MATHAI 5:22 - Mara Bible RV (BSI)

²² Kei deikua ta cha ei cha chho ei. Ahy rai a unawhpa chô liata a hie a hâhpa cha, a thâtih pachia tlâh a châ. A unawhpa ‘Dyutlaileipa’ a tahpa cha ryureina liata tlôkhei tlâh châ ta, ‘Ahrupa’ a tahpa chhao, hriena su mei lâ sie tlâh a châ.

MATHAI 5:22 ပူးပေါင်းရင်းမြစ်များ

ÂTHAONA 37:4

Ama paw ta ano cha a unawh zydua hlâta kyh a pachâ via tahpa a unawhzy ta ama pahno nahta, ano cha a hao kaw ei ta, reikah phapa rai hlâ khoh leipa ei ta.

ÂTHAONA 37:8

A unawhzy ta a hnohta, “Nâ bao hra heta eima chô liata ryu na reih aw mâ? Nâ bao hra heta eima chô liata bie na hnei aw ma?” tah ei ta. A mâsapazy nata a biereipazy vâta ano cha a hao via rili ei ta.

2 SAMUELA 16:7

Simei cha chhiesa ta, hetana heta tah ta, “Pua teh, nâ thisaih palo hmâhpa nata moleipa chyhsa chi kha, pua syulyu ha teh.

2 SAMUELA 6:20

Dâvi cha a chhôhkhazy châta byhnâ aw awpa ta o lâ a vaw di ta. Sawla sawchanô Mikâli cha Dâvi dy awpa ta vaw pua ta, a hnohta, “Tanoh la Izarei bei kha a rônah kaw na! Chyhsa leilôpa, nozana chhao a pahno leipa ta thluahruapa ta a ypa hawhta, Izarei bei cha ano chakaotuhpazy a chakao pachhuahpa chanôzy mohmô liata thluahruapa ta a y thlâh ha kha zaw!” vaw tah ta.

1 ABEIZY 21:4

Zezari chyhsa Nâbô ta cha hawhpa bie a hnohta a reipa vâna chata, Ahabâ cha pachâchhie ngaitapa nata palôh châ lei ngaitapa ta a o la a di ta. Nâbô ta, “Nâ pathlatuhpazy ryu cha pie thei aw va na,” khâchâ tah ha tlôh ta. Chatanachata a rakhô liata a zia ta, hiakha lâ a heih ta, pati rai nie khoh khao leipa ta.

2 THÂTIHZYRONA 16:10

Âsâ cha hrohsopa chô liata a hiehâh ta, patâhna o liata khô ta. A biereipa vâta a chô liata a hie a hâh ngaitapa a châ. Âsâ cha chyhsa hropazy chhao pasa pataosa lymâ ta.

2 THÂTIHZYRONA 19:5

Zudâh râh liata thokhy hneipa khihpi to liata ryureituhpazy rao ta.

NEHEMIAH 5:8

ama hnohta, “Keimo ta phopizy lâta zuapa eima unawh Zu chyhsazy eima theina hawhta chatlai pi ta, nâmo deikua cha, nama unawhzy zuah ei chi ta, eima hnoh cheingei ta zuapa ama châ hih!” tah na ta. A thlih thlâh ha ei ta, rei awpa khâpa hmah pahno leipa ei ta.

HLAZY 109:3

Ahaona bie ta na chadô ei ta, A chhâpa y leipa ta einâ dyuh ei.

HLAZY 14:1

Ahrupa ta ama palôh liata, “Khazohpa y vei,” a tah tyh. Avyuhna tao ei ta, Hmo pasichhihpazy tao ei ta, Hmo pha a taopa rai y veih ei.

HLAZY 25:3

Nâma châ hâtuhpazy cha, Maophyuhpa ta y leipa aw ei ta, Piehpie aohraohpazy deikua cha, Maophyuhpa ta ama y aw.

HLAZY 35:19

A chhâpa y leipa ta nâ khakhaipazy cha, Ei chô liata hmo a tlôpa vâta amâ ly awpa pasaih leipa la; A chhâpa y leipa ta nâ haotuhpazy chhao, Eina mopasih awpa ei pasaih khah y.

HLAZY 37:8

Hiehâh lei awpa ta maoh oh la, Pathiiana a heihsai mah y! Na ru a pachhô khah y, Ruchhôna cha hmo pha leipa deita a tlôkhei tyh.

HLAZY 49:10

He he chyhsa to pahnopa a châ: Chyhsa sopazy chhao thi ei ta, Ahrupa nata angâpa leidia raihrie ei ta, Ama sôh mohropazy châta ama siesai tyh.

HLAZY 69:4

A chhâpa y leipa ta nâ haotuhpazy cha, Ei luh liata ei sâzy hlâta hluh via ei ta, Parao awpa ta haipa ta nâ teituhpazy chhao, Ama thatlô ngaita. Khâpa hmo ma ei paru tly, Tahmâ ei thô heih awpa cha?

HLAZY 7:4

Moleina ta ei viasa viarithôpa ta, A chhâpa y leipa ta ei chariahpa a hraopa ei châ khiahta cha,

HLAZY 92:6

Ahrupa ta pahno thai leipa ta, Angâpa ta he kyh he a novâh vei:

BIESOZY 14:16

Asopa cha a chado kaw ta, Hmo pha leipa tao vei; Ahrupa deikua cha a riah pha kaw ta, Pachâ tua leipa ta hmo a tao tyh.

BIESOZY 18:6

Ahrupa hmao cha ahryuna tlôkhei ta, A pakah ta atuna a aw.

ZEREMIAH 17:11

Hmo doleipa taopa ta a hneirôhpa cha, Ano tih leipazy tlô ta a pakeisapa Bykheihpa hawhta a châ; A lochona daihti liata ano cha siesai aw ei ta, A chhâna lâta cha ahrupa lâta a pua aw.

CHAPHÔHTUNA 3:52

“Ei chariahzy ta a chhâpa y leipa ta Pavaw hawhta einâ byh ei;

DÂNIAH 3:13

Nebukaneza cha a hiehâh ngaita ta, Sâdarâka, Mesâka nata Abenekô zy cha a vaw chhi awpa ta biepie ta. Cha chyhsazy cha abei hmiakô liata a vaw chhi ei ta.

DÂNIAH 3:19

Nebukaneza cha a hiehâh ngaita ta, Sâdarâka, Mesâka nata Abenekô zy chô liata a hmiaphao a nano khai ha ta. Patina mei cha a sah tyhpa hlâta a lie sari ta pasah awpa ta biepie ta.

ÔBADIA 1:10

“Na unawhpa Zakaw chô liata thachahra na hmâpa vâta, Nozana ta cha khu aw ta, Chhâzaw ta chhawh pathlahpa na châ aw.

ÔBADIA 1:12

Na unawhpa chhiena â tyh noh kha, Kheihta ma a lypa ta moh thei chi ta, Zudâh pathla raona amâ tyh noh kha, Kheihta ma thaphapa ta na sai thei tly! Ama pachârôhna noh liata, Kheihta ma na pakah a kawh chie thei tly!

MATHAI 10:17

Chyhsazy tawhta a vaih teh u. Ryureina lâ cha hlâ aw ei ta, pakhyna ozy liata ama cha tu aw.

MATHAI 10:28

Pôhpa thie thei ta, thlahpa a thie thei leipazy chi leipa u la, hrienasu liata pôhpa nata thlahpa a pahleipadia theipa cha tlao chi teh u.

MATHAI 12:24

Phârisaihzy deikua ta cha thâtih cha ama thei nahta, “He chyhsa heta ahripazy hyutuhpa Belzebu vâta ahripazy a papua theipa a châ hih,” tah ei ta.

MATHAI 17:5

A rei hai no tlai chata, meihdo râhpa ta âmo cha vaw khu ta, meihdo tawhta ao vaw pua ta, “He he ei Sawchapawpa kho ngaitapa, a chô liata ei ly ngaitapa a châ, a bie nathlie teh u,” tah ta.

MATHAI 18:21

Pity cha Zisu lâ a vy ta, a hnohta, “Abeipa, ei unawhpa ta ei chô liata hmoparao ngâ thlâh ha sala, ei khazie taih ei ngiahthai aw? Ei sari taih ma?” tah ta.

MATHAI 18:35

Palôh hmeiseihpa ta nama unawhzy namâ ngiahthai vei khiahta cha, ei Paw vârâh liatapa ta, cha hawhna chata nama zydua chô liata a tao aw,” tah ta.

MATHAI 23:15

“Nâmo, Ryhpa pachutuhpa nata Phârisaih phapakheipazy saih u, nama hu a po na! Ngiapâtuhpa pakha tao awpa ta, tilaipi nata tlâh padôpa ta sie ei chi ta, ngiapâtuhpa a vaw châpa nahta, ano cha nâmo topa lie no ta hriena su a to awpa saw ta nama tao tyh.

MATHAI 23:33

Nâmo, parihzy saih u, nâmo, vâzi pathlazy saih u, hrienasu lâ sie awpa ta pachiana cha kheihta ma nama khôkhâh thei aw?

MATHAI 25:41

“Cha khai tawhta a chavei lâta a ypazy hnohta, ‘Chhiesapa ta a ypa saih u, ahripa nata a lyuhchâpazy châta a chhuahdypa chhâzaw mei lâ na siesai teh u.

MATHAI 26:59

Zisu ama thie thei nawpa ta, theihthai beizy nata ryureituhpa zydua ta haipa ta ano leih nawpa tlua ei ta.

MATHAI 3:17

Avâ tawhta ao ta, “He he ei Sawchapawpa kyh ei pachâ ngaitapa, a chô liata ei ly ngaitapa a châ,” tah ta.

MATHAI 5:34

Kei deikua ta cha ei cha chho ei, bie rai a taih khah u. Avâ reipa ta bie a taih khuh vy, avâ cha Khazohpa beidyuchhai châ tlôh ta.

MATHAI 5:44

Kei deikua ta cha ei cha chho ei, nama chariahpazy kyh pachâ u la, châ taolatuhpazy thlahchhâpa muh vy.

MÂKA 14:55

Zisu ama thie thei nawpa ta theihthai beizy nata ryureituhpa zydua ta ano leihna tlua ei ta, châhrasala hmô leipa ei ta.

MÂKA 15:1

My a vaw châpa nahta, theihthai beizy ta machâzy, ryhpa pachutuhpazy nata ryureituhpa zydua a chhohia ei ta. Zisu cha chahrypa ta a chhi ei ta, Pilâ lâ hlâ ei ta.

LUKA 12:5

Nama chi awpa dopa zikyu ei châ râ aw ei: A thie khai tawh chhao ta, hriena su liata thy theina bie a hneipa cha chi teh u. Ei cha chho ei, ano tlai cha chi teh u!

LUKA 22:66

Khih a pavâpa nahta, phopi machâzy a hmaohpakhy ei ta, theihthai beizy nata ryhpa pachutuhpazy chhao y hra ei ta. Zisu cha ama ryureina lâ a chhi ei ta, a hnohta,

ZAWHÂNA 11:47

Theihthai beizy nata Phârisaihzy ta ryureituhpazy awpakhy ei ta, “Kheihta eima tao aw? He chyhsa heta hmonoâhpa hluhpi tao tlôh ta.

ZAWHÂNA 15:25

Ama ryhpa châbu liata, ‘A chhâpa y leipa ta einâ hao ei,’ tahpa bie ropa kha a vaw tlô nawpa ta a châ.

ZAWHÂNA 7:20

Zawpi ta a chhy ei ta, “Ahripa azopa na châ he! Ahy ma thie châ chhuah?” tah ei ta.

ZAWHÂNA 8:48

Zuzy ta a chhy ei ta, a hnohta, “Samâri chyhsa châ chi ta, ahripa azopa na châ eima cha tahpa kha pado kaw ma pi ma?” tah ei ta.

HMOTAOPAZY 17:18

Epikuria nata Stôika chyhsa sopa thokhazy chhao Pawla cha a dyuh ei ta. Thokha ta, “He reih hluhpa heta khâpa ma rei â chhuah?” tah ei ta. Thokha ta Zisu kyh nata thyuheihna kyh a reipa vâta, “Chihropa khazohzy biechhotuhpa a châ ei aw,” tah ei ta.

HMOTAOPAZY 22:30

A mylâ ta, Zuzy ta ama leihna chhâpa hmeiseihpa pahno a chhuahpa ta, pheisaih hyutuhpa ta Pawla chahryna cha pathlâ ta. Theihthai beizy nata ryureituhpa zydua a hmaoh awpa ta biepie ta. Pawla cha a zâ chhi ta, ama hmiakô liata paduasa ta.

HMOTAOPAZY 23:1

Pawla ta ryureituhpazy cha a mo tawpâ ta, ama hnohta, “Unawh saih u, chhie nata pha pahnona hmâpa ta, tanoh taihta Khazohpa mohmô ta a phapa ta ei hroh lymâ,” tah ta.

HMOTAOPAZY 24:20

Cha leipa chhao ta, he chyhsazy tlai heta ryureina hmiakô liata ei dua no khata, ei paraopa khâpa ama hmô, reih mawh ei sy.

HMOTAOPAZY 4:15

Ryureina su tawhta pua awpa ta bie ama pie khai tawhta, âmo dei ta reipahmaoh ei ta,

HMOTAOPAZY 5:21

Cha bie cha ama thei nahta, mydi ta Achhyna o liata a ngiapa ta, pachu ei ta. Theihthai beichaipa nata a sahlaozy a vy ei ta, ryureituhpazy nata Izarei machâ zydua awpakhy ei ta, lyuhchâpazy a vaw chhi awpa ta patâhna o lâ chyhsa tuah ei ta.

HMOTAOPAZY 5:27

Ama vaw tlôkhei nahta, ryureina hmiakô liata paduasa ei ta. Theihthai beichaipa ta âmo cha a padai ta,

HMOTAOPAZY 6:12

Zawpizy, machâzy nata ryhpa pachutuhpazy pasyu ei ta, Stiphana cha tei ei ta, patupa ta, ryureina hmiakô liata a vaw chhi ei ta.

HMOTAOPAZY 6:15

Ryureina liata a tyuhpa zydua ta Stiphana cha moh ei ta, a hmia cha vâlyuhchâpa hmia hawhta hmô ei ta.

HMOTAOPAZY 7:37

Cha Mawsi cha Izarei sawzy hnohta, ‘Khazohpa ta keima hawhpa hrohsopa he nama unawhzy tawhta a cha paduapa aw ei,’ a tahtuhpa kha a châ.

RAWMA 12:10

Unawh kyhpachâna ta kyh a pachâ raihrie u la, a palyupalih raihrie muh vy.

1 KAWRINI 6:10

aparupazy, khohleikhopazy, sahma paripazy, chyhsa a reipachhie thaipazy nata avyuhna a taopazy cha Khazohpa khinarâh to aw veih ei.

1 KAWRINI 6:6

Unawhpa ta a unawhpa ryureina liata tlôkhei ta, cha chhao cha ngiapâleipazy hmiakô liata châ heih ta.

RYHPACHANEINA 15:11

Khatino rai ta dyhchhiepazy nama râh liata ama y aw. Chavâta, “Nama râh liata dyhchhiepa nata phahlapa nama unawhzy lâta nama ku pazawh muh vy,” tahpa ta bie ei cha pie ei.

RYHPACHANEINA 16:18

“Abeipa nama Khazohpa ta a cha piepa ei khih to liata, chi to châta ryureituhpa nata hyutuhpazy rao aw ei chi ta, âmo chata ryureina siapa ta zawpizy ryu ama reipa tyh aw.

1 THYSALAWNIKA 4:6

He kyh liata ahy hmah a unawhpa chô liata moleipa ta hmopha leipa a tao awpa châ vei. Cha chho chhielie ha pi ta, a phapa ta zikyu eima châ râ hapa hawhta, Abeipa cha, cha hawhpa hmo a taotuhpa zydua chô liata phuh latuhpa a châ.

TITU 3:2

Ngiapâtuhpazy cha ahy hmah ama reipachhie awpa châ leipa ta, ahryusina amâ hneisai awpa a châ. Nônai kawpa ta y ei sala, chyhsa zydua chô liata areisina dopa ama palâsa awpa a châ.

HEBRAI 12:25

Biereituhpa khoh leipa ta nama y pathlei lei nawpa ta a chado teh u. Alei liata zikyurâtuhpazy khoh leipa hmahta hriena ama khôkhâh vei khiahta cha, vârâh tawhta zikyu miah râtuhpa eima dytha khiahta cha, hriena eima khôkhâh lei pachai aw dia!

HEBRAI 5:9

chavâta pakipa ta taopa vaw châ ta, a rei a ngiahpa zydua châta chhâzaw pachhana hnawh a vaw châ haw.

ZÂMIE 2:20

Hy chyhsa hrupa y, hmotaopa a hlao leipa ngiapâna cha khâpa hmah châ vei tahpa pahmô awpa na khoh ma?

ZÂMIE 3:6

Paleih he mei châ ta, moleina khizaw a châ. Eima pôhpa pachiahpazy hry liata mei tlu ta chichhihpa châ ta, moleina tao awpa ta thatlô ngaitapa a châ. Paleih chata pôhpa zydua papuapalei ta, hro chhôh khihsatôhtuna zydua mei ta pakâ ta, hriena su mei tipo lâ a chhituhpa a châ.

1 PITY 2:23

Reipachhiepa ta a y nota, reipachhie hri leipa ta, pasa taopa ta a y nota, pachhipary hra vei. Â dopa ta pachiatuhpa hnohta tlao â hlâ tyh.

1 PITY 3:9

Moleina cha moleina ta viarithô leipa u la, reipachhiena chhao reipachhiena ta viarithô hra leipa u la, byhnâ tlao awpa teh u. Cha hawhta taopa ta byhnâ to awpa ta awpa nama châ.

1 ZAWHÂNA 2:9

Khaihna liata a ypa hawhta a reih tlôh ta, a unawhpa a haopa cha, zohna liata a y thlâh ha chy.

1 ZAWHÂNA 3:10

He liana heta ahyzy ma Khazohpa sawzy châ ei ta, ahyzy ma ahripa sawzy a châ ei tahpa â hno: Ahy rai siana a hrokhei leipa cha, Khazohpa tawhta a puapa châ vei. A unawhpa kyh a pachâ leipa chhao Khazohpa tawhta a puapa châ vei.

1 ZAWHÂNA 5:16

Chyhsa ta thina taih a châ leipa moleina a unawhpa taopa a hmô khiahta cha, thlah a chhâpa awpa a châ. Chatanachata thina taih a châ leipa moleina a taotuhpazy cha Khazohpa ta hrona a pie aw ei. Thina taih a châpa moleina y ta, cha hawhpa châta thlahchhâpa awpa ei tahpa châ vei.

ZUDÂH 1:9

Vâlyuhchâpa chônôchaipa Mikaila tlai chhao khata, Mawsi ri kyh liata ahripa nata a chhu ei ta, ahripa â dyuh nona kha, reipachhiena pachiana bie phuah leipa ta, “Abeipa ta cha ra mawh sy,” tlao a tah.

BIEPHUAH 20:14

Chatawhcha Thina nata Athihkhih cha mei tipo liata thypa châ ta. Cha mei tipo cha thina einona a châ.