MATHAI 6:31 - Mara Bible RV (BSI)

³¹ “Chavâta ‘Khâpa eima nie aw?’ ‘Khâpa eima doh aw?’ ‘Khâpa eimâ tobi aw?’ tahpa ta nôpopa ta y khuh vy.

MATHAI 6:31 ပူးပေါင်းရင်းမြစ်များ

2 THÂTIHZYRONA 25:9

Amazia ta Khazohpa chyhsa hnohta, “Cha hawhpa khiah, Izarei pheisaihzy ei pie hapa talent 100 kha kheihta ei tao aw?” tah ta. Khazohpa chyhsa ta, “Abeipa ta kha hlâta hluh via a cha pie thei,” tah ta.

HLAZY 111:5

Ano a chituhpazy hnohta nie awpa pie ta, A biehrai chhâzaw ta â thei thlâh haw.

HLAZY 37:3

Abeipa cha ngâ la, Hmo pha tao mah y; He râh liata pahrâ la, Ngâchhihna zi lymâ mah y.

HLAZY 55:22

Na phaohri Abeipa liata pachhô la, Ano ta tha a cha patlô aw; Mosiapa cha pao pasaih beih aw vei.

MATHAI 15:33

Pachupazy ta a hnohta, “He zie zydua zawpi rih pabie nawpa ta, he su dâhthlohpa liana heta kheihta ma viahchhâ eima hmô thei aw?” tah ei ta.

MATHAI 4:4

Zisu ta a chhy ta, “‘Chyhsapa he viahchhâ dei ta hroh aw vei, Khazohpa pakah tawhta bie to a puapa ta tlao a hroh aw,’ Tahpa ta ropa a châ,” tah ta.

MATHAI 6:25

“Chavâta ei cha chho ei, nama hrona kyh liata nôpopa ta y leipa u la, nama nie awpa nata nama doh awpa kyh liata nôpopa ta y hra khah u. Nama pôhpa kyh liata nôpopa ta y leipa u la, namâ bu sai awpa kyh liata nôpopa ta y hra khah u. Niepa hlâta hrona sôh via ta, chysia hlâta pôhpa sôh via vei ma?

MATHAI 6:27

Nama hry liata ahy ma pachârôhpa vâta a doh dy kha a paseihsa via thei?

LUKA 10:41

Abeipa ta a chhy ta, “Marthâ, Marthâ, hmo hluhpi pachâ chi ta, nâ tymâ kaw.

LUKA 12:11

Pakhyna ozy liata nata ryureituhpa nata biehneituhpazy hmiakô liata ama châ chhi tita, kheihta ma eimâ chhy aw, khâpa bie ma eima rei aw tahpa ta nama thlazoh khah sy.

LUKA 12:22

Chatawhcha Zisu ta a pachupazy hnohta, “Ei cha chho ei, khâpa ma eima nie aw, tahpa ta nama hrona châta pachâ chhie leipa u la, khâpa ma eimâ bu eimâ sai aw, tahpa ta nama pôhpa châta pachâ chhie hra khah u.

LUKA 12:29

Chavâta nama nie awpa nata nama do awpa tlua leipa u la, nôpopa ta y khuh vy.

PHILIPI 4:6

Khâpa liata hmah nôpopa ta y leipa u la, ato liata thlahchhâpa nata hiapa ta alyna bie reih u la, nama khopazy cha Khazohpa hnohta pahnosa teh u.

1 PITY 5:7

Khazohpa ta cha pachâ ngaita ei ta, chavâta nama nôpona zydua a chô liata pahnieh teh u.