MATHAI 5:18 - Mara Bible RV (BSI)

¹⁸ Hmeiseihta ta ei cha chho ei, avâ nata alei a lei hlâlei cha, Ryhpa bie liata ropa châsâ chyh chaipa tlyma, achôpa di chaipa tlyma, ato zydua a tlôpaki khai hlâlei cha lei aw vei.

MATHAI 5:18 ပူးပေါင်းရင်းမြစ်များ

HLAZY 102:26

Chazy cha leidia aw ei ta, Chysia hawhta ama chy khai aw; Poh hawhta ri aw chi ta, Thypa ama châ aw; Nâ deikua cha na y thlâh ha aw.

HLAZY 111:8

Chazy cha chhâzaw nata tlyzaw châta pa-ipa châ ta, Ngâchhihna nata adona ta hria awpa a châ.

HLAZY 119:152

Na bieraopazy cha chhâzaw châta taopa a châzie, Hlâno tawhta ei vaw pahno haw.

ISAI 40:8

Sibiepa cha uah ta, Pawpi chhao a lo tyh; Eima Khazohpa bie deikua cha, Tlyzaw ta â duah aw.

ISAI 44:26

Nâ chakaotuhpazy bie pa-i na ta, Ei lyuhchâpazy ryhraopa a patlôsatuhpa ei châ. Zerusale kyh liata, ‘Cha liata chyhsa ama pahrâ heih aw,’ tah na ta, Zudâh khihpizy kyh liata, ‘Paduapathipa châ aw ei ta, Roryhrapa khihpizy ei paduapathi aw ei,’ A tahtuhpa ei châ.

ISAI 51:6

Chô lâ avâzy khi sai u la, Ry lâta alei he moh tua u. Avâzy khi meikhuh hawhta pai aw ei ta, Alei he chysia hawhta paroh aw ta, A chhôh liata a pahrâpazy mathyupa hawhta ama thi aw. Ei pachhana deikua cha tlyzaw ta y aw ta, Ei siana chhao tleih beih aw vei.

MATHAI 10:15

Hmeiseihta ta ei cha chho ei, ryureina noh liata, cha khih hlâta Sawdawmâ nata Kawmawrâ pasa taopa a zie a y via aw.

MATHAI 10:23

Khihpi miakha liata ama cha taola tita, khihpi hropa lâ a râ teh u. Hmeiseihta ta ei cha chho ei, Chyhsa Sawchapawpa â vy hlâta Izarei khihpi zydua chahryh khai hmâ aw veih ei chi.

MATHAI 10:42

Ahy rai, he chyhsa chyhpatazy hry liata pakha hnohta, ei pachupa a châpa vâta ti chakuapa nyu kha a piepa cha, hmeiseihta ta ei cha chho ei, a lymâ pahlei cheita aw vei.”

MATHAI 11:11

Hmeiseihta ta ei cha chho ei, chanô sapazy hry liata Bâtituhpa Zawhâna hlâta rônah viapa pua veih ei. Chatahrasala vârâh khinarâh liata chyhsa nawh chaipa cha ano hlâta a rônah via.

MATHAI 13:17

Hmeiseihta ta ei cha chho ei, hrohsopa hluhpi nata mosiapa hluhpi ta nama hmôpa he hmô byuh kaw ei ta, châhrasala hmô veih ei. Nama theipazy he thei byuh kaw ei ta, châhrasala thei veih ei.

MATHAI 16:28

Hmeiseihta ta ei cha chho ei, he liata a duahpazy hry liana heta, Chyhsa Sawchapawpa he a khinarâh liata â zupa ama hmô hlâlei cha, thina a padi lei awpa ama y,” tah ta.

MATHAI 17:20

Zisu ta ama hnohta, “Namâ ngiapâna a chyhpa vâta a châ. Hmeiseihta ta ei cha chho ei, âhrâ chi hmô kha tie chhâ ta ngiapâna nama hnei khiahta la, he tlâh hnohna heta, ‘He tawhta hao lâ a pasie teh,’ tah u la, â pasie thlâh ha aw. Nama châta tao thei leipa khâpa hmah y aw vei.

MATHAI 18:18

“Hmeiseihta ta ei cha chho ei, alei chô liata nama chahrypa maih vârâh liata chahrypa châ aw ta, alei chô liata nama pathlâpa maih vârâh liata pathlâpa a châ hra aw.

MATHAI 18:3

ama hnohta, “Hmeiseihta ta ei cha chho ei, nama yzie pananopa ta, hawtizy hawhta nama châ vei khiahta la, vârâh khinarâh a ngia cheita aw veih ei chi.

MATHAI 19:23

Zisu ta a pachupazy hnohta, “Hmeiseihta ta ei cha chho ei, chyhsa hneirôhpa châta la, vârâh khinarâh a ngia awpa a ru kaw tlai na.

MATHAI 19:28

Zisu ta ama hnohta, “Hmeiseihta ta ei cha chho ei, Chyhsa Sawchapawpa he khizaw thiehpa liata a rônahna beidyuchhai liata â tyu tita, nâmo, nâ zituhpa sahlaozy chi he, beidyuchhai miahrawh hleino liata a tyuh aw ei chi ta, Izarei chi hrawh hleinozy chô liata ryu nama reih aw.

MATHAI 21:21

Zisu ta a chhy ta, “Hmeiseihta ta ei cha chho ei, a lôh leina hnei leipa ta namâ ngiapâ khiahta la, theiku kô chô liata taopa he nama tao thei hrapa dei châ leipa ta, he tlâh hnohna chhao heta, ‘A pasie la, tilaipi liata a thy teh,’ nama tah khiahta cha, nama reipa hawhta a y aw.

MATHAI 21:31

Cha pano liata ahy ma a paw khopa a tao?” tah ta. Âmo ta, “A hmiatuapa,” tah ei ta. Zisu ta ama hnohta, “Hmeiseihta ta ei cha chho ei, chhiekheituhpazy nata âzuahnôzy ta Khazohpa khinarâh ama châ ngia khâh aw.

MATHAI 23:36

Hmeiseihta ta ei cha chho ei, he zydua he, he chhâ chô liata a vaw tlô aw.

MATHAI 24:2

Âmo cha a chhy ta, “He zydua he nama hmô ma? Hmeiseihta ta ei cha chho ei, he liata alô pachopazy he lô kha hmah pahlôh leipa ta pacho pathlah khaipa a châ aw,” tah ta.

MATHAI 24:47

Hmeiseihta ta ei cha chho ei, cha chakaotuhpa cha a hneipa zydua chô liata hyutuhpa ta a tao aw.

MATHAI 25:12

Myuhneituhpa ta âmo cha a chhy ta, ‘Hmeiseihta ta ei cha chho ei, cha pahno veih ei na,’ tah ta.

MATHAI 25:40

Abeipa ta âmo cha a chhy aw ta, ama hnohta, ‘Hmeiseihta ta ei cha chho ei, he ei unawhpa chyh chaipazy hry liata pakha chô liata nama taopa cha, ei chô liata a taopa nama châ,’ a tah aw ei.

MATHAI 25:45

Ano ta a chhy aw ei ta, ama hnohta, ‘Hmeiseihta ta ei cha chho ei, he chyhsa chyh chaipazy hryta pakha chô liata nama tao leipa cha, ei chô liata a tao leipa nama châ,’ a tah aw ei.

MATHAI 5:26

Hmeiseihta ta ei cha chho, na chei awpa phusâ dipa taihta na pie khai hlâlei cha, cha su tawhta pua aw va chi.

MATHAI 6:16

“Kâhvileipa ta nama y tita, phapakheipazy hawhta thachhâna hmia phaoh khuh vy. Âmo cha kâhvileipa ta ama ypa chyhsazy ta ama pahno thei nawpa ta, thachhâna hmia ama palâsa tyh. Hmeiseihta ta ei cha chho ei, ama lymâ ama hmô haw.

MATHAI 6:2

“Chavâta phahlapazy hmo na pie tita, phapakheipazy ta chyhsa reithaina ama hlao thei nawpa ta, pakhyna ozy liata nata lâlaizy liata ama taopa hawhta, na hmia lâta chiahmie tô laih khah y. Hmeiseihta ta ei cha chho ei, ama lymâ ama hmô haw.

MATHAI 8:10

Zisu ta cha bie cha a thei nahta, a noâh kaw ta, a pachupazy hnohta, “Hmeiseihta ta ei cha chho ei, he tlu ta ngiapâna thatlôpa he Izarei liata pakha hmah hmô va na.

MÂKA 10:15

Hmeiseihta ta ei cha chho ei, Khazohpa khinarâh cha, hawti a lypa hawhta a ly leipa maihta a ngia cheita aw veih ei,” tah ta.

MÂKA 10:29

Zisu ta, “Hmeiseihta ta ei cha chho ei, keima vâta nata thâtihpha vâta, o tlyma, unawhzy tlyma, sietanôzy tlyma, nô tlyma, paw tlyma, sawzy tlyma, râhzy tlyma a siesaipa cha,

MÂKA 11:23

Hmeiseihta ta ei cha chho ei, ahy rai he tlâh hnohna heta, ‘A pasie la, tilaipi liata a kei thy teh,’ tah sala, a palôh liata a lôh leina hnei leipa ta, a bie reipa cha a vaw tlô aw tahpa â ngiapâ khiahta cha, a châta taopa a châ aw.

MÂKA 12:43

Zisu ta a pachupazy aw ta, ama hnohta, “Hmeiseihta ta ei cha chho ei, sôh thyuna byh liata a pathlapa zydua hlâta, he nôhmei dyhchhiepa heta a pathla hluh chai.

MÂKA 13:30

Hmeiseihta ta ei cha chho ei, cha hmo zydua a tlô paki khai hlâlei cha, he chhâ he lei aw vei.

MÂKA 14:18

Tlâhkhai liata dôh ei ta, ama nie hai nota, Zisu ta, “Hmeiseihta ta ei cha chho ei, nama hry liata pakha, ei hnohta a nie hrapa tlai ta einâ paphasai aw,” tah ta.

MÂKA 14:25

Hmeiseihta ta ei cha chho ei, Khazohpa khinarâh liata a thiehpa ta ei dona noh a tlô hlâlei la, kre zôh patheipa tawhta doh heih khao aw va na,” tah ta.

MÂKA 14:30

Zisu ta a hnohta, “Hmeiseihta ta ei cha chho, tazâ tlai heta, awh ei no a kho hlâta, ei thôh einâ paphasai aw chi,” tah ta.

MÂKA 14:9

Hmeiseihta ta ei cha chho ei, khizaw zydua liata thâtihpha ama chhona su lia maihta, he chanô hmotaopa he ano a thei thlâh nawpa ta ama reih lymâ hra aw,” tah ta.

MÂKA 3:28

Hmeiseihta ta ei cha chho ei, chyhsa sawzy moleina zydua nata reipachhiena bie ama reipa zydua a ngiahthai theipa a châ.

MÂKA 6:11

Châ ly leipa nata nama bie a nathlie khoh leipa khihzy cha, nama puasai tita, ama thaileichâna pahnosana châta nama phei liata buchadoh chatho thlu teh u,” tah ta.

MÂKA 8:12

Zisu cha a thlahpa ta thata a hrô ta, “He chhâ heta khazia ngiana a tlua tly? Hmeiseihta ta ei cha chho ei, he chhâ hnohna heta ngiana piepa châ aw vei,” tah ta.

MÂKA 9:1

Zisu ta ama hnohta, “Hmeiseihta ta ei cha chho ei, he a duahpa sahlaozy hry liata, Khazohpa khinarâh hmotaotheina chhaota a vaw tlôpa ama hmô hlâlei cha, thina a padi lei awpa ama y,” tah ta.

MÂKA 9:41

Hmeiseihta ta ei cha chho ei, ahy rai Krista moh vâta ti nyu kha châ padopa cha, a lymâ pahlei cheita aw vei.

LUKA 11:51

Maisâh nata supathaihpa likawh ta a thipa Abela thisaih tawhta Zekaria thisaih taihta, hrohsopazy thisaih maoh zydua ama phaoh aw. Hmeiseihta ta ei cha chho ei, he chhâ heta hrohsopazy thisaih maoh cha ama phaoh tlai aw.

LUKA 12:37

Ama zibeipa â vy tita, ano hâpa ta a vaw hra thlâh hapa chakaotuhpazy cha ama nohlao na! Hmeiseihta ta ei cha chho ei, ama zibeipa cha chakaona chysia a tobipa ta, chakaotuhpazy cha tlâhkhai liata pati padôhsa aw ta, a vy aw ta, âmo cha a chakao aw ei.

LUKA 13:35

Moh tua u, nama o cha aruapa ta siesaipa a châ ha hih. Ei cha chho ei, ‘Abeipa moh ta a vypa cha reithaipa ta y mawh sy!’ nama tah hlâlei cha na hmô khao aw veih ei chi,” tah ta.

LUKA 16:17

Châhrasala ryhpa bie miakhata chhao a lei awpa hlâta, alei nata avâ leidia awpa a nao via.

LUKA 18:17

Hmeiseihta ta ei cha chho ei, Khazohpa khinarâh cha, hawti a lypa hawhta a ly leipa maihta a ngia cheita aw veih ei,” tah ta.

LUKA 18:29

Zisu ta ama hnohta, “Hmeiseihta ta ei cha chho ei, Khazohpa khinarâh vâta o tlyma, lapinô tlyma, unawhzy tlyma, nôpaw tlyma, sawzy tlyma a siesaipa cha,

LUKA 23:43

Zisu ta a hnohta, “Hmeiseihta ta ei cha chho, tanoh he ei hnohta Pârâdi liata na y aw,” tah ta.

LUKA 4:24

Chatawhcha Zisu ta, “Hmeiseihta ta ei cha chho ei, hrohsopa ahy hmahta a khih liata pasô veih ei.

ZAWHÂNA 1:51

Chatawhcha a hnohta, “Hmeiseihta ta ei cha chho ei, avâ a pahypa hmô aw ei chi ta, Chyhsa Sawchapawpa chô liata Khazohpa vâlyuhchâpazy ama za chôpa nata ama kiapa nama hmô aw,” tah ta.

ZAWHÂNA 10:1

“Hmeiseihta ta, hmeiseihta ta ei cha chho ei, ahy rai mietaku sadô ochhi liata a ngia leipa ta, su hro lâ tawhta kiah ta a ngiapa cha, cha chyhsa cha parutuhpa nata hraotuhpa a châ.

ZAWHÂNA 10:7

Chavâta Zisu ta ama hnohta reih heih ta, “Hmeiseihta ta, hmeiseihta ta ei cha chho ei, kei he mietaku ochhi cha ei châ.

ZAWHÂNA 12:24

Hmeiseihta ta, hmeiseihta ta ei cha chho ei, sâh hmô cha alei liata tla leipa sala, a thi leipa khiahta cha, ano dei ta y ta, a thi khiahta deikua cha, thei hluhpi a pathei tyh.

ZAWHÂNA 13:16

Hmeiseihta ta, hmeiseihta ta ei cha chho ei, chakaotuhpa cha a zibeipa hlâta lai via vei, lyuhchâpa chhao a tuahtuhpa hlâta lai via vei.

ZAWHÂNA 13:38

Zisu ta a chhy ta, “Keima châta na hro na hlâ aw mâ? Hmeiseihta ta, hmeiseihta ta ei cha chho, ei thôh einâ papha hlâlei chi cha awh khoh aw vei,” tah ta.

ZAWHÂNA 14:12

“Hmeiseihta ta, hmeiseihta ta ei cha chho ei, ahy rai nâ ngiapâpa cha hmo ei taopazy he ano chhao ta a tao aw. Paw lâ ei sie awpa vâta, hezy hlâta hmo rônah viapa chhao a tao aw.

ZAWHÂNA 16:20

Hmeiseihta ta, hmeiseihta ta ei cha chho ei, nâmo cha, cha aw ei chi ta, chaphôh nama tu aw, khizaw deikua cha â ly aw. Pachârôhpa ta y aw ei chi ta, châhrasala nama pachârôhna cha thaphana lâta â lie aw.

ZAWHÂNA 16:23

Cha noh liata cha, khâpa hmo hmah kei na hiah khao aw veih ei chi. Hmeiseihta ta, hmeiseihta ta ei cha chho ei, ei moh ta Paw lâ nama hiapa maih, Paw ta a cha pie aw ei.

ZAWHÂNA 21:18

Hmeiseihta ta, hmeiseihta ta ei cha chho, na hawti nota cha na chai a saih chi ta, na khona lâ maih na sie tyh. Na pitloh tita deikua cha, na kuzy pazawh aw chi ta, mohropa ta na chai cha saih aw ei ta, na kho leina lâ amâ châ daophi aw,” tah ta.

ZAWHÂNA 3:11

Hmeiseihta ta, hmeiseihta ta ei cha chho, keimo ta la eima pahnopa reih pi ta, eima hmôpa eima pahnosa tyh. Châhrasala eima bie pahnopa cha zo veih ei chi.

ZAWHÂNA 3:3

Zisu ta a chhy ta, a hnohta, “Hmeiseihta ta, hmeiseihta ta ei cha chho, ahy rai chô lâ tawhta a pihpathi leipa khiahta la, Khazohpa khinarâh a ngia thei aw vei,” tah ta.

ZAWHÂNA 3:5

Zisu ta a chhy ta, “Hmeiseihta ta, hmeiseihta ta ei cha chho, ahy rai ti nata Thlahpa ta a pih leipa khiahta la, Khazohpa khinarâh a ngia thei aw vei.

ZAWHÂNA 5:19

Zisu ta ama hnohta, “Hmeiseihta ta, hmeiseihta ta ei cha chho ei, Sawchapawpa ta ano rei sai ta khâpa hmah tao thei vei. Paw hmotaopa a hmôpa deita a tao tyh. Paw ta a taopa maih cha, Sawchapawpa chhao ta a tao tyh.

ZAWHÂNA 6:26

Zisu ta âmo cha a chhy ta, “Hmeiseihta ta, hmeiseihta ta ei cha chho ei, hmonoâhpazy nama hmôpa vâta nâ tluapa châ leipa ei chi ta, viahchhâ nie ei chi ta, nama py biepa vâta nâ tluapa tlao nama châ.

ZAWHÂNA 6:32

Zisu ta ama hnohta, “Hmeiseihta ta, hmeiseihta ta ei cha chho ei, vârâh tawhta viahchhâ kha Mawsi ta a cha piepa ei châ vei, ei Paw ta avâ tawhta viahchhâ hmeiseihpa a cha piepa ei a châ.

ZAWHÂNA 6:47

Hmeiseihta ta, hmeiseihta ta ei cha chho ei, ahy rai a ngiapâpa cha chhâzaw hrona a hnei haw.

ZAWHÂNA 6:53

Zisu ta ama hnohta, “Hmeiseihta ta, hmeiseihta ta ei cha chho ei, Chyhsa Sawchapawpa sapa niepa ta a thisaih nama doh leipa khiahta cha, nâmo liata hrona hnei veih ei chi.

ZAWHÂNA 8:34

Zisu ta ama hnohta, “Hmeiseihta ta, hmeiseihta ta ei cha chho ei, ahy rai hmo moleipa a taopa maih cha moleina sei a châ.

ZAWHÂNA 8:51

Hmeiseihta ta, hmeiseihta ta ei cha chho ei, chyhsa ta ei bie a zyh khiahta cha, thina hmia hmô beih aw vei,” tah ta.

ZAWHÂNA 8:58

Zisu ta âmo cha a chhy ta, “Hmeiseihta ta, hmeiseihta ta ei cha chho ei, Abarahâ y hlâta ei y haw,” tah ta.

1 PITY 1:25

Abeipa bie deikua cha, Chhâzaw ta a y thlâh ha aw.” Cha bie cha thâtihpha ama cha chhopa cha a châ.

BIEPHUAH 20:11

Chatawhcha beidyuchhai diehpa rônahpa nata a chô liata a tyuhpa hmô na ta. A hmiakô tawhta alei nata avâ a râ ei ta, âmo châta su rai y khao vei.