MATHAI 8:4 - Mara Bible RV (BSI)

⁴ Zisu ta a hnohta, “Ahy hmahta chho lei awpa ta a sohsi mah y. Anodeikuacha ama zo thei nawpa ta, sie la, theihthaipa a kei pamosa la, Mawsi ta hmo hlâ awpa a raopa kha kei hlâ mah y,” tah ta.

MATHAI 8:4 ပူးပေါင်းရင်းမြစ်များ

ISAI 42:21

Abeipa cha asiapa a châpa vâta, A ryhpa bie cheihchalo ta parônahsapa cha, Â lyna a châ tyh.

THEIHTHAINA 13:49

phawhpa hri y sala, cha hri cha chysia liata tlyma, savo liata tlyma, thaitôh liata tlyma, thaipheih liata tlyma, savo ta taopa hmobaoh liata tlyma, a rôh hrohpâpa ta tlyma, saihpâpa ta tlyma ta â vaw lâ khiahta cha, phawhpa hri châ ta, theihthaipa pamosa awpa a châ.

MATHAI 10:18

Zenitaizy hmiakô liata bie pahnotuhpazy châ awpa ta, keima vâta ryureituhpazy nata abeizy hmiakô liata ama châ chhi aw.

MATHAI 16:20

Zisu ta Mesia a châ tahpa cha ahy hmah chho lei awpa ta pachupazy cha â ipa ta zikyu a râ ta.

MATHAI 17:9

Tlâh tawhta ama za chô hai nota, Zisu ta ama hnohta, “Chyhsa Sawchapawpa he athihpazy hry tawhta a thyu heih hlâlei cha, aluahna nama hmôpa kha ahy hmah chho khuh vy,” tahpa ta biepie ta.

MATHAI 3:15

Zisu ta a chhy ta, “Â ryh tah thlâh ha teh. Siana zydua pakipa cha eima châta a ngiahpa a châ,” tah ta. Chatanachata paryhsa ha ta.

MATHAI 5:17

“Ryhpa nata hrohsopa biezy pahleipadia awpa ta â zupa hawhta na pangiasa khuh vy. Pahleipadia awpa ta â zupa châ leipa na ta, pakisa awpa ta â zupa tlao ei châ.

MATHAI 6:1

“Chyhsa hmô awpa ta hmo pha a taopa nama châ lei nawpa ta a chado teh u. Chataleipatala nama Paw vârâh liata a ypa tawhta lymâ hmô aw veih ei chi.

MATHAI 9:30

Ama mo vaw pavâ ha ta. Zisu ta âmo cha zikyu a râ ta, ama hnohta, “Ahy hmahta pahno lei awpa ta a sohsi muh vy,” tah ta.

MÂKA 13:9

“Châhrasala a hrohrua teh u. Ryureituhpazy cha patusa aw ei ta, pakhyna ozy liata cha chhei aw ei ta, keima vâta ryureituhpazy nata abeizy hmiakô liata a duah aw ei chi ta, ama hmiakô liata pahnotuhpa châ awpa ta namâ duah aw.

MÂKA 3:12

Châhrasala a châna phuah lei awpa ta, âmo cha â i ngaitapa ta biepie ta.

MÂKA 5:43

Zisu ta cha thâtih cha ahy hnohta hmah pahnosa lei awpa ta zawpizy cha â i ngaitapa ta biepie ta. Hawtinô cha niepa pie awpa ta âmo cha chho ta.

MÂKA 6:11

Châ ly leipa nata nama bie a nathlie khoh leipa khihzy cha, nama puasai tita, ama thaileichâna pahnosana châta nama phei liata buchadoh chatho thlu teh u,” tah ta.

MÂKA 7:36

Zisu ta ahy hmahta chho lei awpa ta âmo cha biepie ta. Châhrasala a pakhâ via nahta, phahnai ngiah viapa ta pathâhsa via rili ei ta.

MÂKA 8:30

Zisu ta a thâtih cha ahy hmah chho lei awpa ta pachupazy cha biepie ta.

MÂKA 9:9

Tlâh tawhta ama za chô nota, athihpa hry tawhta Chyhsa Sawchapawpa a thyu heih hlâlei cha, hmo ama hmôpazy ahy hmah chho lei awpa ta âmo cha biepie ta.

LUKA 17:14

Zisu ta âmo cha a hmô nahta, ama hnohta, “Vawh u la, theihthaipazy a kei pamosa teh u,” tah ta. Ama sie hai nota vaw pathaih ha ei ta.

LUKA 21:13

Cha cha nama bie pahnopa reina rypaohpa a châ aw.

LUKA 4:41

Ahripazy chyhsa hluhpi chhôh tawhta vaw pua ei ta, “Khazohpa Sawchapawpa na châ!” tahpa ta awh ei ta. Châhrasala âmo cha ra ta, Mesia a châ tahpa ama pahnopa vâta, bie ama rei awpa pasaih leipa ta.

LUKA 5:14

Zisu ta a hnohta ta biepie ta, “Ahy hmah chho leipa la, theihthaipa a kei pamosa aw chi ta, na pathaih ha tlai tahpa pahno nawpa ta, Mawsi biepiepa hawhta hmohlâpa kei hlâ mah y,” tah ta.

LUKA 8:56

A nô nata a paw cha ama noâh ngaita ta. Châhrasala Zisu ta a hmotaopa cha ahy hmah chho lei awpa ta biepie ta.

LUKA 9:21

Cha bie cha ahy hmahta chho lei awpa ta Zisu ta biepie ta,

ZAWHÂNA 5:41

Chyhsapa palyupalihna a pyh va na.

ZAWHÂNA 7:18

Ano tao chhyhpa bie a reihpa cha ano rônahna a tluapa a châ. A tuahtuhpa rônahna a tluapa deikua cha, chyhsa dopa châ ta, ano liata adoleina rai y vei.

ZAWHÂNA 8:50

Keima rônahna a tluapa châ va na. Ei rônahna a tluapa Pakha y ta, ano cha pachiatuhpa a châ.