MATHAI 27:52 - Mara Bible RV (BSI)

⁵² Thlâzy a pahy ta, mopathaihpa a mô hapa pôhpa hluhpi pathyupa ta y ei ta.

MATHAI 27:52 ပူးပေါင်းရင်းမြစ်များ

2 ABEIZY 13:21

Chyhsa pakha ama pabu hai nota, hraotuhpa py kha kei hmô ei ta, chyhsapa ri cha Elaisâh thlâ liata za thy ei ta, a ri ta Elaisâh ruzy a za hriapa nahta, vaw hroh heih ta, a phei ta a kaw duah ta.

ISAI 25:8

Thina cha tlyzaw ta pahlei aw ta, Abeipa Zehôvâh ta Chyhsa zydua hmia tawhta mothlihzy hru khai aw ta; A phopi nohzaona chhao, Khizaw zydua liata a pachhâsa aw; Cha bie a reihpa cha Abeipa a châ.

ISAI 26:19

Nâma liata a thipazy cha hroh aw ei ta, Ama pôhpa a thyu heih aw. Dohlei liata a ziapazy a hra aw ei ta, Thaphapa ta hla ama sa aw. Na diati cha my diati châ ta, Athipazy alei tawhta ama vaw hroh heih aw.

DÂNIAH 12:2

Chatawhcha alei dohlei liata â môpa chyhsa hluhpi a vaw hra aw ei ta, thokha tlyzaw hrona lâ sie aw ei ta, thokha nozana nata tlyzaw thaileichâna lâ ama sie aw.

HÔSIA 13:14

Athikhih ku tawhta pachha aw ei na ta, Thina tawhta ei chatlai aw ei. Hy thina, na potlana hri cha khataih liata a y? Hy Athihkhih, na châmaih cha khataih liata ma a y? Ngiachhiena cha, Ei mokhaoh tawhta nyupa a châ.

ZAWHÂNA 11:11

Cha biezy cha a rei khai nahta, ama hnohta, “Eima viasa Lâzarâh a mô ha ta, â môpa pahra awpa ta ei sie aw,” tah ta.

HMOTAOPAZY 7:60

A pakhu paneih ta, ao paro ngaitapa ta, “Abeipa y, he ama moleina maoh he âmo paphaosa khah y,” tah ta. Cha bie cha a rei khai nahta, a mô ha ta.

1 KAWRINI 11:30

Chavâta nama hry liata chyhsa hluhpi chiehleipa nata tlâhleipa ta y ei chi ta, thokha chhochhi cha ama thi haw.

1 KAWRINI 15:20

Châhrasala Krista cha athihpazy hry tawhta pathyupa ta a y hmeiseihpa a châ, a môpazy thyuheihna hmia a sahtuhpa a vaw châ haw.

1 KAWRINI 15:51

Nathlie teh u, bienyupa ei cha chho ei. Eima zydua ta a mô khai leipa aw pi ta, châhrasala pananopa ta eima y khai aw.

1 THYSALAWNIKA 4:14

Zisu thi ta a thyu heihpa eimâ ngiapâpa vâta, Zisu liata a môpazy cha Khazohpa ta ano hnohta â vaw chhi aw ei tahpa eimâ ngiapâ.

1 THYSALAWNIKA 5:10

Eimâ hrapa chhao ta, eimâ môpa chhao ta, a hnohta eima hro thei nawpa ta, Krista cha keimo châta a thipa a châ.