MATHAI 7:7 - Mara Bible RV (BSI)

⁷ “Hiah teh u, piepa nama châ aw. Tlua teh u, nama hmô aw. Chakhyh teh u, pahypa nama châ aw.

MATHAI 7:7 ပူးပေါင်းရင်းမြစ်များ

ÂTHAONA 26:32

Cha noh lilaw ta Aisika chakaotuhpazy vaw tlô ei ta, ama tikhaoh chaopa thâtih chho ei ta, a hnohta, “Ti eima hmô haw,” tah ei ta.

1 ABEIZY 3:5

Kibiô liana chata Abeipa cha Sawlawmaw hnohta zâ ta a mâ lâta a vaw luah ta. Khazohpa ta, “Hiah teh, khâpa ei cha pie aw,” tah ta.

HLAZY 10:17

Hy Abeipa, pasataotuhpazy khopa thei ha chi ta, Ama palôh thapatlôpa ta, Na nah na pachôh aw.

HLAZY 10:4

Hmoparaopa apalaina hmia a phaohpa cha, Khazohpa tlua leipa ta, A pachâna zydua liata, “Khazohpa y vei,” a tah tyh.

HLAZY 119:12

Hy reithai tlâh Abeipa, Na bieraopazy na pachu mah y.

HLAZY 27:8

“Ei hmia na tlua muh vy,” tah chi ta, “Hy Abeipa, na hmia tlai cha ei tlua,” tahpa ta, Ei palôh ta a cha chho.

HLAZY 34:4

Abeipa cha tlua na ta, Nâ chhy ta; Ei china zydua tawhta eina pachha haw.

HLAZY 37:4

Abeipa liata a ly la, Na palôh khopazy a cha pie aw.

HLAZY 50:15

Nôpona noh liata na pado la, Cha pachha aw na ta, Chatanachata eina parôhnasa aw chi,” Abeipa ta a tah.

HLAZY 69:32

Areisipazy ta cha cha hmô aw ei ta, Amâ ly aw; Nâmo, Khazohpa a tluatuhpazy saih u, Nama palôh a hra mawh sy.

HLAZY 70:4

Châ tluatuhpa zydua cha, Nâma liata a lypa ta ama thapha sala, Na pachhana a pasôtuhpazy ta, “Khazohpa cha a rônah na,” tah mawh ei sy!

HLAZY 86:5

Hy Abeipa, nâ cha Khazoh phapa nata a ngiahthai theituhpa châ chi ta, Châ padotuhpazy chô liata zawngiahna a hnei hluh ngaitapa na châ.

BIESOZY 8:17

Kyh nâ pachâtuhpazy cha ama kyh pachâ na ta, Palôh hmeiseihpa ta nâ tluapazy ta eina hmô ei.

HLAZY HLA 3:2

Thyu aw na ta khihpi chahryhpa ta, Lâlaizy nata tlyliahzy chahryh laih aw na ta, Lôh rie ei ngiabâh chaipaw cha ei tlua laih aw. Tlua laih na ta, châhrasala hmô va na.

ISAI 30:19

Hy Zerusale liata a pahrâpa Zaio phopi y, cha khao aw va chi. Na awna ao vâta Abeipa ta cha ngiachhie tlai aw ta, a theipa nahta, a cha chyh-ei aw.

ZEREMIAH 33:3

Na aw la, châ chhy aw na ta, hmo rônahpa nata hmo nyupa na pahno beih leipazy ei cha chho aw.

AMÔSÂ 5:4

Abeipa ta Izarei phopi hnohta hetana heta a tah: “Kei na tlua u la, Nama hroh aw.

MATHAI 18:19

Ei cha chho via ei, alei chô liata chyhsa pano ta rei a paraohpa ta hmo ama hia khiahta cha, ei Paw vârâh liata a ypa ta a taopa aw ei.

MATHAI 21:22

Namâ ngiapâ khiahta cha, thlahchhâna ta nama hiapa maih nama hmô aw,” tah ta.

MATHAI 6:33

Khazohpa khinarâh nata a siana tlua tua u la, cha hmo zydua cha baichhapa nama châ aw.

MATHAI 7:11

Nâmo, moleipazy chi hmahta, nama sawzy hmo phapa piena châh nama pahno khiahta cha, nama Paw vârâh liata a ypa chhochhi ta cha, kha tlu ta hluh viapa ta ma a hiahtuhpazy hnohta hmo phapa a pie aw tly!

MATHAI 7:8

A hiahpa maihta piepa châ ei ta, a tluapa ta hmô ta, a chakhyhpa cha pahypa a châ.

MÂKA 11:24

Chavâta ei cha chho ei, khâpa rai thlahchhâna ta nama hiapa maih hmô hapa hawhta pachâ teh u. Chatanachata nama hiapa cha nâmo eih a châ aw.

LUKA 13:25

O hneituhpa thyu ta ochhi a khaw ha khiahta cha, nâmo ta khôtho liata a duahpa ta, ‘Abeipa, ochhi miah pahypa teh,’ tahpa ta ochhi chakhyh hra u la, ‘Khataih tawhta a vypa ma nama châ, cha pahno veih ei na,’ tahpa ta a châ chhy aw ei.

LUKA 18:1

Zisu ta a pachupazy cha hnabeidy leipa ta, khâ thlahchhâ awpa a châzie pakhona bie chho ta.

ZAWHÂNA 15:16

Nâmo ta nâ tlyh veih ei chi, kei ta tlao châ tlyh ei na ta, sie ta, thei pathei awpa nata khâ pathei awpa ta ei cha rao ei. Chatanachata ei moh ta Paw lâ nama hiapa maih a cha pie lymâ aw ei.

ZAWHÂNA 15:7

Keima liata y thlâh ha u la, ei bie nâmo liata a y thlâh ha khiahta cha, nama khopa maih hiah teh u, nama châta taopa a châ aw.

ZAWHÂNA 4:10

Zisu ta a chhy ta, “Khazohpa hmopiepa nata, ‘Ti do awpa na pie teh,’ châ tahtuhpa he pahno ha la cha, nâma ta a hnohta tlao hiah aw chi ta, ano ta ti hrohpa a cha pie ha awpa tlai,” tah ta.

RAWMA 2:7

Hmopha tao hualuapa ta, rônahna nata palyupalihna nata thi khao leina a tluatuhpazy hnohta chhâzaw hrona a pie aw.

RAWMA 3:11

Ahy hmah a pahno thaipa y veih ei, Ahy hmah Khazohpa a tluapa y veih ei.

HEBRAI 11:6

Ngiapâna leipa ta cha Khazohpa palysa thei rimâ awpa châ vei. Khazohpa a pangaipa maihta, Khazohpa a y tahpa amâ ngiapâ awpa châ ta, ano a tluatuhpa cha Khazohpa ta lymâ a pie tyh tahpa amâ ngiapâ awpa a châ.

ZÂMIE 5:15

Ngiapâna ta thlahchhâna ta tlâhleipa cha pachha aw ta, Abeipa ta ano cha a pathyu aw. Moleina hmo a taopa a châ khiahta cha, a ngiahthaipa a châ aw.

1 ZAWHÂNA 3:22

A biepiepazy zyh pi ta, â lyna hmo eima taopa vâta, eima hiapa maih ano tawhta eima hmô tyh.