MATHAI 5:39 - Mara Bible RV (BSI)

³⁹ Kei deikua ta cha ei cha chho ei, moleipa a dyuh khah u. Chyhsa ta na baih chachâh lâ a cha chabaih khiahta cha, hiakha lâ chhao dao mah y.

MATHAI 5:39 ပူးပေါင်းရင်းမြစ်များ

1 ABEIZY 22:24

Cha khaipa nahta, Kenânâ sawchapawpa Zedekia ta a vaw hnia ta, Mikai baih liata vaw chabaih ta, a hnohta, “Kheihta ma Abeipa Thlahpa cha kei tawhta puapa ta, na hnohta bie a reih thai aw?” tah ta.

ZAWBÂ 16:10

Ama pakah na pakawh chiepa ta, Sâlâ kawpa ta ei baih na chabaih ei ta, A paraoh ei ta eina tei ei.

BIESOZY 20:22

“Moleina cha viari ei thô aw,” tah khah y, Abeipa hâ la ano ta a cha pachha aw.

BIESOZY 24:29

“Ei chô liata a taopa hawhta ano chô liata tao aw na ta, A hmotaopa viari ei thô aw,” tah khah y.

ISAI 50:6

Ei ky he nâ tutuhpazy châta dao na ta, Ei baih he ei baihhmi nâ phiatuhpazy châta ei dao tyh. Ei hmia he nohzaona tawhta nyu leipa na ta, Pachih pachhaona tawhta nyu hra va na.

CHAPHÔHTUNA 3:30

A baih a chabaihtuhpa châta a baih dao sala, Reipachhiena ta bie mawh sy.

THEIHTHAINA 19:18

Phuh na la awpa châ vei. Na chiheihzy chhyh thai leipa ta na y awpa châ leipa ta, nâma kyh nâ pachâpa hawhta na vaih kyh na pachâ awpa a châ. Kei he Abeipa ei châ.

MIKÂ 5:1

Hy pheisaihzy sawchanô y, Na pheisaihzy pahmaohpakhy teh; Miah dôh ei ta, Izarei ryureituhpa baih liata Chôchahrei ta ama tu hih.

MATHAI 5:40

Chyhsa ta lyuh cha tua sala, na viahkao rytho a cha lapa khiahta cha, na viahkao pasipa chhao pie pâ mah y.

LUKA 22:64

A mo chahry ei ta, “Hrohsona bie phuah teh! Ahy châ tu?” tah ei ta.

LUKA 6:7

Ryhpa pachutuhpazy nata Phârisaihzy ta ano ama leih thei nawpa ta, Pahânoh ta a patlâh nata patlâh lei mohpathli ei ta.

ZAWHÂNA 18:23

Zisu ta a chhy ta, “Biedoleipa a reihpa ei châ khiahta cha, biedoleipa cha pahnokheituhpa châ la, ei reipa cha biedopa a châ khiahta cha, khazia eina chabaih chi?” tah ta.

1 KAWRINI 6:7

Unawh nata unawh likah liata biepeipa nama hnei tyhpa heta, pahnie chhieliepa nama châpa a palâsa. Khazia â do leipa ta ama cha teipa chhao ta, maoh nama oh thlâh vei? Khazia ama cha dôveipa chhao ta, namâ padôveisa thlâh ha vei?

1 THYSALAWNIKA 5:15

Moleina cha moleina ta viarithô leipa u la, hmopha a taopa raihriepa ta, chyhsa to chô liata hmopha tao teh u.

HEBRAI 12:4

Moleina namâ dyuhna liata, thisaih lona taihta a dyuh mâh veih ei chi.

ZÂMIE 5:6

Chyhsa siapazy thailei pachâsa ei chi ta, châ dyuh leipazy nama thie haw.

1 PITY 3:9

Moleina cha moleina ta viarithô leipa u la, reipachhiena chhao reipachhiena ta viarithô hra leipa u la, byhnâ tlao awpa teh u. Cha hawhta taopa ta byhnâ to awpa ta awpa nama châ.