MATHAI 6:13 - Mara Bible RV (BSI)

¹³ Reipasaona lâta miah a chhi khah y, Moleipa tawhta miah pachha mah y. Khinarâh zy, hmotaotheina zy, rônahna zy, Chhâzaw nata tlyzaw ta na eih châ tlôh ta. Amen.’

MATHAI 6:13 ပူးပေါင်းရင်းမြစ်များ

ÂTHAONA 22:1

Cha hmozy hnôhlâ ta Khazohpa ta Abarahâ cha pasia ta, a hnohta, “Abarahâ” tahpa ta aw ta. Abarahâ ta, “He liata ei y,” tah ta.

1 ABEIZY 1:36

Zehôdâ sawchapawpa Benai ta abei cha a chhy ta, “Amen! Abeipa, ei zibeipa Khazohpa ta reih tlai mawh sy.

1 THÂTIHZYRONA 16:36

Abeipa Izarei Khazohpa cha, Chhâzaw nata tlyzaw ta reithaipa ta y mawh sy!” Chyhsa zydua ta, “Amen!” tah ei ta, Abeipa cha ama reithai.

1 THÂTIHZYRONA 29:11

Hy Abeipa y, rônahna zy, hmotaotheina zy, palyupalihna zy, pahniena zy, abeina zy na eih châ ta, avâzy nata alei liata a ypa zydua chhao na eih a châ. Hy Abeipa, khinarâh cha na eih châ ta, ato chô lâta a to luh châta cheihchalopa na châ.

1 THÂTIHZYRONA 4:10

Zabia ta Izarei Khazohpa pado ta, a hnohta, “Byhnâ na piepa ta, ei râh he na pakawhpa la ei tah kaw dia! Ei chô liata na ku y sala, riethei pasana ei chô liata a tlô lei nawpa ta, nâ pasasa thei awpa tawhta na pabohsa mah y!” tah ta. Khazohpa ta a hiapa cha pie ta.

HLAZY 10:16

Abeipa cha chhâzaw nata tlyzaw ta bei châ ta, Phopizy a râh tawhta ama leidia aw.

HLAZY 106:48

Abeipa, Izarei Khazohpa cha, Chhâzaw nata tlyzaw ta reithaipa ta y mawh sy! Chyhsa zydua ta, “Amen!” tah mawh ei sy! Abeipa cha reithai teh u!

HLAZY 22:28

Abeina cha Abeipa eih châ ta, Ano cha phopizy chô liata ryureituhpa a châ.

HLAZY 41:13

Abeipa, Izarei Khazohpa cha, Chhâzaw nata tlyzaw ta reithaipa ta y mawh sy! Amen! Amen!

HLAZY 47:2

Abeipa Chônôchaipa cha chi awpa châ ta, Ano cha alei chô zydua liata bei rônahpa a châ.

HLAZY 47:7

Khazohpa cha khizaw zydua Bei châ ta, Maskili hla paryhpa ta ano cha reithai teh u!

HLAZY 72:19

A moh rônahpa cha chhâzaw ta reithaipa ta y sala, Leilô zydua he a rônahna ta bie mawh sy! Amen! Amen!

HLAZY 89:52

Abeipa cha tlyzaw ta reithaipa ta y mawh sy! Amen, Amen.

PUASAINA 15:18

Abeipa cha tlyzaw ta ryu a reih aw.”

BIESOZY 30:8

Adoleina nata haipa zy kei tawhta lâhlapi lâ pasie ha la, Dyhchhiena tlyma hneirôna tlyma na pie leipa la, Ei ngiahpa rakha ta na pasa lymâ mah y.

ZEREMIAH 15:21

Moleipazy ku tawhta cha pachha aw na ta, Nôchhiepazy ku tawhta ei cha chatlai aw.”

ZEREMIAH 28:6

Hrohsopa Zeremiah ta, “Amen! Na reipa hawhna chata Abeipa ta tao tlai mawh sy. Hrohsona bie na phuahpazy cha Abeipa ta vaw patlôsa tlai sala, Abeipa o liata hmobaohzy nata sei ta â tâhpa zydua cha, Babylaw tawhta he su lâ he vaw tlôkhei tlai mawh sy.

DÂNIAH 4:25

Chyhsa hry tawhtapa papuapa ta y aw chi ta, na pahrâna cha râhsazy hry liata a châ aw. Viahchao hawhta sibiepa pabâsapa châ aw chi ta, avâ diati ta padâpa na châ aw. Chônôchaipa ta chyhsa khinarâhzy chô liata ryureih ta, a pie khohpa hnohta khinarâh a pie tyh, tahpa na pahno hlâlei cha na châta daihti mia sari a khô aw.

DÂNIAH 7:18

Châhrasala Chônôchaipa mopathaihpazy ta khinarâh cha chhâzaw ta to aw ei ta, chhâzaw nata tlyzaw ta ama hnei aw.’

MALUHREINA 5:22

He chhiesana a patlôsapa ti he na py chhôh lâ a ngia sala, na py pathlohsapa ta, na byhpi a pazaohsa mawh sy,’ tah aw ta, chanô ta, ‘Amen, Amen,’ a tah aw.

MATHAI 26:41

Reipasaona liata namâ ngia lei nawpa ta, a vaih u la, thlahchhâ teh u. Thlahpa ta la hoh ta, sapa deikua a dadieh,” tah ta.

MATHAI 28:20

bie ei cha piepa zydua ei kha zyh awpa ta pachu teh u. Nathlie teh u, nama hnohta ei y thlâh ha aw, khizaw chhâna taih ta,” tah ta.

MATHAI 5:37

Na biereipa cha, a châpa khiah ‘A châ’ tah la, a châ leipa khiah, ‘Châ vei’ tah mah y. Cha khô lâ cha moleipa tawhta a vypa a châ.

MATHAI 6:10

Na khinarâh vaw tlô mawh sy. Na khopa vârâh liata ama taopa hawhta, Alei liata taopa châ mawh sy.

ZAWHÂNA 17:15

Âmo cha khizaw tawhta la awpa ta châ haw va na, moleipa tawhta hrôbieh awpa ta ei châ haw.

1 KAWRINI 10:13

Chyhsa chô liata a tlô tyhpa reipasaonazy dei leipa ta cha, reipasaona hropa nama chô liata tlô beih vei. Khazohpa cha ngâchhihpa châ ta, nama pahnie lei awpa reipasaona namâ tyh awpa pasaih aw vei. Reipasaona nama pahnie thei nawpa ta, reipasaona raohpa ta a râ nawpa lâpi a cha taopa aw ei.

1 KAWRINI 14:16

Na thlahpa ta alyna bie na reih khiahta cha, reihtheileipa hmopiepa a to leipa ta na biereipa pahno leipa aw ta, kheihta ma alyna bie na reipa cha “Amen” a tah thei aw?

2 KAWRINI 1:20

Khazohpa bietai zydua cha Krista liata, “A châ” tahpa ta â vaw ki khai haw. Chavâta ano moh ta nata ano rônah nawpa ta, Khazohpa lâ Amen eima tah tyh.

KALATIA 1:4

Ano cha eima Khazohpa nata eima Paw khozie hawhta, tahmâhlâ khizaw moleina tawhta miah pachha awpa ta, eima moleinazy vyuhpa ta anosasyh â hlâpa a châ.

RYHPACHANEINA 8:16

Châ pathlatuhpazy ta ama pahno beih leipa mânâ ta cha pasa ei ta, a chhâna liata nama pha nawpa ta, cha panawh ei ta, a cha pasia ei.

RYHPACHANEINA 8:2

A biepiepazy nama zyh ma, zyh vei ma tahpa nama palôh pahno nawpa ta, cha panawh ta, cha pasia awpa ta, Abeipa nama Khazohpa ta kô sypalih dua râhchawhpa liata a châ chhipa ei namâ thei thlâh awpa a châ.

1 THYSALAWNIKA 1:10

vârâh tawhta a Sawchapawpa avyheihna a hâtuhpazy nama châzie miah ama chho. Ano cha Khazohpa ta athihpa hry tawhta a pathyupa Zisu kha châ ta, hiehâhna vaw tlô awpa tawhta miah a pachhatuhpa a châ.

2 THYSALAWNIKA 3:3

Châhrasala Abeipa cha ngâ a chhih ta, tha cha patlô aw ei ta, moleipa tawhta a cha pabohsa aw ei.

1 TIMAWTHY 1:17

Chhâzaw Beipa, thi thei leipa, hmô thei leipa nata Khazohpa a y chhôhpa hnohta chhâzaw nata tlyzaw ta palyupalihna nata rônahna y mawh sy. Amen.

HEBRAI 11:36

Mohropazy chhao pasipasawhna nata tuna zy vâta pasa tao ei ta, bâlia nata patâhna zy amâ tyh.

1 PITY 5:8

Palôh pasohpa ta y u la, a hrohrua teh u. Nama khakhaipa ahripa cha chakeibarôhneipa a rôhpa hawhta a rôh ta, a nie thei awpa tluapa ta â khie tyh.

2 PITY 2:9

Cha hawhna chata Abeipa ta ano a pachâtuhpazy cha reipasaona tawhta a pachha nawpazie pahno ta, sialeipazy cha pachiana noh a tlô hlâlei hriena ry liata soh chy nawpazie chhao a pahno.

1 ZAWHÂNA 3:8

Ahripa cha âthaona tawhta a molei ngâ thlâh hapa châ ta, chavâta a molei ngâ thlâh hapa chyhsa cha ahripa tawhta a puapa a châ. Ahripa raihria pahleipadia awpa cha, Khazohpa Sawchapawpa â vaw luahna chhâpa a châ.

BIEPHUAH 1:18

ahrohpa ei châ. Thi ha na ta, châhrasala moh tua, chhâzaw nata tlyzaw ta ahrohpa ei châ hih. Thina nata Athihkhih châhbizy ei hnei.

BIEPHUAH 19:1

Cha khai tawhta vârâh liata zawpi hluhpi ao paro ngaitapa a lyupa thei na ta, ao chata, “Haleluia! Pachhana zy, rônahna zy, hmotaotheina zy cha, Eima Khazohpa eih a châ.

BIEPHUAH 19:4

Machâ pakih nata papalih nata hmohrohneipa miapalihzy cha a khu ei ta, “Amen! Haleluia!” tahpa ta, beidyuchhai liata a tyuhpa Khazohpa cha a chhy ei ta.

BIEPHUAH 2:10

Pasa na tao awpazy chi khah y. Pachâ tua, ahripa ta nama hry liata chyhsa thokha patâhna o liata a cha khô aw ei. Pasiapa ta y aw ei chi ta, noh hrawh chhôh rietheipasa nama tao aw. Thina taihta ngâchhihpa ta y mah y, hrona lakho ei cha pie aw.

BIEPHUAH 21:4

Ama mo liata mothlih zydua a hru khai aw. Hmo parohpazy a lei hapa vâta, thina y khao leipa aw ta, mâchhiesana, chana nata pasana zy y khao aw vei,” tahpa ta a reipa thei na ta.

BIEPHUAH 3:10

Tao hualuana kyh liata ei bie nâ pyhpa vâta, alei liata a pahrâpazy pasia awpa ta khizaw zydua liata pasiana daihti a vaw tlô awpa tawhta ei cha pabohsa aw.

BIEPHUAH 3:14

“Laodisi Awnanopa vâlyuhchâpa hnohta hetana heta roh teh: ‘Ngâchhihpa nata pahnokheituh dopa nata Khazohpa hmotaopazy âthaona Amen ta he biezy he a reih.

BIEPHUAH 5:13

Chatawhcha avâ nata alei nata alei ry nata tilaipi liata a ypa hmotaopa to nata ama chhôh liata a ypa zydua ta, “Beidyuchhai liata a tyuhpa nata Mietakutaw hnohta, Reithaina nata palyupalihna zy, Rônahna nata thatlôna zy, Chhâzaw nata tlyzaw ta y mawh sy,” tahpa ta ama reithaipa thei na ta.