MATHAI 27:6 - Mara Bible RV (BSI)

⁶ Theihthai beizy ta tâkâ cha la ei ta, “He tâkâ he thisaih ty a châpa vâta, Achhyna o tâkâ byh liata so awpa ta Ryhpa ta pasaih vei,” tah ei ta.

MATHAI 27:6 ပူးပေါင်းရင်းမြစ်များ

ISAI 61:8

Kei, Abeipa he adona pasô na ta, Hraona nata adoleina ei hao. Ama chô liata ei ngâchhihna palâsapa ta, Ama pasataona lymâ pie aw ei na ta, Ama hnohta chhâzaw biehrai ei tao aw.

MATHAI 23:24

Nâmo, chhituhpa mochaopazy saih u, thlohmiazy a thli ei chi ta, râraoseihpa a palâ tyhpa tlao nama châ he!

MATHAI 27:5

Zudâh ta tâkâ cha Achhyna o chhôh liata thy ta, pua ta, sie ta a paaosao ha ta.

MATHAI 27:7

Ryhraona tao ei ta, cha tâkâ chata khichhaizy thlâ su châta beihvituhpa lyu chalei ei ta.

MÂKA 7:11

Nâmo deikua ta, ‘Chyhsa ta a nô tlyma, a paw tlyma hnohta, “Keima tawhta na hmô awpa zydua cha, Khazohpa lâ ei hlâ khai haw,” a tah khiahta cha,

ZAWHÂNA 18:28

Zisu cha Kaiphâ o tawhta râhvaotuhpa o lâ a chhi heih ei ta. Mydi kari châ ta. Zuzy deikua cha râhvaotuhpa o liata a ngia leipa ei ta. Amâ ngia khiahta cha, pathaih leipa châ aw ei ta, Zawpakhô pati ama nie thei lei awpa vâta amâ ngia leipa a châ.

RYHPACHANEINA 23:18

Bie namâ taihpa châta pie awpa ta, chanô azuana ty nata chapaw azuana ty tawhta hmôpa sôhzy Abeipa nama Khazohpa o lâ nama cheih awpa châ vei. A miano heta Abeipa nama Khazohpa châta pasichhihpa a châ.