MATHAI 5:34 - Mara Bible RV (BSI)

³⁴ Kei deikua ta cha ei cha chho ei, bie rai a taih khah u. Avâ reipa ta bie a taih khuh vy, avâ cha Khazohpa beidyuchhai châ tlôh ta.

MATHAI 5:34 ပူးပေါင်းရင်းမြစ်များ

HLAZY 11:4

Abeipa cha a Achhyna o pathaihpa liata y ta, Abeipa beidyuchhai cha avâ liata a y; A mo ta moh ta, A mokhaoh ta chyhsa sawzy a pasia tyh.

BIECHHOTUHPA 9:2

Chyhsa zydua chô liata hmo a vaw tlô awpa â lyu khai. Mosiapa nata moleipa, chyhsa phapa nata chyhsa chhiepa, chyhsa pathaihpa nata chyhsa pathaih leipa nata atheihna a hlâpa nata a hlâ leipa zy chô liata â lyupa ta hmo a vaw tlô tyh. Chyhsa phapa chô liata hmo a tlôpa hawhta, moleipa chô liata tlô ta, bie â taihpa chô liata tlôpa hawhta, bie â taih leipa chô liata chhao a tlô hra.

ISAI 57:15

Moh chônôpa nata cheihchalopa ta hetana heta tah ta, Tlyzaw ta a ypa, a moh Pathaihpa bipa ta hetana heta a tah: “Areisipazy thlahpa pahra ta, Angiapachhipazy palôh pahra awpa ta, Kei he su sâhpa nata su pathaihpa liata pahrâ na ta, Angiapachhipa nata areisipazy hnohta ei pahrâ.

ISAI 66:1

Abeipa ta hetana heta a tah: “Avâ cha ei beidyuchhai châ ta, Alei cha ei phei tlyna a châ. Kheihawhpa o ma eina sapa aw ei chi? Khataih liata ma ei pahâ nawpa su cha a y?

HMOTAOPAZY 7:49

“‘Avâ cha ei beidyuchhai châ ta, Alei cha phei tlyna a châ. Kheihawhpa o ma eina sapa aw chi, Ei pahâna su chhao khâpa ma a châ?

ZÂMIE 5:12

Châhrasala unawh saih u, cha zydua hlâta peimawh chaipa cha, chhiesa lei awpa a châ. Avâ reipa ta tlyma, alei reipa ta tlyma, hmo hropa kheihawhpa reipa ta tlyma, chhiesapa ta bie a taih leipa u la, thailei pachâsapa ta nama y lei nawpa ta, a châpa cha “a châ” tah u la, a châ leipa cha, “châ vei” tah lymâ teh u.