MATHAI 4:24 - Mara Bible RV (BSI)

²⁴ Suria râh zydua liata a moh pathâh ta, chyhsa tlâhleipa zydua, pasana a hneipa nata hri ohpazy, ahripa patupazy, riapamiepazy nata asypazy a hnohta a vaw chhi ei ta, patlâh lymâ ta.

MATHAI 4:24 ပူးပေါင်းရင်းမြစ်များ

2 SAMUELA 8:6

Dâvi ta Dâmaskâ liata Aramia mo hry liata pheisaih suzy soh ta, chatanachata Aramia mo cha Dâvi chakaotuhpa ta y ei ta, ano lâ râhpaw ama pie lymâ. Abeipa ta Dâvi cha a siena maih liata pahniena pie lymâ ta.

1 ABEIZY 10:1

Abeipa moh châta a hmotaopazy kyh liata Sawlawmaw moh pathâhnazie zy Sebâ beinô ta a thei nahta, bie khiakhi ngaitapazy ta pasia a chhuahpa ta ano lâ khy ta.

1 ABEIZY 4:31

Chyhsa zydua hlâta so via ta, Ezrâ pathla Ethâ hlâta so via ta, Mâhô sawchapawpa Hemâ, Kâkaw nata Dâdâ zy hlâ chhao ta so via ta, a chheipâh râh zydua hry liata a mo thata a pathâh.

1 THÂTIHZYRONA 14:17

Chatanachata Dâvi moh cha râh to liata pathâh ta, Dâvi china cha Abeipa ta phopi zydua chô liata payasa ta.

1 THÂTIHZYRONA 29:2

Chavâta ei tao theipa rakha liata cha, ei Khazohpa o châta ei pachhuahpanoh chhielie khai haw. Ngôh hmozy châta ngôh, tâkâ hmozy châta tâkâ, dawh hmozy châta dawh, thua hmozy châta thua, tho hmozy châta tho zy ei pachhuahpanoh khai haw. Chazy hleikhô ta, a pangia nawpa ta lôsôhpa cheihchapaipazy, thua rôh ngiapazy, alô rôh chi nanopazy, lôsôhpa to nata awlôteihpa zy chhao a hluhpi ei pachhuapanoh haw.

PUASAINA 15:26

ama hnohta, “Abeipa Khazohpa ao pakhâta ta nathliepa ta, a mohmô liata hmo dopa taopa ta, a biepiepazy nathliepa ta, a bieraopazy na zyh khiahta cha, Izi mo chô liata hri ei patlôsapazy kha, na chô liata kheihawhpa hmah patlôsa aw va na, Kei he Zehôvâh Râfâ ei châ,” tah ta.

MATHAI 12:22

Chatawhcha ahripa ta a patupa, mochaopa nata reih pathlie thei leipa pakha a hnohta a vaw chhi ei ta. Zisu ta ano cha patlâh ta, reih pathlie thei leipa cha reih pathlie theipa ta, a mo pavâ ha ta.

MATHAI 14:1

Cha daihti liata, Kâlili râh ryureituhpa Herawda ta Zisu thâtih cha thei ta.

MATHAI 15:22

Cha râh liata a ypa Kâna chanô pakha a vy ta, “Hy Abeipa, Dâvi Sawchapawpa, na ngiachhie teh. Ahripa ta ei sawchanô patu ta thata a pasa,” tahpa ta awh ta.

MATHAI 17:15

a hnohta, “Abeipa, ei sawchapawpa ngiachhie mah y. Riapamiepa châ ta, thata pasa taopa ta, ei hluhpi mei liata pao ta, ei hluhpi ti liata a pao.

MATHAI 17:18

Zisu ta ahripa cha ra ta, hawtipa chhôh tawhta pua ta, hawtipa cha thlai vaw tlâh ha ta.

MATHAI 4:23

Kâlili râh zydua chahryh ta, amâ pakhyna ozy liata pachupa ta, khinarâh thâtihpha chho lymâ ta, zawpi hry liata hri to nata pasana to a hneipazy patlâh ta.

MATHAI 8:28

Haosâ Kâdarene râh a tlô nahta, ahripa patupa pano thlâ tawhta vaw pua ei ta, Zisu cha a vaw tyh ei ta. A hrâh ngâsâ ei ta, chavâta cha lâpi liana cha ahy hmahta ama sie ngâh tyh leipa a châ.

MATHAI 8:33

Vao pasatuhpazy cha a râ ei ta, khihpi a ngia ei ta, ato chho ei ta. Ahripa patupazy chô liata hmo a tlôpazy chhao chho ei ta.

MATHAI 8:6

“Abeipa, nâ chakaotuhpa asypa cha o liata a zia thlâh ha ta, a pasa ngaita,” tah ta, patlâh awpa ta a haw ta.

MATHAI 9:26

Cha thâtih cha, a chheipâh râh zydua liata pathâh ta.

MATHAI 9:35

Zisu cha khihpi nata khitaw zydua chahryh ta, amâ pakhyna ozy liata pachupa ta khinarâh thâtihpha phuah lymâ ta. Hriiah to nata pasana to patlâh ta.

MÂKA 1:28

Chatanachata Kâlili râh chhôh zydua liata a thâtih thlai pathâh ha ta.

MÂKA 1:32

Cha noh zâlâ noh a tla tawhta, tlâhleipa nata ahripa ta a patupa zydua ano lâ a vaw chhi ei ta.

MÂKA 2:3

Chyhsa papalih ta pheisypa pakha ano lâ a vaw sy ei ta.

MÂKA 2:4

Zawpi ama hluh tupa vâta Zisu cha a hnia thei leipa ei ta, ano dady liata vâphuh phie ei ta, ama phie khai nahta, asypa cha a hmohphaw chhaota za pathliah ei ta.

MÂKA 2:9

Pheisypa hnohna heta, ‘Na moleinazy a ngiahthaipa a châ haw,’ tahpa nata ‘Thyu la, na hmohphaw la la, phei ta sie teh,’ tahpa he a kheihawhpa ma a rei a nao via?

LUKA 2:2

Cha maluhpi reina cha Kurinia Suria râhvaotuhpa a châ nota tao tuapa a châ.

LUKA 4:14

Zisu cha Thlahpa hmotaotheina ta Kâlili râh lâ a lie ta, cha râh chheipâh zydua liata a thâtih pathâh ta.

LUKA 4:38

Zisu cha thyu ta, pakhyna o tawhta pua ta, Saimaw o liata a ngia ta. Saimaw lapinô nô cha hrisypa ta thata sy ta, patlâh awpa ta Zisu cha a hawpa ei ta.

LUKA 5:15

Châhrasala a thâtih cha pathâh via rili ta, zawpi hluhpi ta a bie thei khohpa vâta nata ama pasanazy patlâh awpa khopa vâta a vypakhy ei ta.

LUKA 5:24

He hmo he, chyhsa Sawchapawpa he moleinazy a ngiahthai theina biehneina khizaw liata a hnei tahpa nama pahno nawpa ta taopa a châ,” tah ta. Asypa hnohta, “Ei cha chho, thyu la, na hmohphaw la la, na o lâ a di teh,” tah ta.

LUKA 7:17

A thâtih cha Zudia râh nata a chheipâh râh zydua liata pathâh ta.

ZAWHÂNA 10:21

Ahropazy ta, “He biezy he ahripa a hneipa bie reipa châ vei. Ahripa ta mochaopa mo a pavâsa thei ma?” tah ei ta.

HMOTAOPAZY 10:38

Khazohpa ta Nâzari Zisu kha Thlahpa Pathaihpa nata hmotaotheina ta sathawthu ta, Khazohpa a hnohta a ypa vâta, hmopha taopa ta râh chahryh ta, ahripa taolapa zydua a patlâh lymâ.

HMOTAOPAZY 15:23

Hetana heta châ roh ei ta, ama tuapazy ku liata ama paphao. “Nama unawhpa lyuhchâpazy nata machâzy ta, Antiôkâ khih nata Suria râh nata Silisia râhzy liata a ypa eima unawhpa Zenitai ngiapâtuhpazy eima châ naoh.

HMOTAOPAZY 15:41

Suria nata Silisia râhzy chahryh ta, Awnanopazy thapatlô lymâ ta.

HMOTAOPAZY 28:9

Cha hawhta hmo a ypa cha ama pahno nahta, liahpahlô chyhsa hropa pasana a hneipazy a vy ei ta, patlâhpa ta y ei ta.

HMOTAOPAZY 8:7

Thlahpa puapazy cha ao paro ngaitapa ta awhna chôta ama patupa chyhsa hluhpi chhôh tawhta vaw pua ei ta, asypa nata pheisypazy chhao patlâhpa châ ei ta.

ZAWSUA 6:27

Abeipa cha Zawsua hnohta y ta, râh zydua liata a moh pathâh ha ta.