MATHAI 8:31 - Mara Bible RV (BSI)

³¹ Ahripazy ta a haw ei ta, a hnohta, “Miah na papua awpa khiahta cha, vao zawzy py chhôh liata miah pangiasa mah y,” tah ei ta.

MATHAI 8:31 ပူးပေါင်းရင်းမြစ်များ

MATHAI 4:24

Suria râh zydua liata a moh pathâh ta, chyhsa tlâhleipa zydua, pasana a hneipa nata hri ohpazy, ahripa patupazy, riapamiepazy nata asypazy a hnohta a vaw chhi ei ta, patlâh lymâ ta.

MATHAI 7:6

“Izy cha hmo pathaihpa pie leipa u la, vaozy hmiakô liata nama taikuh lôsôhpazy thy hra khuh vy. Ama phei ta tly aw ei ta, ama châ liehnao pathlei aw.

MATHAI 8:30

Ama yna tawhta a hla kawpa liata vao zaw hluhpi ama lao chuah ei ta.

MATHAI 8:32

Zisu ta ama hnohta, “Sie teh u,” tah ta. Chatawhcha vaw pua ei ta, vaozy chhôh liana cha a ngia ei ta, vao zaw zydua cha tilaipi ngiahkâ pâdawhpa lâ a râ ei ta, ti liata tlasao khai ha ei ta.

MÂKA 5:12

Thlahpa puapazy ta Zisu cha a haw ei ta, a hnohta, “Vaozy lâ hao miah papua la, âmo chhôh lâ miah pangiasa teh,” tah ei ta.

MÂKA 5:7

Ao paro ngaitapa ta awh ta, “Zisu, Khazohpa Chônôchaipa Sawchapawpa, ei chô liata khâpa tao awpa ma nâ chhuah? Khazohpa moh ta ei châ haw na, na taola khah y,” tah ta.

BIEPHUAH 12:12

Chavâta Hy avâzy nata a chhôh liata a pahrâpazy saih u, a ly teh u! Nâmo, alei nata tilaipi deikua cha, nama hu a po na! Ahripa ta daihti chyuta dei a hnei tahpa a pahnopa vâta, hiehâh ngaitapa ta nâmo lâ za chô ha tlôh ta,” tah ta.