MATHAI 7:12 - Mara Bible RV (BSI)

¹² Chavâta chyhsa ta nama chô liata ama tao awpa nama khopa hawhta, chyhsa chô liata tao hra muh vy. Cha cha ryhpa nata hrohsopazy bie a châ.

MATHAI 7:12 ပူးပေါင်းရင်းမြစ်များ

EZEKIA 18:21

“Châhrasala moleipa ta moleina a taopa zydua a heihsaipa ta, ei bieraopa zydua zyhpa ta, adona nata siana a tao khiahta cha, a hroh tlai aw, thi aw vei.

THEIHTHAINA 19:18

Phuh na la awpa châ vei. Na chiheihzy chhyh thai leipa ta na y awpa châ leipa ta, nâma kyh nâ pachâpa hawhta na vaih kyh na pachâ awpa a châ. Kei he Abeipa ei châ.

MIKÂ 6:8

“Hy chyhsapa, Abeipa ta hmo phapa a cha chho haw; Abeipa ta khâpa ma a châ hnaw? Adona taopa ta, Ngâchhihna pasô ta, Nawhna hro hrokheipa ta, Na Khazohpa nata charei khohpa he châ vei ma?”

MALAKHAI 3:5

“Pachia awpa ta châ vaw hnia aw ei na ta, dyuthaipazy, apheipazy, haipa ta bie â taihpazy, ama raihriatuhpazy hlao â dopa ta a pie leipazy, nôhmei nata hara a tlybaipazy, chihropa nama hry liata a ypazy chô liata adoleipa ta hmo a taopazy nata nâ chi leipazy châta, a chatliepa ta âmo a leihtuhpa ei châ aw,” Pheisaihzy Abeipa ta a tah.

MATHAI 5:17

“Ryhpa nata hrohsopa biezy pahleipadia awpa ta â zupa hawhta na pangiasa khuh vy. Pahleipadia awpa ta â zupa châ leipa na ta, pakisa awpa ta â zupa tlao ei châ.

LUKA 6:31

Chyhsa ta nama chô liata ama tao awpa nama khopa hawhta, nâmo chhao chyhsa chô liata tao hra teh u.

1 TIMAWTHY 1:5

Kha hawhta bie eima cha piena chhâpa cha, palôh pathaihpa, chhie nata pha pahnona pathaihpa nata ngiapâna hmeiseihpa tawhta a vaw puapa kyhpachâna ama hnei thei nawpa ta a châ.

ZÂMIE 2:8

Biehrai ta, “Nâma kyh nâ pachâpa hawhta na vaih kyh na pachâ awpa a châ,” tahpa abeina ryhpa he nama zyh khiahta cha, nama tao pha na.