MATHAI 7:26 - Mara Bible RV (BSI)

²⁶ Ei biezy thei ta a tao leipazy deikua cha, chyhsa hrupa, sadi chô liata o a sapa hawhta ama châ.

MATHAI 7:26 ပူးပေါင်းရင်းမြစ်များ

ZAWBÂ 22:16

Ama daihti hlâta siekheipa châ ei ta, Amâ bôna tisaih ta a phao hapa kha.

BIESOZY 14:1

Chanô sopa cha a o sa ta, Chanô hrupa deikua cha ano ku tlai ta a o a parao.

ZEREMIAH 8:9

Chyhsa sopazy maophyuh aw ei ta, Chihuhpa ta ypa ta patupa ama châ aw. Pachâ teh u, Abeipa bie ama thy ha tawhta cha, Âmo liata khâpa sona cha ma a y khao aw?

MATHAI 7:24

“Ei biezy he thei ta a taopa maih cha, chyhsa sopa, lôpanô chô liata o a sapa hawhta a châ.

MATHAI 7:25

Avâ suah ta, ti vaw lai ta, thlih ta o vaw su ta, châhrasala o cha cho vei, lôpanô chô liata bôpa a châpa vâta.

MATHAI 7:27

Avâ vaw suah ta, ti vaw lai ta, thlih ta o cha vaw su ta, o cha a cho haw. O chopa cha a rarôh y ngaita,” tah ta.

LUKA 6:49

Thei tlôh ta a tao leipa deikua cha, abôna a i leipa alei chô liata o a sapa chyhsa hawhta a châ. Tily chahrapa ta o cha su ta, thlai a cho haw. Cha o raopa cha a rarôh y ngaita,” tah ta.

ZÂMIE 2:20

Hy chyhsa hrupa y, hmotaopa a hlao leipa ngiapâna cha khâpa hmah châ vei tahpa pahmô awpa na khoh ma?

1 SAMUELA 2:30

Chavâta Abeipa Izarei Khazohpa ta hetana heta a tah: ‘Na chipathlazy nata châ pathlatuhpa chipathlazy cha ei hmiakô liata chhâzaw ta ama y aw,’ tahpa ta bie a vaw taih taraw na ta, tahmâ deikua cha Abeipa ta, ‘Cha hawhta châ khao aw vei, nâ palyupalihpa maih palyupalih aw ei na ta, nâ mohnaopa maih cha ama noh â li lymâ aw.