MATHAI 3:16 - Mara Bible RV (BSI)

¹⁶ Zisu cha bâti a châ khaipa nahta, ti tawhta thlai kaw pua ta, avâ a vaw pahy ta, Khazohpa Thlahpa cha vachhuh hawhta za chô ta, a chô liata â chohpa hmô ta.

MATHAI 3:16 ပူးပေါင်းရင်းမြစ်များ

ISAI 11:2

Abeipa Thlahpa cha a chô liata a choh aw ta, Cha Thlahpa cha sona nata novâhna Thlahpa châ ta, Ryhraona nata thatlôna Thlahpa chhao châ ta, Abeipa pahnona nata china Thlahpa a châ.

ISAI 42:1

Nâ chakaotuhpa nata ei duakheipa he moh u la, Ei tlyhpa nata ei hro ta â ly ngaitapa he moh teh u. A chô liata ei Thlahpa soh na ta, Râhzy liata adona a tlôkhei aw.

ISAI 59:21

“Keima lâ tawhta la, he he ama hnohta ei biehrai cha a châ,” Abeipa ta a tah: “Na chô liata ei Thlahpa a ypa nata na pakah liata ei bie ei sopazy cha, tahmâ tawhta chhâzaw taihta na pakah cha puasai khao leipa aw ta, na pathlazy pakah chhao puasai leipa aw ta, na pathla pachhuahpazy pakah chhao puasai aw vei,” Abeipa ta a tah.

ISAI 61:1

Dyhchhiepazy hnohta thâtihpha chho awpa ta, Abeipa ta sathaw eina thupa vâta, Abeipa Zehôvâh Thlahpa cha ei chô liata a y. Palôh keichheihpazy patlâh awpa ta na tuah ta, Seizy hnohta puana bie phuah awpa ta eina tuah. Mochaopazy mopavâna bie phuah awpa ta na tuah ta, Atâhpazy puana bie phuah awpa ta eina tuah.

EZEKIA 1:1

Kô sythôhna, thla palihna, noh pangawhna noh liata, seichâna lâ a siepazy hry liata Khebâ chavah kiah liata ei y thlâh ha nota, avâ a vaw pahy ta, Khazohpa aluahnazy hmô na ta.

MÂKA 1:10

Ti tawhta a kaw puapa nahta, avâ a pahypa hmô ta, Thlahpa cha vachhuh hawhta a chô liata a zâ choh ta.

ZAWHÂNA 1:51

Chatawhcha a hnohta, “Hmeiseihta ta ei cha chho ei, avâ a pahypa hmô aw ei chi ta, Chyhsa Sawchapawpa chô liata Khazohpa vâlyuhchâpazy ama za chôpa nata ama kiapa nama hmô aw,” tah ta.

ZAWHÂNA 3:34

Khazohpa tuapa ta Khazohpa bie reih tyh ta, ano cha bitaipa y leipa ta Thlahpa a pietuhpa a châ.

HMOTAOPAZY 1:22

Zawhâna ta bâti a pachâsana daihti tawhta Abeipa Zisu vârâh lâ a chhipa ta a y noh taihta eima hry liata a y lymâpa, chazy hry liata chyhsa pakha cha, a thyuheihna miah pahnokheituhpa châta a y awpa a châ,” tah ta.

HMOTAOPAZY 7:56

“Moh teh u, vârâh a pahypa hmô na ta, Chyhsa Sawchapawpa cha Khazohpa chachâh lâta â duapa ei hmô” tah ta.

1 ZAWHÂNA 5:6

Zisu Krista cha ti nata thisaih ta a vypa châ ta, ti dei ta châ leipa ta, ti nata thisaih ta â vy. Thlahpa cha biehmeiseihpa a châpa vâta, Thlahpa ta ano cha a pahnokhei.