MATHAI 7:28 - Mara Bible RV (BSI)

²⁸ Cha biezy cha Zisu ta a reih khai nahta, zawpizy cha a pachuna bie vâta ama noâh kaw ta.

MATHAI 7:28 ပူးပေါင်းရင်းမြစ်များ

HLAZY 45:2

Chyhsa sawzy hlâta chhithai chai chi ta, Na hmaozy liata ngiachhiena hrypa châ ta, Chavâta Khazohpa ta chhâzaw ta vânoh a cha patosa.

MATHAI 11:1

Zisu cha a pachupa pahrawh hleinozy bie a pie khai tawhta, ama khihpizy liata pachu awpa nata bie chho awpa ta, cha su tawhta pua ta.

MATHAI 19:1

Cha biezy cha a rei khai nahta, Zisu cha Kâlili râh tawhta pua ta, Zawdâh haosâ Zudia râh a ngia ta.

MATHAI 22:33

Zawpizy ta cha bie cha ama thei nahta, a bie pachupa cha noâh tah ngaita ei ta.

MATHAI 26:1

Zisu ta cha hmo zydua cha a rei khai nahta, a pachupazy hnohta,

MATHAI 7:27

Avâ vaw suah ta, ti vaw lai ta, thlih ta o cha vaw su ta, o cha a cho haw. O chopa cha a rarôh y ngaita,” tah ta.

MATHAI 7:29

Ryhpa pachutuhpazy hawhta châ leipa ta, biehneina a hneipa hawhta a pachupa vâta a châ.

MÂKA 1:22

Ryhpa pachutuhpazy hawhta châ leipa ta, biehneina chhaota a pachupa vâta, a pachuna kyh liata ama noâh kaw ta.

MÂKA 11:18

Theihthai beizy nata ryhpa pachutuhpazy ta cha bie cha thei ei ta. Zawpi zydua ta a pachuna noâh ama tah ngaitapa vâta, Zisu cha chi ei ta, ama pahleipadia thei nawpa lâpi tlua ei ta.

MÂKA 6:2

Pahânoh ta pakhyna o liata pachu pathao ta. A bie a theituhpa hluhpizy cha ama noâh ngaita ta, “He chyhsa heta, he biezy he khataih tawhta ma a pahno tly? He chyhsa hnohta sona piepa he kheihawhpa sona ma a châ tly? Kha hawhpa hmonoâhpazy kha, kheihta ma a ku ta a tao thei tly?

LUKA 19:48

Châhrasala zawpi zydua ta phahnai khoh ngaitapa ta a bie ama nathlie lymâpa vâta, khâpa hmah tao thei veih ei.

LUKA 2:47

A bie reipa a theipa maihta, a novâhzie nata â chhynazy vâta ama noâh kaw ta.

LUKA 4:22

Chyhsa zydua ta Zisu cha reithai ei ta, ngiachhiena bie a pakah tawhta a puapazy vâta ama noâh kaw ta, “He chyhsa he Zawsi sawchapawpa kha châ vei ma?” tah ei ta.

LUKA 4:32

Biehnei ngaitapa ta a pachupa vâta, a pachuna cha noâh tah kaw ei ta.

LUKA 7:1

Zawpi theipa ta bie zydua a rei khai nahta, Kâpynia khih liata a ngia ta.

ZAWHÂNA 7:15

Zuzy ta, “He chyhsa he, châ a chu beih tlôh leipa ta, kheihtazieta ma thaina he a hnei tly?” tah ei ta, ama noâh kaw ta.

ZAWHÂNA 7:46

Vaituhpazy ta a chhy ei ta, “He chyhsa hawhta ahy hmah bie reih beih veih ei!” tah ei ta.