MATHAI 6:6 - Mara Bible RV (BSI)

⁶ Nâ deikua cha thlah na chhâ tita, na chhôhpadâhpa lâ a ngia la, ochhi khaw la, na Paw arulâta a ypa lâta thlahchhâ mah y. Na Paw arulâta a hmôtuhpa ta a cha pie aw.

MATHAI 6:6 ပူးပေါင်းရင်းမြစ်များ

2 ABEIZY 4:33

A kei ngia ta, ama pano ta ochhi a khawhlôh ta, Abeipa lâ thlahchhâ ta.

HLAZY 34:15

Abeipa mo cha mosiapazy lâ a heih ta, Ama awna lâ a nah a pachôh tyh.

BIESOZY 25:22

A luh chô liata meihei iapa a pathlupa châ aw chi ta, Abeipa ta lymâ a cha pie aw.

ISAI 26:20

Hy ei phopi, a vy u la, Nama chhôhpadâhpazy liata a ngia teh u; Nama ochhizy a khaw khâh u la, Ruchhôna a khô hlâlei cha, Bohpi leipa chhôh a nyu chy teh u.

ISAI 65:24

Eina aw hlâ ei ta chhy aw ei na ta, Bie ama rei hai nota ei thei aw ei.

MATHAI 14:23

Zawpizy liahsa a pasiesa khai tawhta, ano dei ta thlahchhâ awpa ta tlâh lâ kiah ta. Zâlâ taihta Zisu cha ano dei ta cha liata y thlâh ha ta.

MATHAI 6:18

Chatanachata kâhvileipa ta na ypa cha chyhsazy ta pahno leipa aw ei ta, na Paw arulâta a ypa deita ta pahno aw ta, na Paw arulâta châ hmôtuhpa ta lymâ a cha pie aw.

MATHAI 6:4

Chatanachata na hmopiepazy cha arulâta y aw ta, na Paw arulâta châ hmôtuhpa ta lymâ a cha pie aw.

ZAWHÂNA 1:48

Nâthaniah ta a hnohta, “Kheihta eina pahno chi?” tah ta. Zisu ta a hnohta, “Phili ta a cha aw hlâta, theiku kô ry liata na y nona kha ei cha hmô haw,” tah ta.

ZAWHÂNA 20:17

Zisu ta a hnohta, “Na patu khah y, Paw lâ kiah mâh va na. Ei unawhzy lâ vawh la, ama hnohta, ‘Ei Paw nata nama Paw, ei Khazohpa nata nama Khazohpa lâ ei kiah aw,’ a tah na tahpa ta kei chho mah y,” tah ta.

HMOTAOPAZY 10:30

Kawnilia ta, “Noh palih a khô hapa liana khata, tahmâ daihti hawhpa taih he thlahchhâpa ta y na ta, zâlâ dawh thôhpa ta ei o liata thlah ei chhâ hai nota, chyhsa pakha poh diehpa a bupa ta ei hmiakô liata a vaw duah ta,

HMOTAOPAZY 10:9

A mylâ ta, Kawnilia tuapa chyhsazy cha sie ei ta, khihpi ama tlô chy ta, Pity cha nohchhô locho ta thlahchhâ awpa ta vâphuh lâ kiah ta.

HMOTAOPAZY 9:40

Pity ta ama zydua khôtho lâ papua ta, pakhu paneihpa ta thlahchhâ ta, athihpa ri lâ a heih ta, “Tâbi, thyu teh,” tah ta. Tâbi cha a mo vaw padeih ta, Pity a hmô nahta, a kaw tyuh ta.

RAWMA 8:5

Sapa ta a hrohpazy cha, sapa hmozy liata ama pachâna soh ei ta, Thlahpa ta a hrohpazy deikua cha, Thlahpa hmozy liata ama pachâna ama soh tyh.

EPHESI 3:14

Cha vâna chata Paw hmiakô liata pakhu paneihpa ta ei bôh tyh.