MATHAI 27:54 - Mara Bible RV (BSI)

⁵⁴ Pheisaih za kha hyutuhpa nata a hnohta Zisu vaituhpazy ta, alo a sihpa nata hmo a ypazy cha ama hmô nahta, chi ngaita ei ta, “Hmeiseihta ta, he he Khazohpa Sawchapawpa a châ tlai na!” tah ei ta.

MATHAI 27:54 ပူးပေါင်းရင်းမြစ်များ

MATHAI 26:63

Châhrasala Zisu cha a chalih thlâh ha ta. Theihthai beichaipa ta, “Khazohpa hrohpa moh reipa ta bie a taih awpa ta bie ei cha pie. Khazohpa Sawchapawpa Mesia cha na châ ma, miah chho teh,” tah ta.

MATHAI 27:36

Cha liata a tyuh ei ta, ano cha vaih ei ta.

MATHAI 27:40

“Nâ, Achhyna o phie ta, noh thôh chhôh ta a paduapathi awpa chi, nâma sasyh ta a pachha châh chi! Khazohpa Sawchapawpa na châ khiahta cha, kraws tawhta za chô châh chi!” tah ei ta.

MATHAI 27:43

Khazohpa ngâ ta, ‘Khazohpa Sawchapawpa ei châ’ a tah mâh tâh. Khazohpa ta a chô liata â ly tlai khiahta cha, tahmâ pachha bao sa,” tah ei ta.

MATHAI 27:51

Achhyna o pohraipa cha, a chô lâ tawhta a ry lâ taihta â khophie ta a hrie ta, alo a sih ta, lôpanôzy a patlaw ta.

MATHAI 4:3

Reipasaotuhpa a vy ta, a hnohta, “Khazohpa Sawchapawpa na châ khiahta cha, alôzy he viahchhâ lâta a vaw lie awpa ta biepie teh,” tah ta.

MATHAI 8:5

Zisu cha Kâpynia khih â ngia nahta, pheisaih za kha hyutuhpa a vy ta, a hnohta,

MÂKA 15:39

A hmiakô liata a duahpa pheisaih za kha hyutuhpa ta, cha hawhta a hu chhâpa cha a hmô nahta, “He chyhsa he Khazohpa Sawchapawpa a châ hmeiseih tlai na,” tah ta.

LUKA 22:70

Ama zydua ta, “Cha khiah, Khazohpa Sawchapawpa ma na châ?” tah ei ta. Zisu ta ama hnohta, “Nâmo ta Khazohpa Sawchapawpa ei châpa nama reih cha zaw,” tah ta.

ZAWHÂNA 19:7

Zuzy ta a chhy ei ta, “Ryhpa miakha hnei pi ta, Khazohpa Sawchapawpa ta â taopa vâta, cha ryhpa hawhta a thi awpa a châ,” tah ei ta.

HMOTAOPAZY 10:1

Kaisaria liata Kawnilia ama tahpa chyhsa pakha y ta. Ano cha Rawma pheisaih Itali py ama tahpa liata pheisaih za kha hyutuhpa a châ.

HMOTAOPAZY 2:37

Cha biezy cha ama thei nahta, ama palôh chhô ha ta, Pity nata lyuhchâ hropazy hnohta, “Unawh saih u, khâpa eima tao aw,” tah ei ta.

HMOTAOPAZY 21:32

Pheisaihzy nata pheisaih zakha hyutuhpazy a chhipa ta zawpi lâ thlai a râ ta. Zawpizy ta pheisaih hyutuhpa nata pheisaihzy ama hmô nahta, Pawla ama chheipa cha a chalih ei ta.

HMOTAOPAZY 23:17

Pawla ta pheisaih za kha hyutuhpa aw ta, a hnohta, “He satlia he pheisaih hyutuhpa lâ a chhi teh, a hnohta bie rei awpa a hnei,” tah ta.

HMOTAOPAZY 23:23

Pheisaih hyutuhpa ta pheisaih za kha hyutuhpa pano aw ta, ama hnohta, “Tazâ dawh chakipa liata Kaisaria lâ sie awpa ta, pheisaih za no, arâ pheisaih sysari nata asei a chabapa za no a chhuanoh teh u.

HMOTAOPAZY 27:1

Itali râh lâ balyh ta eima sie awpa ama pathlu nahta, Pawla nata atâhpa chyhsa thokhazy cha Awkastu py liata pheisaih za kha hyutuhpa Zulia ama tahpa ku liata hlâ ei ta.

HMOTAOPAZY 27:43

Châhrasala pheisaih za kha hyutuhpa ta Pawla a pachha khohpa vâta, ama hmo a chhuahpa cha pakhâ ha ta. Ti zaw athaipa maih balyh tawhta a zawpa ta raphyu lâ pua tua awpa ta biepie ta.

RAWMA 1:4

A Thlahpa pathaihna kyh liata deikua cha, athihpa hry tawhta a thyuheihna ta, eima Beipa Zisu Krista cha hmotaotheina a hneipa Khazohpa Sawchapawpa a châzie a palâsa.

BIEPHUAH 11:13

Cha daihti lia tlai chata alo thata a vaw sih ta, khihpi su hrawh su kha cha cho ha ta. Alo sihpa liana chata chyhsa sâh sari thi ei ta, a laibâhpazy cha chi ngaita ei ta, vârâh Khazohpa cha palyupalih ei ta.