MATHAI 8:16 - Mara Bible RV (BSI)

¹⁶ Zâlâ a vaw châ nahta, ahripa patupa hluhpi a vaw chhi ei ta, bie ta ahripazy cha papua ta, tlâh leipa zydua patlâh lymâ ta.

MATHAI 8:16 ပူးပေါင်းရင်းမြစ်များ

PUASAINA 15:26

ama hnohta, “Abeipa Khazohpa ao pakhâta ta nathliepa ta, a mohmô liata hmo dopa taopa ta, a biepiepazy nathliepa ta, a bieraopazy na zyh khiahta cha, Izi mo chô liata hri ei patlôsapazy kha, na chô liata kheihawhpa hmah patlôsa aw va na, Kei he Zehôvâh Râfâ ei châ,” tah ta.

MATHAI 12:22

Chatawhcha ahripa ta a patupa, mochaopa nata reih pathlie thei leipa pakha a hnohta a vaw chhi ei ta. Zisu ta ano cha patlâh ta, reih pathlie thei leipa cha reih pathlie theipa ta, a mo pavâ ha ta.

MATHAI 14:14

Ngiahkâ lâ a pua nahta, zawpi hluhpi hmô ta, âmo cha a thapasa ngaita ta, ama hry liata tlâhleipazy patlâh ta.

MATHAI 8:15

A ku hria ta, a chasipa cha pai ha ta, thyu ta Zisu cha chakao pâ ha ta.

MATHAI 8:33

Vao pasatuhpazy cha a râ ei ta, khihpi a ngia ei ta, ato chho ei ta. Ahripa patupazy chô liata hmo a tlôpazy chhao chho ei ta.

MATHAI 9:2

Chyhsa thokha ta asypa pakha a rakhô chhaota ano lâ a vaw sy ei ta. Zisu ta amâ ngiapâna a hmô nahta, asypa hnohta, “Ei sawchapawpa, thlalôhpa ta y mah y, na moleinazy a ngiahthaipa a châ haw,” tah ta.

MÂKA 2:3

Chyhsa papalih ta pheisypa pakha ano lâ a vaw sy ei ta.

MÂKA 5:8

Zisu ta a hnohta, “Nâ, thlahpa puapa, chyhsa tawhta pua teh!” tah ta.

MÂKA 9:25

Zawpi amâ vaw râpakhy haipa Zisu ta a hmô nahta, thlahpa puapa cha ra ta, a hnohta, “Nâ, reih pathlie thei leina nata nahpâna thlahpa, bie ei cha pie, a chhôh tawhta vaw pua la, a ngia heih khao khah y,” tah ta.

LUKA 13:12

Zisu ta ano cha a hmô nahta, aw ta, a hnohta, “Chanô, na pasana ta a cha pathlie haw,” tah ta.

LUKA 4:40

Noh a tla hai nota, pasana hri nanopa a ohpazy cha, ama chhôhkhazy ta Zisu lâ a vaw chhi ei ta, ama zydua chô liata a ku pahniehpa ta patlâh lymâ ta.

LUKA 4:41

Ahripazy chyhsa hluhpi chhôh tawhta vaw pua ei ta, “Khazohpa Sawchapawpa na châ!” tahpa ta awh ei ta. Châhrasala âmo cha ra ta, Mesia a châ tahpa ama pahnopa vâta, bie ama rei awpa pasaih leipa ta.

HMOTAOPAZY 5:15

Pity â vy tita, a nohpahlipa chhâ ta a pahli thei nawpa ei ta, tlâhleipazy a vaw sy ei ta, rakhô nata hmohphawzy chô liata paziapa ta lâlaizy liata soh ei ta.