MATHAI 8:11 - Mara Bible RV (BSI)

¹¹ Ei cha chho ei, nochhi notla tawhta chyhsa hluhpi a vy aw ei ta, Abarahâ, Aisika nata Zakaw zy hnohta vârâh khinarâh liata amâ tyuh aw.

MATHAI 8:11 ပူးပေါင်းရင်းမြစ်များ

ÂTHAONA 12:3

Byhnâ châ awpatuhpa maih byhnâ awpa aw na ta, Chhie châ sapatuhpa maih chhie ei sapa aw; Alei chô liata chi to pho to, Nâma vâta byhnâ topa ta ama y aw,” tah ta.

ÂTHAONA 22:18

Ei ao na nathliepa vâta, na pathla liata khizaw phopi zydua byhnâ topa ta ama y aw, Abeipa ta a tah,” tah ta.

ÂTHAONA 28:14

Na pathlazy cha alei liata dohlei zie châ aw ei ta, notla lâ, nochhi lâ, maw nata chho lâzy lia nama pôh lymâ aw. Nâ nata na chipathla liata khizaw pho to ama hu â hieh aw.

ÂTHAONA 49:10

Ryureina chôchahrei ta Zudâh puasai leipa aw ta, Ryureituhpa chôchahrei a pheizy likawh tawhta pua aw vei. Reithaina a hnohta vaw tlô aw ta, Phopizy ta a bie ama zyh aw.

HLAZY 22:27

Khizaw kaokih zydua ta a thei aw ei ta, Abeipa lâ amâ heih aw; Râh to liata chi tozy a hmiakô liata amâ bôh aw.

HLAZY 98:3

A kyhpachâna tleih beih leipa nata a ngâchhihna cha, Izarei phopi châta a thei thlâh ha ta; Eima Khazohpa pachhana cha, Khizaw kaokih zydua ta ama hmô haw.

ISAI 11:10

Cha noh liata, Zese thari cha phopizy châta ngiana poh hawhta a duah aw ta, râhzy ta a thâtih patluah aw ei ta, â pahâna su cha a rônah ngaita aw.

ISAI 49:12

Moh teh u, lâhlapi tawhta ei phopi amâ vy huh; Maw lâ tawhta a vy ei ta, Notla lâ tawhta a vy ei ta, Sini mo râh tawhta amâ vy.”

ISAI 49:6

“Zakaw chizy paduapathi ta, Izarei saw pahlôhpazy a vaw chhi pakhua awpa ta, Nâ chakaotuhpa na châ awpa cha, Hmo chyhpata mah a châ tâh. Râhzy pakhaihsatuhpa ta cha tao aw na ta, Ei pachhana cha, Khizaw kaokih taihta patlôsapa a châ aw.”

ISAI 52:10

Abeipa ta râh zydua mohmô liata A bâh pathaihpa chaluah ha ta, Khizaw kaokih zydua ta Eima Khazohpa pachhana cha ama hmô aw.

ISAI 59:19

Abeipa cha Abeipa thlih ta tôh aw ta, Tisaih ru ngaitapa hawhta â vy awpa vâta, Abeipa moh cha notla lâ tawhta chi aw ei ta, A rônahna nochhi lâ tawhta ama chi aw.

ZEREMIAH 16:19

Hy Abeipa, ei thatlôna nata ei thokhy, Nôpona noh liata ei chhai tyhpa y, Phopizy khizaw kaokih tawhta nâ lâ a vy aw ei ta, Hetana heta ama tah aw: “Haipa biezy tah leipa ta cha, Miah pathlatuhpazy ta khâpa ryu hmah to leipa ei ta; Athôhna a hnei leipa hmo phahnai leipazy tah leipa ta cha, Khâpa ryu hmah to veih ei.

DÂNIAH 2:44

“Cha abeizy daihti liana cha, parao thei lei awpa khinarâh avâ Khazohpa ta padua aw ta, cha khinarâh cha phopi hropa châta siesaipa châ aw vei. Khinarâh hropa zydua cha pakeichheih khai aw ta, ano khinarâh deikua cha tlyzaw ta â duah aw.

MALAKHAI 1:11

“Noh chhina tawhta noh tlana taihta phopizy hry liata ei moh palyupalihpa ta y aw ta, su to liata ropahâhpa nata hmohlâpa pathaihpazy ei moh ta ama hlâ tyh aw. Phopizy hry liata ei moh palyupalihpa ta a y aw,” Pheisaihzy Abeipa ta a tah.

MATHAI 21:41

Âmo ta a hnohta, “Cha moleipazy cha ama rie patheisapa ta thie aw ta, kre sadô cha, a thei â daihna maihta, ano tovyuh a pie lymâ awpa thlyuhlaotuh hropazy hnohta a pie aw ei,” tah ei ta.

MATHAI 24:31

Chiahmie paro ngaitapa chhaota a vâlyuhchâpazy tuah aw ta, âmo chata â tlyhpazy cha kaokih miapalih tawhta pakhy aw ei ta, avâ chy chhâna tawhta hiakha lâ chhâna taihta ama pakhy aw.

MATHAI 3:2

“Ro teh u, vârâh khinarâh cha â hnia haw,” tahpa ta bie chho ta.

MATHAI 8:10

Zisu ta cha bie cha a thei nahta, a noâh kaw ta, a pachupazy hnohta, “Hmeiseihta ta ei cha chho ei, he tlu ta ngiapâna thatlôpa he Izarei liata pakha hmah hmô va na.

LUKA 12:37

Ama zibeipa â vy tita, ano hâpa ta a vaw hra thlâh hapa chakaotuhpazy cha ama nohlao na! Hmeiseihta ta ei cha chho ei, ama zibeipa cha chakaona chysia a tobipa ta, chakaotuhpazy cha tlâhkhai liata pati padôhsa aw ta, a vy aw ta, âmo cha a chakao aw ei.

LUKA 16:22

Sipasapa cha thi ta, vâlyuhchâpazy ta a chhi ei ta, Abarahâ kalachhôh tlôkhei ei ta. Chyhsa hneirôhpa chhao cha thi ta, pabupa châ ta.

HMOTAOPAZY 10:45

Chopawtaipa sahlao hry liata Pity a vaw zipa ngiapâtuhpazy cha, Zenitaizy chô lia taihta Thlahpa Pathaihpa hmopiepa hrypa a châpa ama hmô nahta, ama noâh ngaita ta.

HMOTAOPAZY 11:18

Cha biezy cha ama thei nahta, a chalih ha ei ta. “Chata a châ khiahta cha, Khazohpa ta Zenitaizy chhao, ropa ta hroh awpa a pasai ha ei chuh,” tah ei ta, Khazohpa reithai ei ta.

HMOTAOPAZY 14:22

Riethei hluhpi taopa ta Khazohpa khinarâh eimâ ngia awpa a châ, tahpa ta pachupazy palôh pa-ipa ta, ngiapâna liata y thlâh ha awpa ta thapatlô ei ta.

HMOTAOPAZY 14:27

Ama tlô nahta, Awnanopa sahlaozy awpakhy ei ta, Khazohpa ta âmo hmâpa ta hmo a taopa zydua nata Zenitaizy châta ngiapâna ochhi a pahyzie zy chho ei ta.

1 KAWRINI 15:20

Châhrasala Krista cha athihpazy hry tawhta pathyupa ta a y hmeiseihpa a châ, a môpazy thyuheihna hmia a sahtuhpa a vaw châ haw.

1 KAWRINI 6:9

Moleipazy cha Khazohpa khinarâh to aw veih ei tahpa pahno veih ei chi mâ? Dôpa ta y khuh vy. Apatlapazy, nothlahpa achhypazy, apheipazy, chapaw âzuahpazy, chapaw nata chapaw apatlapazy,

EPHESI 3:6

Bienyupa cha he he a châ: Thâtihpha vâta Zenitaizy cha, Krista Zisu liata Izarei sawzy nata ryuto lâhpazy châ ei ta, pôhpa miakha pachiahpa a châ khohpazy nata bietai a hlypazy ama châ.

KAOLAOSÂ 3:11

Cha chyhsa thiehpa hro liana cha, Krikâh chyhsa nata Zu chyhsa tahpa tlyma, chopawtaipa nata chopawtaileipa tahpa tlyma, chi hnohkhawpa tahpa tlyma, Skythia mo tahpa hawhpa tlyma, sei tahpa tlyma, khotalaipa tahpa tlyma, y khao vei. Krista cha ato châ ta, ato liata a ypa a châ.

2 THYSALAWNIKA 1:5

He he Khazohpa pachiana siazie â lâna a châ: Khazohpa khinarâh châta pasa a taopa nama châpa hawhta, Khazohpa khinarâh to tlâhpa ta raopa nama châ aw.

BIEPHUAH 7:6

Asera chi 12,000, Nâthalai chi 12,000, Manase chi 12,000,