MATHAI 6:34 - Mara Bible RV (BSI)

³⁴ “Chavâta mylâ châta nôpopa ta y khuh vy. Mylâ cha anosasyh ta â pachâ chhyh aw. Noh kha châta noh kha nôpo â daih.

MATHAI 6:34 ပူးပေါင်းရင်းမြစ်များ

CHAPHÔHTUNA 3:23

Na kyhpachâna nata zawngiahna cha my chareih thieh lymâ ei ta, Na ngâchhihna a rônah ngaita.

MATHAI 6:11

Noh chareih nie awpa miah pie mah y.

MATHAI 6:25

“Chavâta ei cha chho ei, nama hrona kyh liata nôpopa ta y leipa u la, nama nie awpa nata nama doh awpa kyh liata nôpopa ta y hra khah u. Nama pôhpa kyh liata nôpopa ta y leipa u la, namâ bu sai awpa kyh liata nôpopa ta y hra khah u. Niepa hlâta hrona sôh via ta, chysia hlâta pôhpa sôh via vei ma?

MATHAI 6:27

Nama hry liata ahy ma pachârôhpa vâta a doh dy kha a paseihsa via thei?

LUKA 10:41

Abeipa ta a chhy ta, “Marthâ, Marthâ, hmo hluhpi pachâ chi ta, nâ tymâ kaw.

LUKA 11:3

Noh chareih nie awpa miah pie mah y.

LUKA 12:11

Pakhyna ozy liata nata ryureituhpa nata biehneituhpazy hmiakô liata ama châ chhi tita, kheihta ma eimâ chhy aw, khâpa bie ma eima rei aw tahpa ta nama thlazoh khah sy.

LUKA 12:22

Chatawhcha Zisu ta a pachupazy hnohta, “Ei cha chho ei, khâpa ma eima nie aw, tahpa ta nama hrona châta pachâ chhie leipa u la, khâpa ma eimâ bu eimâ sai aw, tahpa ta nama pôhpa châta pachâ chhie hra khah u.

ZAWHÂNA 14:27

Thlalôhna cha sopa ei na ta, keima thlalôhna ei cha pie ei. Khizaw ta a piepa hawhta cha pie veih ei na. Nama pathipalôh nôpo leipa sala, chi hra khah sy.

ZAWHÂNA 16:33

Keima liata thlalôhpa ta nama y thei nawpa ta, he biezy he nama hnohta ei reih. Khizaw liana heta riethei pasa taopa ta nama y aw. Châhrasala thlalôhpa ta y teh u, kei ta khizaw ei tiah haw,” tah ta.

HMOTAOPAZY 14:22

Riethei hluhpi taopa ta Khazohpa khinarâh eimâ ngia awpa a châ, tahpa ta pachupazy palôh pa-ipa ta, ngiapâna liata y thlâh ha awpa ta thapatlô ei ta.

RYHPACHANEINA 33:25

Na thokhy chhikao hrainazy cha, Thua nata dawh châ sala; Na hro chhôh zydua ta Thatlôpa ta y mah y.”

PHILIPI 4:6

Khâpa liata hmah nôpopa ta y leipa u la, ato liata thlahchhâpa nata hiapa ta alyna bie reih u la, nama khopazy cha Khazohpa hnohta pahnosa teh u.

1 PITY 5:7

Khazohpa ta cha pachâ ngaita ei ta, chavâta nama nôpona zydua a chô liata pahnieh teh u.