MATHAI 5:6 - Mara Bible RV (BSI)

⁶ “Siana khopa vâta nodi dâhphipazy ama nohlao na, ama aoh a vei awpa vâta.

MATHAI 5:6 ပူးပေါင်းရင်းမြစ်များ

HLAZY 107:9

Ano cha hro dâhphina papaituhpa châ ta, Hmo phapazy ta hro nodipa rih a pabie tyh.

HLAZY 145:19

Ano a chituhpazy khopa hlao patloh tyh ta, Ama awna ao thei ta a pachha tyh ei.

HLAZY 17:15

Kei deikua la, siana ta na hmia sai aw na ta, Ei hra tita, Na hmia hmô aw na ta ei palôh a tlâh aw.

HLAZY 63:5

Sa thawhpa nata nie pahâhpa nie nota lôhrâtlôpa hawhta, Ei hro he nâma liata a lôhrâtlô aw ta, Ei pakah ta thaphana hmao ta a cha reithai aw.

HLAZY 65:4

Na dôhpachhôh tlyhmia liata pahrâ awpa ta, A tlyh chi ta, na kiapâh lâ nâ chhipazy cha, Ama nohlao kaw dia! Na o phana vâta lôhrâtlôpa ta y aw pi ta, Nâma Achhyna o pathaihpa vâta lôhrâtlôpa ta eima y aw.

HLAZY 84:2

Ei hro ta Abeipa dôhpachhôh tlyhmiazy vâ ngaita ta, A panao khai haw; Ei palôh nata ei sapa zy ta, Kha­zohpa hrohpa lâ alyna hla ama sa.

BIESOZY 10:24

Moleipa cha a chipa hawh tlai ta a chô liata vaw tlô aw ta, Mosiapa khopa deikua cha piepa a châ aw.

BIESOZY 21:21

Siana nata ngâchhihna a chadaipa cha, Hrona, siana nata zana a hmô aw.

HLAZY HLA 5:1

Ei sadô, ei sietanô, ei myuh lâ cha a ngia na ta, Ei deiryh nata ropahâhpa lapakhypa ta, Ei kheihti nata ei kheihthlawh nie na ta, Ei sâhpiti nata ei kresawhti cha ei doh. Hy viasazy, niepa ta, doh u la, Kyhpachâna paripa ta y muh vy!

ISAI 25:6

He tlâh liana heta, Pheisaihzy Abeipa ta phopi zydua châta kyhchhi a tao aw; Pati pahâhpa to niena kyhchhi châ aw ta, Kresawhti hlôpa dona kyhchhi a châ aw; Sa rupa lathli bawna kyhchhi châ aw ta, Kresawhti suapa dona kyhchhi a châ aw.

ISAI 41:17

Dyhchhiepa nata phahlapazy ta ti tlua ei ta, Châhrasala ti y leipa ta, Ama paleih dâhphipa ta a hi tyh. Kei, Abeipa heta âmo cha a chhy aw na ta, Kei, Izarei Khazohpa heta siesai aw veih ei na.

ISAI 44:3

Râh dâhphipa liata ti bao aw na ta, Alei hipa liata vahtie tizy ei palosa aw. Na chipathla chô liata ei Thlahpa hry aw na ta, Na pathlazy chô liata ei byhnâ ei hry aw.

ISAI 65:13

Chavâta Abeipa Zehôvâh ta hetana heta a tah: “Pachâ teh u, nâ chakaotuhpazy cha nie aw ei ta, Nâmo deikua cha nodipa ta nama y aw; Nâ chakaotuhpazy cha doh aw ei ta, Nâmo deikua cha dâhphipa ta nama y aw; Nâ chakaotuhpazy cha a ly aw ei ta, Nâmo deikua cha nozapa ta nama y aw;

ISAI 66:11

Chatanachata a thlapalôhna sâhpi pazy aw ei chi ta, Lôhrâtlôpa ta nama y aw. A sâhpi a thua ta a thlaoh ngâpa doh aw ei chi ta, Palôhtlâhpa ta nama y aw,” Abeipa ta a tah.

ZEREMIAH 31:25

Hro thachhâpazy lôhrâ patlô aw ei na ta, hro panaopa maih ama tha ei patlô aw ei.”

LUKA 1:53

Nodipa cha hmo phapazy ta pabie ta, Hneirôhpazy aruapa ta a pasiesa.

LUKA 6:21

“Nâmo, tahmâ nota nodipazy saih u, nama nohlao na, nama rih a bie awpa vâta. “Nâmo, tahmâ nota a chapazy saih u, nama nohlao na, nama pahnei awpa vâta.

LUKA 6:25

“Nâmo, tahmâ nota rihbiepazy saih u, nama hu a po na, nama no a di awpa vâta. “Nâmo, tahmâ nota a pahneihpazy saih u, nama hu a po na, mâchhiesapa ta nama y awpa vâta.

ZAWHÂNA 4:14

kei ta ei pie awpa ti a dohpa deikua cha, a dâh phi heih khao aw vei. Kei ta ei pie awpa ti cha, a chhôh liata tihnawh lâta a lie aw ta, chhâzaw hrona taihta a pali aw,” tah ta.

ZAWHÂNA 6:27

Pati a leilô theipa châta hria leipa u la, chhâzaw hrona taihta a y awpa pati, Chyhsa Sawchapawpa ta a cha pie awpa ei châta tlao hria teh u. Paw Khazohpa ta ano cha chahnao pa-i ha tlôh ta,” tah ta.

ZAWHÂNA 7:37

Kyhchhi chhâna noh, noh rônahpa liata, Zisu cha a duah ta, ao paro ngaitapa ta awh ta, “Ahy rai a dâh a phi khiahta cha, kei lâ a vy sala doh mawh sy.

BIEPHUAH 7:16

Ama nodi khao leipa aw ta, Ama dâhphi khao aw vei; Noh ta âmo vawh leipa aw ta, Noh lona ta ama rie pathei khao aw vei.