MATHAI 8:26 - Mara Bible RV (BSI)

²⁶ Zisu ta ama hnohta, “Ngiapâna chyhpa saih u, khazia nama chi?” tah ta. Thyu ta thlihzy nata tichatlaopa cha ra ta, sidia ha ta.

MATHAI 8:26 ပူးပေါင်းရင်းမြစ်များ

HLAZY 65:7

Tilaipi a aoh ngâpazy chalihsa chi ta, Ama tichatlaopa a aoh ngâpazy chalihsapa ta, Phopizy atlaokalina na chalihsa haw.

HLAZY 89:9

Tilaipi a lai lymâpa chô liata ryureih chi ta, Tichatlaopa a pathluah ngâpazy na chalihsa tyh.

ISAI 63:12

A bâh rônahpa Mawsi ku chachâh lâta pasiesa ta, Anosasyh ta chhâzaw moh a tao awpa ta, Ama hmiakô liata tizy a pachhaihtuhpa kha, Khataih liata a y haw?

NÂHU 1:4

Tilaipi rapa ta pakua ta, Chavah zydua a pakua khai; Bâsanâ nata Kâmel raoh ei ta, Lebanaw pawpi a uah.

HABAKU 3:8

Hy Abeipa, arâ kiah chi ta, Na pahniena talailih liata na kia no kha, Chavahzy chô liata ma na hie a hâh? Chavahzy chô liata ma na pathi a ia? Tilaipi chô liata ma na ru a chhô?

MATHAI 16:8

Zisu ta cha kyh cha a pahno nahta, “Ngiapâ chyhpa saih u, khazia ma viahchhâ nama hnei leipa kyh nama reih?

MATHAI 17:20

Zisu ta ama hnohta, “Namâ ngiapâna a chyhpa vâta a châ. Hmeiseihta ta ei cha chho ei, âhrâ chi hmô kha tie chhâ ta ngiapâna nama hnei khiahta la, he tlâh hnohna heta, ‘He tawhta hao lâ a pasie teh,’ tah u la, â pasie thlâh ha aw. Nama châta tao thei leipa khâpa hmah y aw vei.

MATHAI 6:30

Hy nâmo, ngiapâ chyhpa saih u, râh liata sibiepa tanoh hroh ta, mylâ mei liata thy thlâh ha awpa hmahta Khazohpa ta cha tlatlu ta a tobi khiahta cha, nâmo chhochhi cha, cha tobi via syulyu aw veih ei ma?

MATHAI 8:27

Chyhsazy cha ama noâh kaw ta, “He chyhsa he kheihawhpa chyhsa ma a châ tly, thlihzy nata tichatlaopazy taihta a rei amâ ngiahpa he,” tah ei ta.

LUKA 4:35

Zisu ta ano cha ra ta, a hnohta, “A chalih la, a chhôh tawhta pua teh!” tah ta. Cha chyhsa cha ahripa ta ama hry liata papaosa ta, pasasa leipa ta, a chhôh tawhta a vaw pua haw.

RAWMA 4:20

Ngiapâna a phahla beih leipa ta, Khazohpa bietai a lôh leipa ta y beih vei. Â ngiapâna a thatlô via rili ta, Khazohpa a palyupalih lymâ.

BIEPHUAH 10:2

A ku liata châbu chatypa chyhpa cha pahy chiehpa ta chaba ta. A phei chachâh lâ tilaipi chô liata tlypa ta, a chavei lâ alei liata tly ta.