh kho ngaitapa hawhta a châ bâ aw. Keima châta unawh kho ngaitapa châ ta, nâma châ chhochhi ta cha, sapa liata nata Abeipa liata unawh kho ngaitapa a châ pachai aw.