MATHAI 8:2 - Mara Bible RV (BSI)

² Phawhpa pakha a hnohta a vy ta, a hmiakô liata a bôh ta, a hnohta, “Abeipa, na khoh khiahta la eina pathaisa thei chi na,” tah ta.

MATHAI 8:2 ပူးပေါင်းရင်းမြစ်များ

2 SAMUELA 3:39

Abei châta sathawthupa châ hra aw sah la, tanoh la ei vaw nainyu khai ha na. He chyhsazy, he Zeru sawchapawzy he ei chô liata ama chahraochatôh tu haw. Hmo pha leipa a taopa cha, a hmotaozie lymâ hawhta Abeipa ta viari a thô aw” tah ta.

2 ABEIZY 15:5

Zehôvâh ta abei cha hrie ta, chatanachata a thi noh taihta phawh ha ta, o nano ta paysapa a châ. Abei sawchapawpa Zôthâ cha abei o liata hyutuhpa ta y ta, râh chyhsazy chô liata ryureina a siekheituhpa a châ.

2 ABEIZY 5:1

Aramia bei pheisaih hyutuhpa Nâmâ cha Abeipa ta Aramia mo pachhatuhpa ta a hmâ tyhpa vâta a zibeipa pachâna liata chyhsa zachhih ngaitapa nata mody kawpa châ ta. Ano cha chyhsa thatlôpa nata riahphapa châ ta, anodeikua phawhpa châ ta.

2 ABEIZY 5:27

Nâmâ phawhpa kha ta cha patu aw ta, na pathlazy chhao chhâzaw ta a patu lymâ aw,” tah ta. Chatanachata Kehâzi cha Elaisâh hmiakô tawhta pua ta, dâhaw hawhta ngyuhpa ta, phawhpa vaw châ ha ta.

MALUHREINA 12:10

Poh o chô tawhta meihdo â pasie nahta, pachâ tua u, Miria cha vaw phawh ta, dâhaw hawhta a vaw râh haw. Arawna ta Miria cha moh ta, phawhpa vaw châ thlâh ha ta.

MATHAI 10:8

Tlâhleipazy patlâh u la, athipazy pathyu u la, phawhpazy pathaisa u la, ahripazy papua teh u. A saipa ta hmô ei chi ta, a saipa ta pie teh u.

MATHAI 13:58

Amâ ngiapâ leipa vâta, cha liata hmonoâhpa hluhpi tao vei.

MATHAI 14:33

Balyh liata a ypazy a vy ei ta, ano cha a chhy ei ta, a hnohta, “Khazohpa Sawchapawpa na vaw châ hmeiseih tlai na,” tah ei ta.

MATHAI 15:25

Châhrasala chanô cha a vy ta, Zisu hmiakô liata a bôh ta, a hnohta, “Abeipa, na bao mah y,” tah ta.

MATHAI 18:26

Chakaotuhpa cha a pakhu paneih ta, a zibeipa cha a naoh ta, a hnohta, ‘Zawh rie nâ ngiah chy mah y, a zydua ta ei cha thô khai aw,’ tah ta.

MATHAI 2:11

O chhôh lâ a ngia ei ta, hawsaih cha a nô Mâri hnohta hmô ei ta, a bôhpa ta a naoh ei ta. Ama ryubyhzy pahy ei ta, hmosaipa ngôh, deiryh nata myrâ zy pie ei ta.

MATHAI 20:20

Chatawhcha Zebâdi sawchapawzy nô cha, a sawchapawzy chhaota Zisu lâ a vy ta, Zisu cha a naoh ta, khokheina hiah ta.

MATHAI 26:6

Zisu cha Bethâni liata phawhpa Saimaw o liata a y nota,

MATHAI 28:17

Ano ama hmô nahta, a naoh ei ta, thokha deikua cha a lôh leipa ei ta.

MATHAI 28:9

Zisu ta âmo cha a vaw tyh ta, “Thlalôhna nama hnohta y mawh sy?” tah ta. A pachupazy cha a vy ei ta, a phei patu ei ta, Zisu cha a naoh ei ta.

MATHAI 4:9

A hnohta, “Â khu lâta pao la, einâ chhy khiah chi ta cha, he hmo zydua he ei cha pie aw,” tah ta.

MATHAI 8:1

Zisu cha tlâh tawhta a za chô nahta, zawpi hluhpi ta ano cha zi ei ta.

MATHAI 8:25

A pachupazy a vy ei ta, Zisu cha pahra ei ta, “Abeipa, miah pachha teh, eima leidia hai hih,” tah ei ta.

MATHAI 9:18

Cha biezy cha Zisu ta ama hnohta a rei hai nota, ryureituhpa pakha a vy ta, a hmiakô liata a bôh ta, a hnohta, “Tahmâ tlai kha ei sawchanô thi ta, châhrasala a vy la, a chô liata na ku pahnieh la, a hroh heih aw,” tah ta.

LUKA 4:27

Hrohsopa Elaisâh hro no chhao khata, Izarei liata phawhpa hluhpi y ei ta, châhrasala ahy hmah pathaisapa châ leipa ei ta, Suria chyhsa Nâmâ deita pathaisapa a châ,” tah ta.

ZAWHÂNA 9:38

Ano ta, “Abeipa, ei ngiapâ na,” tah ta, Zisu cha a naoh ta.

HMOTAOPAZY 10:14

Châhrasala Pity ta, “Abeipa, châ vei, ânapa nata pathaih leipa khâpa hmah nie beih va na,” tah ta.

HMOTAOPAZY 10:25

Pity cha o â ngia chy ta, Kawnilia ta vaw dy ta, a phei thaby liata pao ta, a chhy ta.

1 KAWRINI 14:25

A palôh liata nyupazy palâsapa châ aw ta, â khu lâta pao aw ta, Khazohpa a chhypa ta, Khazohpa cha nama hry liata a y hmeiseih tlai tahpa ta a phuah aw.

BIEPHUAH 19:10

Ano a chhy awpa ta a phei thaby liata kei pao na ta. Châhrasala ano ta ei hnohta, “Khata tao khah y! Kei cha nâ nata na unawhpa, Zisu bie a pyhtuhpazy chakaolâhpa ei châ. Khazohpa tlao a chhy teh. Zisu bie cha hrohsona thlahpa châ tlôh ta,” tah ta.