MATHAI 8:13 - Mara Bible RV (BSI)

¹³ Zisu ta pheisaih za kha hyutuhpa hnohta, “Sie mah y. Nâ ngiapâna hawhta na châta taopa a châ aw,” tah ta. Chatanachata chakaotuhpa cha, cha dawh liana tlai chata tlâh ha ta.

MATHAI 8:13 ပူးပေါင်းရင်းမြစ်များ

BIECHHOTUHPA 9:7

Khazohpa ta na hmo taopazy a pyh ha ta, chavâta sie la, a lypa ta na viahchhâ nie la, palôh tlâhpa ta na kresawhti doh mah y.

MATHAI 15:28

Zisu ta chanô cha a chhy ta, a hnohta “Hy chanô, nâ ngiapâna thatlô rimâ cha! Na khopa hawhta na chô liata vaw tlô mawh sy,” tah ta, cha dawh lia tlai ta a sawchanô cha tlâh ha ta.

MATHAI 17:20

Zisu ta ama hnohta, “Namâ ngiapâna a chyhpa vâta a châ. Hmeiseihta ta ei cha chho ei, âhrâ chi hmô kha tie chhâ ta ngiapâna nama hnei khiahta la, he tlâh hnohna heta, ‘He tawhta hao lâ a pasie teh,’ tah u la, â pasie thlâh ha aw. Nama châta tao thei leipa khâpa hmah y aw vei.

MATHAI 8:4

Zisu ta a hnohta, “Ahy hmahta chho lei awpa ta a sohsi mah y. Anodeikuacha ama zo thei nawpa ta, sie la, theihthaipa a kei pamosa la, Mawsi ta hmo hlâ awpa a raopa kha kei hlâ mah y,” tah ta.

MATHAI 9:22

Zisu cha a vaw heih ta, chanô cha hmô ta, a hnohta, “Ei sawchanô, thlalôhpa ta y mah y. Nâ ngiapâna ta a cha patlâh haw,” tah ta. Cha dawh liana chata chanô cha patlâhpa ta y ha ta.

MÂKA 7:29

Zisu ta a hnohta, “Na bie reipa vâna chata na o lâ a di mah y. Ahripa cha na sawchanô chhôh tawhta a pua haw,” tah ta.

MÂKA 9:23

Zisu ta a hnohta, “‘Na tao thei khiahta la,’ na tah ma! Ngiapâtuhpa châta cha, ato tao theipa a châ,” tah ta.

ZAWHÂNA 4:50

Zisu ta a hnohta, “Sie mah y, na sawchapawpa cha a hroh aw,” tah ta. Cha chyhsa cha Zisu ta a hnohta bie a reipa cha zo ta, sie ha ta.