MATHAI 5:4 - Mara Bible RV (BSI)

⁴ “Pachârôhpazy ama nohlao na, thlapalôhpa ta ama y awpa vâta.

MATHAI 5:4 ပူးပေါင်းရင်းမြစ်များ

ISAI 12:1

Cha noh liata hetana heta na tah aw: “Hy Abeipa, alyna bie ei cha hlâ; Ei chô liata na hie vaw hâh ha hra sala, Na hiehâhna chalihsa chi ta, Thlah eina palôh ha chi.

ISAI 25:8

Thina cha tlyzaw ta pahlei aw ta, Abeipa Zehôvâh ta Chyhsa zydua hmia tawhta mothlihzy hru khai aw ta; A phopi nohzaona chhao, Khizaw zydua liata a pachhâsa aw; Cha bie a reihpa cha Abeipa a châ.

ISAI 30:19

Hy Zerusale liata a pahrâpa Zaio phopi y, cha khao aw va chi. Na awna ao vâta Abeipa ta cha ngiachhie tlai aw ta, a theipa nahta, a cha chyh-ei aw.

ISAI 35:10

Abeipa chatlaipazy cha kua heih aw ei ta, Hla sana chôta Zaio ama pangai aw. Chhâzaw alyna ama luh chô liata y aw ta, Thaphana nata alyna hmô aw ei ta, Pachârôhna nata ahrôna y khao aw vei.

ISAI 57:18

A hroziezy hmô na ta, Châhrasala ei patlâh pyly aw. Ano cha a chhi aw na ta, Thlalôhna ei pie heih aw; Ano châta mâchhie a sapazy chhao, Thlalôhna ei pie heih aw.

ISAI 66:10

“Nâmo, Zerusale kyh a pachâtuhpa zydua saih u, Zerusale cha thaphakhei u la, a lykhei teh u; Nâmo, Zerusale châta mâchhie a satuhpa zydua saih u, Zerusale â lyna liata a lykhei hra teh u.

ISAI 66:2

He hmo zydua he keima ku ta tao ta, Chatanachata he hmo zydua he a vaw ypa a châ,” Abeipa ta a tah. “A panawhpa ta a palôh liata a ngiapachhi ta, Ei bie liata a chalyupa chyhsa lâta ei mo ei padeih aw,” Abeipa ta a tah.

EZEKIA 7:16

Ahrohpa ama y khiahta cha, tlâhpizy lâ a râ aw ei ta, saikao vachhuhzy hawhta, ama zydua ta ama moleina amâ hrôkhei aw.

EZEKIA 9:4

Abeipa ta a hnohta, “Zerusale khihpi chahryh la, khihpi chhôh liata hmo pasichhihpa taopazy vâta a hrôpa nata a rôhpazy chyhsazy khi liata ngiana tao mah y,” tah ta.

ZEKARIA 12:10

“Chatawhcha Dâvi pathlazy chô liata nata Zerusale liata a pahrâpazy chô liata ngiachhiena nata zawngiahna thlahpa ei hry aw. Chatanachata ama hriechheih hapa kei he na moh aw ei ta, sawchapaw matlupa mâchhie sapa hawhta keima châta mâchhiesa aw ei ta, sawchapaw uhtheipa pahleipa hawhta thata ama vâ â sâh aw.

LUKA 16:25

Châhrasala Abarahâ ta, ‘Ei saw y, nâ cha na hro chhôh ta hmo phapa to chi ta, Lâzarâh deikua cha hmo chhiepa a topa kha pahno châh chi. Châhrasala tahmâ ano cha he liata thlahpalôhpa ta y ta, nâ cha pasa na tao kha zaw.

LUKA 6:21

“Nâmo, tahmâ nota nodipazy saih u, nama nohlao na, nama rih a bie awpa vâta. “Nâmo, tahmâ nota a chapazy saih u, nama nohlao na, nama pahnei awpa vâta.

LUKA 6:25

“Nâmo, tahmâ nota rihbiepazy saih u, nama hu a po na, nama no a di awpa vâta. “Nâmo, tahmâ nota a pahneihpazy saih u, nama hu a po na, mâchhiesapa ta nama y awpa vâta.

LUKA 7:38

Mothlih chhaota a hnôh lâta a phei thaby liata a duah ta, chanô mothlih ta Zisu phei cha padâ khai ha ta. A mothlih cha a sâ ta hru ta, Zisu phei cha a pahnâ ta, sathaw ropahâhpa ta a pheizy cha thu ta.

LUKA 7:50

Zisu ta chanô hnohta, “Nâ ngiapâna ta a cha pachha haw. Thlahlôhpa ta sie mah y,” tah ta.

ZÂMIE 1:12

Pasiana liata â ipa ta a duahpa cha a nohlao na. Pasiana a pahnie tita, Khazohpa ta ano kyh a pachâtuhpazy hnohta bie â taihpa hrona lakho a to aw.

BIEPHUAH 21:4

Ama mo liata mothlih zydua a hru khai aw. Hmo parohpazy a lei hapa vâta, thina y khao leipa aw ta, mâchhiesana, chana nata pasana zy y khao aw vei,” tahpa ta a reipa thei na ta.