MATHAI 6:25 - Mara Bible RV (BSI)

²⁵ “Chavâta ei cha chho ei, nama hrona kyh liata nôpopa ta y leipa u la, nama nie awpa nata nama doh awpa kyh liata nôpopa ta y hra khah u. Nama pôhpa kyh liata nôpopa ta y leipa u la, namâ bu sai awpa kyh liata nôpopa ta y hra khah u. Niepa hlâta hrona sôh via ta, chysia hlâta pôhpa sôh via vei ma?

MATHAI 6:25 ပူးပေါင်းရင်းမြစ်များ

HLAZY 55:22

Na phaohri Abeipa liata pachhô la, Ano ta tha a cha patlô aw; Mosiapa cha pao pasaih beih aw vei.

ZEREMIAH 45:5

Nâma châta hmo rônahpa na tlua ma? Tlua khah y. Hmohrohneipa zydua chô liata chhiena vaw patlôsa aw na ta, nâ deikua cha, na siena maih liata chariah tawhta â bohpa ta ei cha paysa lymâ aw, Abeipa ta a tah,” tah ta.

MATHAI 10:19

Ama cha patu tita, ‘Kheihta ma bie eima reih aw, khâpa bie ma eima reih aw,’ tahpa ta nama nôpo khah sy. Nama rei awpa cha a daihtita liata piepa nama châ aw.

MATHAI 13:22

He he ahloh thih liata chi hiepa cha a châ. Bie cha thei ta, châhrasala khizaw hmo pachâna nata hneirôna tlaichhaina ta bie cha disao ta, pathei leipa ta a y tyh.

MATHAI 6:31

“Chavâta ‘Khâpa eima nie aw?’ ‘Khâpa eima doh aw?’ ‘Khâpa eimâ tobi aw?’ tahpa ta nôpopa ta y khuh vy.

MATHAI 6:34

“Chavâta mylâ châta nôpopa ta y khuh vy. Mylâ cha anosasyh ta â pachâ chhyh aw. Noh kha châta noh kha nôpo â daih.

MÂKA 13:11

Cha patupa ta ama châ chhi tita, khâpa eima reih aw tahpa ta pachâ chhie chhielie khuh vy. A daihtita liata bie vaw tlô aw ta, cha bie cha nama rei awpa a châ. A reihtuhpa cha nâmo châ leipa aw ei chi ta, Thlahpa Pathaihpa tlao a châ aw.

MÂKA 4:19

châhrasala khizaw hmo pachâna nata hneirôna nata hmo hropazy tlaichhaina âmo liata a vaw ngia ta, cha chata bie cha disao ta, pathei thei leipa ta a y tyh.

LUKA 12:11

Pakhyna ozy liata nata ryureituhpa nata biehneituhpazy hmiakô liata ama châ chhi tita, kheihta ma eimâ chhy aw, khâpa bie ma eima rei aw tahpa ta nama thlazoh khah sy.

LUKA 8:14

Hezy he ahloh thih liata chi a tlapazy cha ama châ. Bie thei ei ta, châhrasala ama sie nahta, hro chhôh khihsa pachâna nata hneirôna nata phasana tlaichhaina zy ta âmo cha disao ta, ama thei pitloh thei vei.

RAWMA 8:32

A Sawchapawpa tlai chhao pahlôh leipa ta, eima zydua châta a pietuhpa chata, ato a saipa ta miah pie hra aw vei mâ?

1 KAWRINI 7:32

Pachâchhiena hnei leipa ta nama y awpa ei cha khokhei ei. Lapinô a hnei leipa cha, Abeipa palysa a chhuahpa ta, Abeipa lâ hmo a pachâ tyh.

PHILIPI 4:6

Khâpa liata hmah nôpopa ta y leipa u la, ato liata thlahchhâpa nata hiapa ta alyna bie reih u la, nama khopazy cha Khazohpa hnohta pahnosa teh u.

2 TIMAWTHY 2:4

Pheisaih ahy hmahta a dyuh nota hrochhôh khihsana a tymâkhei beih leipa ta, pheisaih châ awpa ta a tlyhtuhpa palysa tlao â chhuah.

1 PITY 5:7

Khazohpa ta cha pachâ ngaita ei ta, chavâta nama nôpona zydua a chô liata pahnieh teh u.