MATHAI 6:27 - Mara Bible RV (BSI)

²⁷ Nama hry liata ahy ma pachârôhpa vâta a doh dy kha a paseihsa via thei?

MATHAI 6:27 ပူးပေါင်းရင်းမြစ်များ

BIECHHOTUHPA 3:14

Khazohpa ta a taopa maih cha a y kôzaw aw tahpa ei pahno. Khâpa hmahta baichha theipa châ leipa aw ta, la bâ theipa cha aw vei. Chyhsazy ta a hmiakô liata chizapa ta ama y thei nawpa ta, Khazohpa ta a taopa a châ.

MATHAI 5:36

Na luh reipa ta bie a taih hra khah y, sâbu miakha chhao papawhsa thei leipa chi ta, pavyhsa thei va chi.

MATHAI 6:25

“Chavâta ei cha chho ei, nama hrona kyh liata nôpopa ta y leipa u la, nama nie awpa nata nama doh awpa kyh liata nôpopa ta y hra khah u. Nama pôhpa kyh liata nôpopa ta y leipa u la, namâ bu sai awpa kyh liata nôpopa ta y hra khah u. Niepa hlâta hrona sôh via ta, chysia hlâta pôhpa sôh via vei ma?

MATHAI 6:28

Khazia abu asai kyh liata nama nô a po? Râh liata lilipawzy pachâ tua u, kheihta ma ama laiseih? Hriapasa leipa ei ta, pala so hra veih ei.

MATHAI 6:31

“Chavâta ‘Khâpa eima nie aw?’ ‘Khâpa eima doh aw?’ ‘Khâpa eimâ tobi aw?’ tahpa ta nôpopa ta y khuh vy.

MATHAI 6:34

“Chavâta mylâ châta nôpopa ta y khuh vy. Mylâ cha anosasyh ta â pachâ chhyh aw. Noh kha châta noh kha nôpo â daih.

LUKA 10:41

Abeipa ta a chhy ta, “Marthâ, Marthâ, hmo hluhpi pachâ chi ta, nâ tymâ kaw.

LUKA 12:11

Pakhyna ozy liata nata ryureituhpa nata biehneituhpazy hmiakô liata ama châ chhi tita, kheihta ma eimâ chhy aw, khâpa bie ma eima rei aw tahpa ta nama thlazoh khah sy.

LUKA 12:22

Chatawhcha Zisu ta a pachupazy hnohta, “Ei cha chho ei, khâpa ma eima nie aw, tahpa ta nama hrona châta pachâ chhie leipa u la, khâpa ma eimâ bu eimâ sai aw, tahpa ta nama pôhpa châta pachâ chhie hra khah u.

1 KAWRINI 12:18

Khazohpa ta pachiahpa to he, pôhpa liata a khona lia maihta a paysa chyupa a châ.

PHILIPI 4:6

Khâpa liata hmah nôpopa ta y leipa u la, ato liata thlahchhâpa nata hiapa ta alyna bie reih u la, nama khopazy cha Khazohpa hnohta pahnosa teh u.

1 PITY 5:7

Khazohpa ta cha pachâ ngaita ei ta, chavâta nama nôpona zydua a chô liata pahnieh teh u.