MATHAI 5:28 - Mara Bible RV (BSI)

²⁸ Châhrasala ei cha chho ei, ahy rai aohraohpa ta chanô a mohpa cha, a palôh ta chanô liata â phei haw.

MATHAI 5:28 ပူးပေါင်းရင်းမြစ်များ

ÂTHAONA 34:2

Cha râh bei Hivi chyhsa Hamô sawchapawpa Sekhe ta vaw hmô ta, patu ta, a ziakhei ta, a noh pazao ha ta.

2 SAMUELA 11:2

Noh kha cha zâlâ nohtla chy ta Dâvi cha a rakhô tawhta thyu ta, abei o vâphuh liata a hlaihlâ ta, vâphuh tawhta chanô pakha a ngai a si ngâpa za hmô ta, cha chanô cha a chhithai ngaitapa châ ta.

ZAWBÂ 31:1

“Ei mo châta biehrai tao ha na ta, Kheihta ma laihsa kôpa cha ei moh thei aw?

ZAWBÂ 31:9

“Ei palôh he chanô liata reipasaopa ta ypa ta, Ei opa ochhi liata â byhpa ei châ khiahta cha,

HLAZY 119:96

Phapakina zydua chhâna hmô ha na ta, Nâma biepiepa deikua cha chhâna hnei vei.

PUASAINA 20:17

“Na vaih o na uahva awpa châ vei. Na vaih lapinô na uahva awpa châ leipa ta, a seichapaw tlyma, a seichanô tlyma, a viahchao tôhpa tlyma, a alâ tlyma, na vaih hmo kheihawhpa rai na uahva awpa châ vei,” tah ta.

BIESOZY 6:25

A chhithaina cha na palôh ta tlaichhai leipa sala, A mopadei ta a cha patu awpa a pasaih khah y.

EZEKIA 23:16

Âmo cha a hmô nahta, ama chô liata aohraohpa ta âmo cha tlaichhai kaw ta, Kaldia liata a ypa âmo hnohta lyuhchâpazy tuah ta.

THEIHTHAINA 18:20

“Na vaih lapinô a ziakheipa ta, ano vâta nâ papuapalei awpa châ vei.

MATHAI 15:19

Moleina pachâna, lianycheina, apheina, apatlana, paruna, haipa bie reipa nata reipachhiena zy he palôh tawhta a kaw puapa a châ.

MATHAI 5:22

Kei deikua ta cha ei cha chho ei. Ahy rai a unawhpa chô liata a hie a hâhpa cha, a thâtih pachia tlâh a châ. A unawhpa ‘Dyutlaileipa’ a tahpa cha ryureina liata tlôkhei tlâh châ ta, ‘Ahrupa’ a tahpa chhao, hriena su mei lâ sie tlâh a châ.

MATHAI 5:39

Kei deikua ta cha ei cha chho ei, moleipa a dyuh khah u. Chyhsa ta na baih chachâh lâ a cha chabaih khiahta cha, hiakha lâ chhao dao mah y.

RAWMA 7:14

Ryhpa cha thlahpa hmo a châ tahpa eima pahno. Kei deikua cha sapa chyhsa, moleina sei ta zua hapa ei châ.

RYHPACHANEINA 22:22

“Chyhsa ta chyhsa hropa lapinô â ziakheipa hmôpa a châ khiahta cha, ama pano ta, a ziakheituhpa chapaw chhao, chanô chhao, ama thi awpa a châ. Cha hawhna chata hmo pha leipa cha Izarei tawhta nama pahlei aw.

2 PITY 2:14

Ama mokhaoh cha apheina ta bie ta, moleina hmo taona liata ama rih a bie beih leipa ama châ. Chyhsa a i leipazy sydie ei ta, karâhneina palôh phaoh ei ta, chhiesapa sawzy ama châ.

1 ZAWHÂNA 2:16

Khizaw liata hmo a ypa zydua, sapa aohraohna, mokhaoh aohraohna nata hro chhôh hneirôna a palaikheina zy he Paw tawhta a puapa châ leipa ta, khizaw tawhta a puapa a châ.