MATHAI 4:4 - Mara Bible RV (BSI)

⁴ Zisu ta a chhy ta, “‘Chyhsapa he viahchhâ dei ta hroh aw vei, Khazohpa pakah tawhta bie to a puapa ta tlao a hroh aw,’ Tahpa ta ropa a châ,” tah ta.

MATHAI 4:4 ပူးပေါင်းရင်းမြစ်များ

PUASAINA 16:15

Cha cha Izarei sawzy ta ama hmô nahta, khâpa ma a châ tahpa ama pahno leipa vâta, “He he khâpa ma a châ tly?” tahpa ta âmo nata âmo a hiahri ei ta. Mawsi ta ama hnohta, “He he viahchhâ a châ, Abeipa ta nama nie awpa a cha piepa ei a châ hih.

PUASAINA 16:35

Izarei sawzy ta ama pahrâ nawpa râh ama tlô hlâlei cha, kô sypalih chhôh râhchawhpa liata mânâ nie ei ta, Kâna râhri ama tlô hlâlei cha mânâ ama nie lymâ.

PUASAINA 16:8

Mawsi ta, “Abeipa ta a chô liata nama paphôhnazy a theipa vâta, zâlâ ta sa nie awpa cha piepa ta, my ta viahchhâ rih biena taih a cha pie ti ei ta, ano cha Abeipa a châ tlai tahpa nama pahno aw. Keimo he khâpa ma eima châ tly? Keimo chô liata a paphôhpa châ leipa ei chi ta, Abeipa chô liata a paphôhpa tlao nama châ,” tah ta.

PUASAINA 23:15

Viahchhâ thinô pahlao leipa kyhchhi na tao awpa châ ta, bie ei cha piepa hawhta, noh sari chhôh viahchhâ thinô pahlao leipa na nie awpa a châ. Kyhchhi cha Abi thla daihti raopa liata na tao tyh aw, cha daihti liata Izi râh tawhta na kaw puapa vâta. Ahy hmah ku ruapa ta ei hmiakô liata namâ vaw luah awpa châ vei.

MATHAI 15:11

Pakah liata a ngiapa ta chyhsa papuapalei leipa ta, pakah tawhta a puapa ta chyhsa a papuapalei tyh,” tah ta.

MATHAI 4:10

Zisu ta a hnohta, “Sâtâ, a râ teh! ‘Abeipa na Khazohpa a chhy aw chi ta, Ano deita na chakao awpa a châ,’ Tahpa ta ropa châ tlôh ta,” tah ta.

MATHAI 4:7

Zisu ta a hnohta, “‘Abeipa na Khazohpa na pasia awpa châ vei,’ tahpa ropa a châ hra,” tah ta.

MÂKA 7:20

Chatawhcha Zisu ta, “Chyhsa chhôh tawhta a kaw puapa ta chyhsapa a papuapalei tyh.

LUKA 4:12

Zisu ta a chhy ta,“‘Abeipa na Khazohpa na pasia awpa châ vei,’ tahpa a châ,” tah ta.

LUKA 4:4

Zisu ta a chhy ta, “‘Chyhsapa he viahchhâ dei ta hroh aw vei,’ tahpa ropa a châ,” tah ta.

LUKA 4:8

Zisu ta a chhy ta, “‘Abeipa na Khazohpa a chhy aw chi ta, Ano deita na chakao aw,’ Tahpa ropa a châ,” tah ta.

ZAWHÂNA 15:26

“Châhrasala Paw tawhta ei cha vaw tuapa awpa ei Thlapalôhtuhpa, biehmeiseihpa Thlahpa, Paw tawhta a puapa cha a vaw tlô tita, nâ pahnokheituhpa a châ aw.

ZAWHÂNA 6:63

Hrona pietuhpa cha Thlahpa a châ, sapa cha phahnaina hnei vei. Nama hnohta bie ei reipazy he Thlahpa châ ta, hrona chhao a châ.

RAWMA 15:4

Hlâno ta bie ropa zydua kha eimâ chu hra awpa ta ropa a châ. Chatanachata Biehrai bie hawhta tiamana nata thatlôna hneipa ta hnabeiseihna eima hnei thei aw.

EPHESI 6:17

Chatawhcha pachhana lakhu a khu u la, Thlahpa zaozi a chaba teh u. Thlahpa zaozi cha Khazohpa bie a châ.

RYHPACHANEINA 8:3

Chyhsapa he viahchhâ dei ta hroh leipa ta, Abeipa pakah tawhta a puapa bie to ta tlao a hroh tahpa nama pahno thei nawpa ta, cha panawh ei ta, nodipa ta a cha paysa ei. Chatanachata nama pahno beih leipa, châ pathlatuhpazy chhao ta ama pahno beih leipa mânâ ta a cha pasa ei.