MATHAI 5:8 - Mara Bible RV (BSI)

⁸ “Palôh pathaihpazy ama nohlao na, Khazohpa ama hmô awpa vâta.

MATHAI 5:8 ပူးပေါင်းရင်းမြစ်များ

ÂTHAONA 32:30

Zakaw ta, “Khazohpa cha hmiachhypa ta hmô na ta, chatanachôta ei hrona pahlôhpa ta a y,” tah ta, cha su moh cha Penia a bi.

2 SAMUELA 22:27

Pathaihpa hnohta na pathaihna palâsa chi ta, Piehpiepa cha a piehpiena hawhta na hrie tyh.

HLAZY 15:2

Seina hnei leipa ta hmo dopa a taopa, A palôh liata biedopa a reihpa;

HLAZY 18:26

Pathaihpa hnohta na pathaihna palâsa chi ta, Piehpiepa cha a piehpiena hawhta na hrie tyh.

HLAZY 24:4

Ku pathaihpa nata palôh pathaihpa hneipa ta, Hmo doleipa liata a hro hmâh beih leipa ta, Haipa ta bie â taih beih leipa chyhsa ta, Abeipa tlâh cha kiah aw ta, A su pathaihpa liata â duah aw.

HLAZY 51:10

Hy Khazohpa, palôh pathaihpa kei liata paysa la, Pachâna dopa ei chhôh liata pathieh heih mah y.

HLAZY 51:6

Pachâ teh, chhôh lâta hmeiseihna khoh chi ta, Palôh chhôh liata sona eina pachu chi.

HLAZY 73:1

Khazohpa cha Izarei chô liata pha ta, Palôh pathaihpazy chô liata a vaw pha tlai na.

BIESOZY 22:11

Palôh pathaihna pasô ta, A reikah a phapa cha, Abei chhao viasa ta â tao thei aw.

HMOTAOPAZY 15:9

Keimo nata âmo likah panano leipa ta, ngiapâna ta ama pathipalôh a pathaisa ha ei.

1 KAWRINI 13:12

Tahmâ cha thlalâ liata vivâh deita hmô pi ta, cha tita deikua cha hmiachhypa ta eima hmô ha aw. Tahmâ cha â ki leipa ta pahno na ta, cha tita deikua cha, Khazohpa ta eina pahno pakipa hawhna heta, â kipa ta ei pahno ha aw.

2 KAWRINI 7:1

Kyhpachâ ngaitapa saih u, cha bietaizy cha eima hneipa vâta, pôhpa nata thlahpa a papuapaleipa zydua tawhta a pathai sih la, Khazohpa chipa ta pathaih pakipa ta y suh u.

TITU 1:15

Mopathaihpazy châta ato pathaih ta, chyhsa puapa nata ngiapâleipazy châta deikua cha, khâpa hmah pathaih vei. Ama palôh phaozie nata ama chhie nata pha pahnona a pua khai haw.

HEBRAI 10:22

eima palôh liata chhie nata pha pahnona pha leipazy pathaipa ta, eima pôhpa ti pathaihpa ta pasi sih la, ngiapâna liata alôhna a ipa hneipa ta Khazohpa a hnia ei suh u.

HEBRAI 12:14

Chyhsa zydua nata adyhna chadai u la, pathaihna chadai hra teh u. Pathaihna leipa ta ahy hmahta Abeipa hmô aw veih ei.

HEBRAI 9:14

chhâzaw Thlahpa zawhzi ta, seina hnei leipa ta Khazohpa lâ anosasy ta a hlâtuhpa thisaih chhochhi ta cha, eima chhie nata pha pahnona cha hmotaopa thipa tawhta Khazohpa hrohpa chakaona lâta a pathaisa via pachai aw dia!

ZÂMIE 3:17

Chô lâ tawhta sona a za tlôpa deikua cha, a hmiatua ta pathaih ta, thlalôhna ta pazi ta, a nônai ta, hmo yzie pahno thai ta, zawngiahna nata thei phapa ta bie ta, khokhei viapa hnei leipa ta, so piehpiepa châ vei.

ZÂMIE 4:8

Khazohpa a hnia u la, ano chhao a châ hnia aw ei. Nâmo, moleipa saih u, nama kuzy a si u la, palôh a zawvawpa saih u, nama palôhzy pathai teh u.

1 PITY 1:22

Unawhzy kyhpachâna hmeiseihpa hnei awpa ta biehmeiseihpa zyh ei chi ta, nama thlahpa nama pathaisa ha tawhta cha, palôh pathaihpa nata hmeiseihpa ta kyh a pachâ raihrie muh vy.

BIEPHUAH 22:4

A hmia hmô aw ei ta, ama khi liata a moh â choh aw.