MATHAI 4:23 - Mara Bible RV (BSI)

²³ Kâlili râh zydua chahryh ta, amâ pakhyna ozy liata pachupa ta, khinarâh thâtihpha chho lymâ ta, zawpi hry liata hri to nata pasana to a hneipazy patlâh ta.

MATHAI 4:23 ပူးပေါင်းရင်းမြစ်များ

HLAZY 103:3

Ano cha na paraona zydua a ngiathaituhpa châ ta, Na pasana zydua patlâhtuhpa a châ.

HLAZY 74:8

Ama palôh ta, “Parao khai ha ei suh u,” tah ei ta, Râh liata Khazohpa achhyna o zydua ama rao khai haw.

MATHAI 11:5

Mochaopazy ama mo pavâ ta, pheisypazy phei ta sie ei ta, phawhpazy pathaisapa ta y ei ta, nahpâpazy ta thei ei ta, athipazy pathyupa ta y ei ta, dyhchhiepazy hnohta thâtihpha chhopa a châ haw.

MATHAI 12:9

Zisu cha, cha su tawhta sie ta, amâ pakhyna o liata a ngia ta.

MATHAI 13:19

Ahy rai khinarâh bie thei ha tlôh ta, a pahno thai vei khiahta cha, moleipa a vy ta, a palôh liata chi hiepa cha a lapa ha tyh. Cha cha lâpi liata chi hiepa cha a châ.

MATHAI 13:54

A khih kei tlô ta, amâ pakhyna o liata âmo cha pachu ta, ama noâh ngaita ta, “He chyhsa heta khataih tawhta ma he sona nata hmotaotheinazy he a hnei tly?

MATHAI 14:14

Ngiahkâ lâ a pua nahta, zawpi hluhpi hmô ta, âmo cha a thapasa ngaita ta, ama hry liata tlâhleipazy patlâh ta.

MATHAI 24:14

He khinarâh thâtihpha he phopi to pahno awpa ta khizaw zydua liata chhopa châ aw ta, cha khai tawhta chhâna cha a vaw tlô aw.

MATHAI 3:2

“Ro teh u, vârâh khinarâh cha â hnia haw,” tahpa ta bie chho ta.

MATHAI 9:35

Zisu cha khihpi nata khitaw zydua chahryh ta, amâ pakhyna ozy liata pachupa ta khinarâh thâtihpha phuah lymâ ta. Hriiah to nata pasana to patlâh ta.

MÂKA 1:14

Zawhâna ama patu tawhta, Zisu cha Kâlili lâ a vy ta. Khazohpa Thâtihpha chho ta,

MÂKA 1:21

Chatawhcha Kâpynia khih lâ sie ei ta, Pahânoh ta pakhyna o liata thlai a ngia ta, zawpi pachu ta.

MÂKA 1:39

Kâlili râh zydua chahryh ta, amâ pakhyna ozy liata bie chho ta, ahripazy papua ta.

MÂKA 3:10

Chyhsa hluhpi a patlâhpa vâta, hri ohpazy ta ano ama hria thei nawpa ta thata ama bypa a châ.

MÂKA 6:2

Pahânoh ta pakhyna o liata pachu pathao ta. A bie a theituhpa hluhpizy cha ama noâh ngaita ta, “He chyhsa heta, he biezy he khataih tawhta ma a pahno tly? He chyhsa hnohta sona piepa he kheihawhpa sona ma a châ tly? Kha hawhpa hmonoâhpazy kha, kheihta ma a ku ta a tao thei tly?

MÂKA 6:6

Ama zo leina kyh liata noâh a tah ngaita. Chatawhcha khihzy chahryhpa ta, pachu lymâ ta.

LUKA 10:9

Cha liata tlâhleipazy patlâh u la, ama hnohta, ‘Khazohpa khinarâh ta a châ hnia ei,’ tah muh vy.

LUKA 13:10

Zisu cha Pahânoh ta pakhyna o miakha liata pachu ta.

LUKA 16:16

“Ryhpa nata hrohsopazy bie cha Zawhâna daihti taihta y ta. Cha rakha tawhta cha Khazohpa khinarâh thâtihpha chhopa châ ta, chyhsa to ta a ngia a chhuahpa ta ama chatôh lymâ.

LUKA 20:1

Noh kha cha Zisu ta Achhyna o liata zawpi pachu ta, thâtihpha a rei hai nota, theihthai beizy nata ryhpa pachutuhpazy cha machâzy chhaota a vy ei ta,

LUKA 4:14

Zisu cha Thlahpa hmotaotheina ta Kâlili râh lâ a lie ta, cha râh chheipâh zydua liata a thâtih pathâh ta.

LUKA 5:17

Noh kha cha a pachu hai nota, cha liata Phârisaihzy nata ryhpa pachutuhpazy a tyuh hra ei ta. Âmo cha Kâlili nata Zudia khih to tawhta nata Zerusale tawhta a vypazy ama châ. Patlâh theina Abeipa hmotaotheina cha Zisu liata y ta.

LUKA 6:17

Ama hnohta zu ta, a bypa liata a duah ta. A pachupazy ano lâ a vy ei ta. Zudia râh zydua tawhta nata Zerusale khih tawhta nata tilaipi kiah Tyre nata Sidaw khihzy tawhta chyhsa hluhpi ano lâ a vy ei ta.

LUKA 6:6

Pahânoh hropa liata, Zisu cha pakhyna o liata a ngiapa ta pachu ta. Cha liata chyhsa pakha a ku chachâh lâ asypa y ta.

LUKA 7:21

Cha daihti liata, Zisu ta hri ohpa hluhpi nata potlana vâta pasapa nata thlahpa chhiepa ta a patupa hluhpi patlâhpa ta, mochaopa hluhpi mopavâna pie ta.

LUKA 7:22

Âmo cha a chhy ta, “Vawh u la, nama hmôpa nata theipazy he Zawhâna kei chho u la, mochaopazy ama mo pavâ ta, pheisypazy phei ta sie ei ta, phawhpazy pathaih ei ta, nahpâpazy nah pavâpa ta, athihpazy pathyupa ta y ei ta, dyhchhiepazy hnohta Thâtihpha chhopa a châ, tahpa ta kei chho teh u.

LUKA 8:1

Sathawthupa a châ khai tawhta, Zisu cha biechhopa nata Khazohpa khinarâh thâtihpha phuahpa ta, khihpi nata khitawzy chahryh lymâ ta. Pahrawh hleinozy a hnohta y ei ta,

LUKA 9:11

Châhrasala zawpizy ta ama pahno nahta, Zisu cha pazi ha hra ei ta. Zisu ta âmo cha a vaw ly ta, Khazohpa khinarâh thâtih chho ta, patlâh â ngiahpazy patlâh lymâ ta.

LUKA 9:60

Zisu ta a hnohta, “Athihpazy ta ama chyhsa athipazy cha pabu mawh ei sy. Nâ deikua cha sie la, Khazohpa khinarâh bie pathâhsa mah y,” tah ta.

ZAWHÂNA 18:20

Zisu ta a chhy ta, “Vâtlâh pahnopa ta khizawpi hnohta bie reih tyh na ta, Zu chyhsa zydua a hmaohpakhyna pakhyna ozy nata Achhyna o liata khâ ei pachu tyh kha zaw. Arulâta khâpa hmah reih va na.

ZAWHÂNA 6:59

Cha biezy cha, Zisu ta Kâpynia liata a pachu nota, pakhyna o liata a reipa biezy a châ.

ZAWHÂNA 7:1

Cha khai tawhta Zisu cha Kâlili râh chahryh ta. Zuzy ta thie amâ chhuahpa vâta, Zudia râh deikua chahryh a chhuah vei.

HMOTAOPAZY 10:38

Khazohpa ta Nâzari Zisu kha Thlahpa Pathaihpa nata hmotaotheina ta sathawthu ta, Khazohpa a hnohta a ypa vâta, hmopha taopa ta râh chahryh ta, ahripa taolapa zydua a patlâh lymâ.

HMOTAOPAZY 18:4

Pahânoh maihta pakhyna o liata bie reih tyh ta, Zuzy nata Krikâhzy pahnie â chhuah tyh.

HMOTAOPAZY 20:25

“Khinarâh bie chhopa ta ei sielâh tyhpa nâmozy hry liana heta, ahy hmahta ei hmia hmô khao aw veih ei chi tahpa ei pahno.

HMOTAOPAZY 28:31

Riahpha ngaitapa nata pakhâna y leipa ta, Khazohpa khinarâh kyh reih ta, Abeipa Zisu Krista thâtih a pachu lymâ.

RAWMA 10:15

Tuapa ama châ vei khiahta cha, kheihta bie ama chho thei aw? “Thatihpha a vaw tlôkheituhpazy phei cha â ngia kaw dia!” tahpa ta ropa a châ.