MATHAI 5:46 - Mara Bible RV (BSI)

⁴⁶ Kyh châ pachâtuhpazy deita kyh nama pachâ khiahta cha, khâpa lymâ nama hmô aw? Chhiekheituhpazy chhao ta cha hawhpa cha tao thlâh ha veih ei ma?

MATHAI 5:46 ပူးပေါင်းရင်းမြစ်များ

MATHAI 11:19

Chyhsa Sawchapawpa a vy ta, nie ta, doh ta, ‘Moh tua u, azohpa nata kresawhti parâpa, chhiekheituhpazy nata moleipazy viasa huh!’ tah heih ei ta. Châhrasala sona cha a hmotaopazy tawhta â dozie â lâ tyh,” tah ta.

MATHAI 18:17

Âmo chhao cha a nathlie khoh vei khiahta cha, Awnanopa chho mah y. Awnanopa chhao taihta a nathlie khoh vei khiahta cha, ano cha na châta Zenitai nata chhiekheituhpa hawhta pachâ mah y.

MATHAI 5:47

Nama unawhzy deita bie namâ chho khiahta cha, chyhsa hropazy hlâta nama tao viana khâpa a y? Zenitaizy chhao ta cha hawhpa cha tao thlâh ha veih ei ma?

MATHAI 6:1

“Chyhsa hmô awpa ta hmo pha a taopa nama châ lei nawpa ta a chado teh u. Chataleipatala nama Paw vârâh liata a ypa tawhta lymâ hmô aw veih ei chi.

MÂKA 2:15

Zisu cha Livai o liata pati a dôh hai nota, chhiekheituhpa hluhpi nata moleipazy chhao, Zisu nata a pachupazy hnohta pati dôh hra ei ta. Chyhsa hluhpi ta Zisu cha ama pazipa a châ.

MÂKA 2:16

Phârisaihzy hry liata ryhpa pachutuhpa thokhazy ta, Zisu ta chhiekheituhpazy nata moleipazy hnohta pati a dôhpa ama hmô nahta, a pachupazy hnohta, “Khazia chhiekheituhpa nata moleipazy hnohta niedopa ta a y?” tah ei ta.

LUKA 15:1

Chhiekheituhpazy nata moleipazy ta a bie thei awpa ta a kiapâh lâ vaw pangai ei ta.

LUKA 18:13

Chhiekheituhpa deikua cha, lâhlapi ta a duah ta, avâ lâ chhao ua ngâh leipa ta, a chachôhna a chô ta, ‘Khazohpa y, kei moleipa he na ngiachhie mah y,’ tah ta.

LUKA 19:2

Chyhsa pakha a moh Zakia ama tahpa y ta. Ano cha chhiekheituh hyutuhpa châ ta, hneirôh kawpa a châ.

LUKA 19:7

Cha cha ama hmô nahta, ama zydua ta reipasipasua ei ta, “Chyhsa moleipa o liata tlô awpa ta â ngia huh,” tah ei ta.

LUKA 3:12

Chhiekheituhpazy chhao ta bâti châ awpa ta a vy ei ta, a hnohta, “Pachutuhpa, khâpa eima tao aw?” tah ei ta.

LUKA 5:29

Livai ta a o liata Zisu châta kyhchhi rônahpa tao ta, chhiekheituhpa hluhpi nata chyhsa hropazy ta Zisu nata a pachupazy cha tlâhkhai liata pati dôhkhei ei ta.

LUKA 5:30

Phârisaihzy nata ama ryhpa pachutuhpazy ta a pachupazy hnohta paphôh ei ta, “Kheihtazie ta chhiekheituhpazy nata moleipazy hnohta nie ta a doh thlâh ha tly?” tah ei ta.

LUKA 7:29

A bie reipa cha zawpi zydua nata chhiekheituhpazy ta ama thei nahta, Khazohpa hmotaopa siapa liata a ly ngaita ei ta. Âmo cha Zawhâna liata bâti a châ chiehpazy ama châ.

LUKA 7:34

Chyhsa Sawchapawpa a vy ta, niepa ta doh ta, ‘Moh tua u, rihkawhpa nata kresawhti parâpa, chhiekheituhpazy nata moleipazy viasa huh!’ nama tah heih.