Chavâta tahmâ nama hroziezy nata nama hmotaoziezy a taopathi u la, Abeipa nama Khazohpa bie zyh teh u. Chatanachata nama chô liata chhiena a vaw tlô awpa a phuah hapa kha, Abeipa ta a pathleih aw.
Chatanachata Zudâh pathlazy ta ama chô liata chhiena patlôsa ei chhuahpa zydua pahno aw ei ta, chyhsa to ama hrozie chhiepa tawhta amâ palie thei ngyu aw lah. Chatanachata ama paraona nata ama moleinazy cha ei ngiahthai aw ei,” tah ta.
Zawhâna kha siana lâpi a chhihpa ta nâmo lâ a vy ta, châhrasala zo veih ei chi. Chhiekheituhpazy nata âzuahnôzy deikua ta la ama zo. Nâmo la siana lâpi nama hmôpa chhao ta, ro khoh leipa ei chi ta, zo khoh veih ei chi.
Rona moh phaoh tlâhpa ta pathei teh u. ‘Abarahâ pathla eima châ,’ a tah khuh vy. Khazohpa ta he alôzy tawhna heta Abarahâ pathlazy a padua thei tahpa ei cha chho ei.
A hmiatua ta Dâmaskâ mo hnohta phuah na ta, cha khai tawhta Zerusale mo nata Zudia râh to liata chyhsazy hnohta nata Zenitaizy hnoh chhao ta ei phuah lymâ. Ro moh phaoh tlâh châpa ta hmo taopa ta ro ei sala, Khazohpa lâ a heih awpa ta ei chho lymâ ei.
