MATHAI 8:27 - Mara Bible RV (BSI)

²⁷ Chyhsazy cha ama noâh kaw ta, “He chyhsa he kheihawhpa chyhsa ma a châ tly, thlihzy nata tichatlaopazy taihta a rei amâ ngiahpa he,” tah ei ta.

MATHAI 8:27 ပူးပေါင်းရင်းမြစ်များ

MATHAI 14:33

Balyh liata a ypazy a vy ei ta, ano cha a chhy ei ta, a hnohta, “Khazohpa Sawchapawpa na vaw châ hmeiseih tlai na,” tah ei ta.

MATHAI 15:31

Reih pathlie theileipazy ta reih pathlie ei ta, pihpasipazy tlâh ei ta, pheisypazy phei ta sie ei ta, mochaopazy ta ama hmô thei hapa zawpizy ta ama hmô nahta, ama noâh ngaita ta, Izarei Khazohpa cha reithai ei ta.

MATHAI 8:10

Zisu ta cha bie cha a thei nahta, a noâh kaw ta, a pachupazy hnohta, “Hmeiseihta ta ei cha chho ei, he tlu ta ngiapâna thatlôpa he Izarei liata pakha hmah hmô va na.

MATHAI 8:26

Zisu ta ama hnohta, “Ngiapâna chyhpa saih u, khazia nama chi?” tah ta. Thyu ta thlihzy nata tichatlaopa cha ra ta, sidia ha ta.

MATHAI 8:28

Haosâ Kâdarene râh a tlô nahta, ahripa patupa pano thlâ tawhta vaw pua ei ta, Zisu cha a vaw tyh ei ta. A hrâh ngâsâ ei ta, chavâta cha lâpi liana cha ahy hmahta ama sie ngâh tyh leipa a châ.

MÂKA 1:27

Ama zydua ta noâh tah ngaita ei ta, “He he khâpa ma a châ tly? Biehneina chhaota pachuna thiehpa a châ he! Thlahpa puapazy chhao taihta bie pie ta, a bie amâ ngiah thlâh hapa he,” tah ei ta.

MÂKA 6:51

Ama hnohta balyh liata a ngia ta, thlih cha a chalih ha ta. A pachupazy cha ama noâh ngaita ta.

MÂKA 7:37

Zawpizy cha rei thai leina taihta ama noâh ta, “Hmo to a tao phazie rimâ cha! Nahpâpa taihta patheisa ta, reih pathlie thei leipa taihta a pathliesa haw,” tah ei ta.