MATHAI 5:37 - Mara Bible RV (BSI)

³⁷ Na biereipa cha, a châpa khiah ‘A châ’ tah la, a châ leipa khiah, ‘Châ vei’ tah mah y. Cha khô lâ cha moleipa tawhta a vypa a châ.

MATHAI 5:37 ပူးပေါင်းရင်းမြစ်များ

MATHAI 13:19

Ahy rai khinarâh bie thei ha tlôh ta, a pahno thai vei khiahta cha, moleipa a vy ta, a palôh liata chi hiepa cha a lapa ha tyh. Cha cha lâpi liata chi hiepa cha a châ.

MATHAI 13:38

Lyu cha khizaw châ ta, chi phapa cha khinarâh sawzy ama châ. Sâh pakheipazy cha moleipa sawzy châ ei ta,

MATHAI 15:19

Moleina pachâna, lianycheina, apheina, apatlana, paruna, haipa bie reipa nata reipachhiena zy he palôh tawhta a kaw puapa a châ.

MATHAI 5:36

Na luh reipa ta bie a taih hra khah y, sâbu miakha chhao papawhsa thei leipa chi ta, pavyhsa thei va chi.

MATHAI 6:13

Reipasaona lâta miah a chhi khah y, Moleipa tawhta miah pachha mah y. Khinarâh zy, hmotaotheina zy, rônahna zy, Chhâzaw nata tlyzaw ta na eih châ tlôh ta. Amen.’

ZAWHÂNA 17:15

Âmo cha khizaw tawhta la awpa ta châ haw va na, moleipa tawhta hrôbieh awpa ta ei châ haw.

ZAWHÂNA 8:44

Nâmo cha nama paw ahripa tawhta a puapa châ ei chi ta, nama khopa cha, nama paw khopa taopa a châ. Ano cha âthaona tawhta lianycheihpa châ ta, ano liata biehmeiseihpa rai a y leipa vâta, biehmeiseihpa liata a duah vei. Haipa bie a rei nahta, ano châna dopa a palâsa tyh. Ano cha haihthaipa nata haipa bie zydua paw a châ.

EPHESI 4:25

Chavâta haipa bâhsai u la, nama vaih hnohta biedopa reih chyu teh u. Pôhpa miakha tawhta a pachiahpa sai eima châ.

EPHESI 6:16

Chazy thota, ngiapâna vyhphao a chaba u la, cha chata moleipa châtai mei zydua nama pachhai thei aw.

KAOLAOSÂ 3:9

Nama chyhsa parohpa cha a hmotaopazy chhaota nama pahluh hapa vâta, haipa bie a chho raihrie khao khuh vy.

KAOLAOSÂ 4:6

Chyhsa to hnohta namâ chhyzie awpa nama pahno thei nawpa ta, nama reikah a puapa cha, khatino rai ta ngiachhiena ta bie sala, alôh hawhta iahpa châ lymâ mawh sy.

2 THYSALAWNIKA 3:3

Châhrasala Abeipa cha ngâ a chhih ta, tha cha patlô aw ei ta, moleipa tawhta a cha pabohsa aw ei.

ZÂMIE 5:12

Châhrasala unawh saih u, cha zydua hlâta peimawh chaipa cha, chhiesa lei awpa a châ. Avâ reipa ta tlyma, alei reipa ta tlyma, hmo hropa kheihawhpa reipa ta tlyma, chhiesapa ta bie a taih leipa u la, thailei pachâsapa ta nama y lei nawpa ta, a châpa cha “a châ” tah u la, a châ leipa cha, “châ vei” tah lymâ teh u.

1 ZAWHÂNA 2:13

Pawzy saih u, âthaona tawhta a y thlâhpa ano cha nama pahnopa vâta, nâmo lâ ei vaw roh. Satliazy saih u, moleina nama tiah hapa vâta, nâmo lâ ei vaw roh. Sawzy saih u, Paw nama pahnopa vâta, nâmo lâ ei vaw roh.

1 ZAWHÂNA 3:12

Moleipa tawhta a puapa, ano unawhpa a thietuhpa Kainâ hawhna khata eima y awpa châ vei. Khâpa vâta ma a unawhpa kha a thie? A hmotaopazy kha moleina hmo châ ta, a unawhpa hmotaopazy kha a siapa a châpa vâta a châ.

1 ZAWHÂNA 5:18

Khazohpa sapa maihta molei ngâ thlâh ha veih ei tahpa eima pahno. Khazohpa sapa a châna ta ano cha hrôbieh ta, Sâtâ ta hria thei vei.