MATHAI 6:16 - Mara Bible RV (BSI)

¹⁶ “Kâhvileipa ta nama y tita, phapakheipazy hawhta thachhâna hmia phaoh khuh vy. Âmo cha kâhvileipa ta ama ypa chyhsazy ta ama pahno thei nawpa ta, thachhâna hmia ama palâsa tyh. Hmeiseihta ta ei cha chho ei, ama lymâ ama hmô haw.

MATHAI 6:16 ပူးပေါင်းရင်းမြစ်များ

2 SAMUELA 12:16

Dâvi cha hawti châta Khazohpa pado ta. Dâvi cha kâhvileipa ta y ta, o chhôh lâ a ngia ta, azozâkhihdei alei liata a zia ta.

2 SAMUELA 12:21

A chakaotuhpazy ta a hnohta, “He hmo na taopa he khâpa ma a yzie tly? Hawtipa a hro no kha ano châta kâhvileipa ta ypa ta thata cha chi ta, hawtipa a thi nahta hmâchhâh cha thyu chi ta pati tlao na nie bao,” tah ei ta.

1 ABEIZY 21:27

Ahabâ ta cha biezy cha a thei nahta, a chysiazy hrie ta, a sasaihpa ta latho poh a bu ta, kâhvileipa ta y ta, latho poh liata a zia ta, a thachhâ kaw ta.

NEHEMIAH 1:4

Cha biezy cha ei thei nahta, thlai a tyuh na ta, cha na ta, noh hluhpi mâchhiesa na ta, avâ Khazohpa hmiakô liata kâhvileipa ta thlahchhâ na ta.

ESTHERI 4:16

“Vawh la, Susâ liata a ypa Zu chyhsa zydua pakhy khai la, ei châta kâhvileipa ta y u la, noh thôh chhôh, chhô nah zâ ta khâpa hmah nie leipa u la, khâpa hmah doh hra khuh vy. Kei nata ei laihsazy chhao, nâmo taopa hawhta kâhvileipa ta y hra aw pi ta, cha khai tawhta abei lâ cha ei ngia aw. Ryhpa chakhiapa a châ awpa vâta, ei thi hapa chhao ta, thi lah vâ na,” tah ta.

HLAZY 109:24

Chaheihna vâta ei pakhuzy a thachhâ ta, Ei sa a zaoh khai haw; Ei thawh tyhpa kha hmô awpa y khao vei.

HLAZY 35:13

Âmo ama pasa tita deikua cha, Latho poh a bu na ta; Kâhvileipa ta pasataopa ta, Ei luh a khupa ta thlah ei chhâ tyh.

HLAZY 69:10

Chana nata kâhvileipa ta ei hro ei panawh châh ta, Reipachhiena tlao ei hlao.

DÂNIAH 9:3

Chavâta Zehôvâh Khazohpa lâ a heih na ta, kâhvileipa ta, latho poh a bupa ta buchâhzy a miapa ta, thlahchhâna nata hiana zy ta ano cha tlua na ta.

MALAKHAI 3:14

‘Khazohpa chakaopa he hraoleipa dei a châ. A biepiepazy eima zyhpa nata mâchhiesapazy hawhta Pheisaihzy Abeipa hmiakô liata eima y tyhpa heta khâpa phahnaina ma a hnei tly?

MATHAI 6:1

“Chyhsa hmô awpa ta hmo pha a taopa nama châ lei nawpa ta a chado teh u. Chataleipatala nama Paw vârâh liata a ypa tawhta lymâ hmô aw veih ei chi.

MATHAI 6:2

“Chavâta phahlapazy hmo na pie tita, phapakheipazy ta chyhsa reithaina ama hlao thei nawpa ta, pakhyna ozy liata nata lâlaizy liata ama taopa hawhta, na hmia lâta chiahmie tô laih khah y. Hmeiseihta ta ei cha chho ei, ama lymâ ama hmô haw.

MATHAI 6:5

“Thlah nama chhâ tita, phapakheipazy hawhta tao khuh vy. Âmo cha chyhsa ta ama hmô thei nawpa ta, pakhyna ozy liata nata khiliah suzy liata a duahpa ta thlah ama chhâ tyh. Hmeiseihta ta ei cha chho ei, ama lymâ ama hmô haw.

MÂKA 2:18

Zawhâna pachupazy nata Phârisaihzy cha kâhvileipa ta y ei ta. Chyhsazy a vy ei ta, Zisu hnohta, “Khazia Zawhâna pachupazy nata Phârisaih pachuna a zyhpazy kâhvileipa ta y ei ta, na pachupazy he kâhvileipa ta ama y hra vei?” tah ei ta.

LUKA 18:12

Hâta chareih ta ei no kâhvileipa ta y tyh na ta, ei hmôpa zydua tawhta su hrawh su kha ei pie lymâ,’ tah ta.

LUKA 2:37

nôhmei châpa ta kô sycharie nata kô palih chhôh a ypa a châ. Achhyna o puasai leipa ta, chhô nah zâ ta kâhvileipa ta thlahchhâpa ta Khazohpa â chhy tyh.

HMOTAOPAZY 10:30

Kawnilia ta, “Noh palih a khô hapa liana khata, tahmâ daihti hawhpa taih he thlahchhâpa ta y na ta, zâlâ dawh thôhpa ta ei o liata thlah ei chhâ hai nota, chyhsa pakha poh diehpa a bupa ta ei hmiakô liata a vaw duah ta,

HMOTAOPAZY 14:23

Awnanopa hlao to liata machâzy raopa ei ta, kâhvileipa ta thlahchhâpa ta, amâ ngiapâpa Abeipa liata ama pavaosa lymâ.

1 KAWRINI 7:5

Thlahchhâ awpa ta namâ pie thei nawpa ta bohpi leipa châta â ryh nama tah raihriepa dei leipa ta cha, nôvah châna kyh liata a paky khuh vy. Thlahchhâ awpa ta bohpi leipa chhôh namâ paky hapa chhao ta, thlah nama chhâ khai tawhta cha, nama yzie tyhpa hawhta y heih tyh muh vy. Chataleipatala namâ sohsi thei leipa vâta Sâtâ ta a cha reipasao pathlei aw ei.

2 KAWRINI 11:27

Riethei rairunazy thata a tyh na ta, a mô leipa ta zâ hluhpi y na ta, nodi dâhphipa ta ei hluhpi y na ta, kâhvileipa ta y tyh na ta, chasipa nata thluahruapa ta ei hluhpi ei y.

2 KAWRINI 6:5

chheina liata zy, patâhna liata zy, tymâna liata zy, hriapasana liata zy, mokuh saihna liata zy, nodina liata zy;