MATHAI 5:12 - Mara Bible RV (BSI)

¹² A ly u la, thaphapa ta y teh u, vârâh liata nama lymâ hluhpi a y. Cha hawhna chata, nâmo hlâta a vaw y tuapa hrohsopazy chhao ama vaw taola tyh.

MATHAI 5:12 ပူးပေါင်းရင်းမြစ်များ

ÂTHAONA 15:1

Cha khai tawhta Abeipa bie cha aluahna ta Abarâ hnohta vaw tlô ta, “Abarâ, chi khah y, Na vyhphao châ na ta, Na lymâ rônah ngaitapa ei châ,” tah ta.

1 ABEIZY 18:13

Zezebel ta Abeipa hrohsopazy a thie nota ei hmotaopa, Abeipa hrohsopazy hry liata chyhsa za kha, sypangawh sypangawh ta, lôpu liata nyu ei na ta, viahchhâ nata ti ta ei pasazie zy ei kha, ei zibeipa hnohta cha chho veih ei tlyma?

1 ABEIZY 18:4

Zezebel ta Abeipa hrohsopazy a thie no ei khata, Ôbadia he hrohsopa za kha a chhi ta, lôpu liata sypangawh sypangawh ta nyu ta, viahchhâ nata ti ta a pasatuhpa kha a châ.

1 ABEIZY 19:2

Zezebel ta Elaizâh lâ chyhsa tuah ta, a hnohta, “Kha hrohsopazy hrona na lapa hawhna kha ta, mylâ tahmâ daihti liata nâma hrona chhao ei la leipa khiahta cha, khazohzy ta ei chô liata tao ei sala, cha hlâta pasa viapa chhao ta tao mawh ei sy,” tah ta.

1 ABEIZY 21:20

Ahabâ ta Elaizâh hnohta, “Eina vaw hmô ha chi ma, nâ ei khakhaipa?” tah ta. Elaizâh ta a chhy ta, “Abeipa mohmô liata hmo pha leipa tao awpa ta nâmasasyh ta nâ zua hapa vâta, ei cha hmô ha heih hih.

1 ABEIZY 22:8

Izarei bei ta Zehôsaphâ hnohta, “Abeipa miah a saohiahpa awpa chyhsa pakha cha y ta, ano cha Imlâ sawchapawpa Mikai a châ. Châhrasala ano la ei hao kaw, keima kyh a phana lâta hrohsona bie reih beih vei, a chhiena lâ sai ta a reih tyhpa a châ,” tah ta. Zehôsaphâ ta, “Abei ta cha hawhta tah khah sy,” tah ta.

2 ABEIZY 1:9

Abei ta pheisaih sypangawh hyutuhpa cha a pheisaih sypangawh chhaota Elaizâh lâ tuah ta. Tlâh laki liata a tyuhpa Elaizâh lâ khy ta, a hnohta, “Nâ, Khazohpa chyhsa y, abei ta, ‘A zu mawh sy,’ a cha tah,” tah ta.

2 THÂTIHZYRONA 16:10

Âsâ cha hrohsopa chô liata a hiehâh ta, patâhna o liata khô ta. A biereipa vâta a chô liata a hie a hâh ngaitapa a châ. Âsâ cha chyhsa hropazy chhao pasa pataosa lymâ ta.

2 THÂTIHZYRONA 36:16

Châhrasala Khazohpa lyuhchâpazy cha pasipasawh tyh ei ta, Khazohpa biezy cha khâpasaw ta reih leipa ei ta, a hrohsopazy chhao ama pahneisao tyh. Achhâna liata Abeipa pathiiana a phopi chô liata vaw tlô ta, patlâh thei awpa châ khao vei.

NEHEMIAH 9:26

“Chatanachôta rei a ngiah leipa ei ta, châ dyuh ei ta, na ryhpa hnôhchhypa ta, nâ lâta âmo pakuasa awpa ta zikyurâtuhpa na hrohsopazy thie ei ta, Khazohpa reipachhiena rarôh y ngaitapa ama tao.

HLAZY 19:11

Chazy chata châ chakaotuhpa he zikyu nâ râ chi ta, Chazy a zyhpa cha lymâ rônahpa a dao aw.

HLAZY 58:11

Chatanachata chyhsapa ta, “Mosiapa châta lymâ y tlai ta, Khizaw ryureihtuh Khazohpa a y tlai na,” a tah awh.

BIESOZY 11:18

Moleipa cha dôveina hmâpa ta hlao tyh ta, Siana chi a tupa deikua cha lymâ dopa a hmô tyh.

ISAI 3:10

Mosiapazy cha ama châta a pha aw tahpa chho mah y, Ama hmotaopa theilâpa ama nie aw.

ZEREMIAH 2:30

“Nama sawzy tu na ta phahnai leipa ta, Phakhei hlei veih ei. Chakeibarôhneipa sa niepa hawhta, Nâmo zaozi ta nama hrohsopazy a palâ khai haw.

ZEREMIAH 26:8

Abeipa ta zawpi zydua hnohta rei awpa ta bie a piepazy cha Zeremiah ta a rei khaih nahta, theihthaipazy, hrohsopazy nata zawpi zydua ta Zeremiah cha patu ei ta, a hnohta, “Na thi awpa a châ!

ZEREMIAH 37:14

Zeremiah ta, “Haipa bie a châ, Kaldia mo lâ a râ va na,” tah ta. Châhrasala Iriza ta nathlie khoh leipa ta, Zeremiah cha patu ta, beimachâzy lâ a chhi ta.

MATHAI 16:27

Chyhsa Sawchapawpa cha a Paw rônahna ta a vâlyuhchâpazy chhaota a zu tlôh aw ta, chyhsa to ama hmotaopa hawhta a thô aw ei.

MATHAI 6:16

“Kâhvileipa ta nama y tita, phapakheipazy hawhta thachhâna hmia phaoh khuh vy. Âmo cha kâhvileipa ta ama ypa chyhsazy ta ama pahno thei nawpa ta, thachhâna hmia ama palâsa tyh. Hmeiseihta ta ei cha chho ei, ama lymâ ama hmô haw.

LUKA 13:34

Hy Zerusale, Hy Zerusale, hrohsopazy thie chi ta, nâ lâta tuapazy alô ta a vawhsaotuhpa khihpi! Awhpanô ta a tachhihzy a mathlaw ry liata a pahmaohpa hawhta, na sawzy pahmaoh a chhuah tyh na ta, châhrasala khoh va chi!

LUKA 6:23

Cha noh liata a ly u la, thaphapa ta a thluah teh u. Pachâ teh u, vârâh liata nama lymâ hluhpi a y. Âmo pathlatuhpazy chhao khata, hrohsopazy chô liata, cha hawhta ama vaw tao tyh.

LUKA 6:35

Nama khakhaipazy kyh pachâ u la, ama phana awpa tao u la, a vaw kua heih awpa hnabeiseih leipa ta dyu pacheisa teh u. Chatanachata nama lymâ hluh aw ta, Chônôchaipa sawzy nama châ aw. Ano cha alyna châh pahno leipazy nata moleipazy chhao a ngiachhie theipa a châ.

HMOTAOPAZY 16:25

Zâcho ta Pawla nata Sila cha Khazohpa lâ thlahchhâpa ta hlazy sa ei ta, atâhpazy ta nathlie ei ta.

HMOTAOPAZY 5:41

Lyuhchâpazy cha ryureina tawhta pua ei ta, cha moh vâta maophyuhna a tao tlâhpa ta raopa ama châpa cha a ly ngaita ei ta.

RAWMA 5:3

Cha dei châ vei, eima rietheina liata chhao a lypa ta eima y. Rietheina ta tiamana tao ta,

1 KAWRINI 3:8

A lohtuhpa nata ti a baotuhpa cha miakha ama châ. Ama hriapasazie hawhta lymâ ama hmô chyu aw.

2 KAWRINI 4:17

Bohpi leipa chhôh riethei chyhta eima taopa nata pakho thei rimâ lei awpa chhâzaw rônahna eima to awpa châta miah a pachhuahpanohpa a châ.

PHILIPI 1:29

Krista namâ ngiapâpa dei châ leipa ta, ano vâta pasa nama tao awpa chhao pasaipa châ tlôh ta.

PHILIPI 2:17

Dopa hlâna hawhta, namâ ngiapâna atheihna nata chakaona chô liata patlaipa ta y hraw sah la, a ly pyly na ta, nama zydua ta ei châ lykhei hra ei.

KAOLAOSÂ 1:24

Tahmâ cha nama châta pasa ei taonazy liata a ly na ta, a pôhpa, Awnanopa châta Krista pasa tao laibâhpa cha, ei sapa liata ei pazao lymâ.

KAOLAOSÂ 3:24

Nama lymâ châta Abeipa tawhta ryuto a hmô awpa nama châpa pahnopa ta, Abeipa Krista a chakaopa nama châ.

1 THYSALAWNIKA 2:15

Cha Zuzy cha Abeipa Zisu nata hrohsopazy a thietuhpa châ ei ta, keimo chhao miah papua ei ta, Khazohpa palysa leipa ei ta, chyhsa zydua chakhiatuhpa ama châ.

HEBRAI 10:34

Keihrai daipazy thapasa ei chi ta, hmo hneipa pha viapa, a y kôzaw awpa nama hneipa nama pahnopa vâta, nama hmo hneipazy ama cha hrao tita, a ly kawpa ta namâ pyh thei.

HEBRAI 11:26

Lymâ to awpa a saipa vâta, Krista vâta reipachhiena a tyhpa cha Izi râh ryuzy hlâta ryu sôh viapa ta a rao.

HEBRAI 11:33

Âmo cha ngiapâna ta khinarâhzy la ei ta, adona a duakhei ei ta, bietaizy to ei ta, chakeibarôhneipa pakahzy ama pamosa.

HEBRAI 11:6

Ngiapâna leipa ta cha Khazohpa palysa thei rimâ awpa châ vei. Khazohpa a pangaipa maihta, Khazohpa a y tahpa amâ ngiapâ awpa châ ta, ano a tluatuhpa cha Khazohpa ta lymâ a pie tyh tahpa amâ ngiapâ awpa a châ.

ZÂMIE 1:2

Unawh saih u, kao to liata pasiana namâ tyh tita alyna ta rao khai teh u.

ZÂMIE 5:10

Unawh saih u, Abeipa moh ta bie a reihpa hrohsopazy kha, pasataona nata palôh pasina kyh liata a mopâ awpa ta hmâh teh u.

1 PITY 4:13

Krista rônahna â vaw luah tita, thaphapa ta namâ ly thei nawpa ta, Krista pasataona a hlykheituhpazy nama châ.

RUTHI 2:12

Na hmotaopazy cha Abeipa ta cha thô sala, nâ boh nawpa ta a mathlaw ry liata nâ vaw ngiapa Abeipa Izarei Khazohpa ta lymâ kipa cha pie mawh sy!” tah ta.