MATHAI 27:50 - Mara Bible RV (BSI)

⁵⁰ Zisu cha ao paro ngaitapa ta awh heih ta, a thlahpa pathlie ha ta.

MATHAI 27:50 ပူးပေါင်းရင်းမြစ်များ

DÂNIAH 9:26

Hâta ei sycharu nata ei no khai tawhta Mesia cha chhawh pathlahpa châ aw ta, khâpa hmah hnei khao aw vei. Abei a vy awpa chyhsazy ta khihpi nata su pathaihpa cha ama parao aw. A chhâ nawpa cha tisaih chhao ta vaw tlô aw ta, a chhâna taihta adyuhna a y aw. Roryhranazy cha vaw tlô awpa ta rao chhielie hapa a châ.

MATHAI 20:28

Chyhsa Sawchapawpa tlai chhao he, chyhsa ta ama chakaopa châ awpa ta a zupa châ leipa ta, chakaotuhpa châ awpa nata chyhsa hluhpi chatlai nawpa ta a hrona pie awpa ta a zupa a châ,” tah ta.

MATHAI 27:49

Châhrasala ahropazy ta, “Tah mâh kha, pachha awpa ta Elaizâh â zu ma tahpa moh tua suh u,” tah ei ta.

MÂKA 15:37

Zisu cha ao paro ngaitapa ta awh ta, a hu chhâ ha ta.

LUKA 23:46

Zisu cha ao paro ngaitapa ta awh ta, “Ei Paw, na ku liata ei thlahpa ei cha pavaosa!” tah ta. Cha bie cha a rei khai nahta, a thlahpa pathlie ha ta.

ZAWHÂNA 10:11

Kei he mietaku vaituh phapa ei châ. Mietaku vaituh phapa cha mietakuzy châta a hrona a pie.

ZAWHÂNA 10:15

Paw ta kei na pahno ta, kei ta Paw ei pahnopa hawhna heta. Mietakuzy châta ei hrona ei pie.

ZAWHÂNA 19:29

Cha liata beihrai miakha kresawhti thaopa ta a biepa y ta, cha liata ti pasysana nypa ta hisaw tho chiah liata pataoh ei ta, a hmao kaw papha ei ta.

ZAWHÂNA 19:30

Kresawhti thaopa a pachâh khai nahta, Zisu cha, “Â ki haw,” tah ta, a luh a bôh ta, a thlahpa pathlie ha ta.

HEBRAI 2:14

Sawzy cha sapa nata thisaih azaona a hneipa ama châpa hawhta, ano chhao sapa nata thisaih hnei hra ta, a thina ta thina hmotaotheina a hneipa ahripa cha a pahleipadia haw.

HEBRAI 5:7

Sapa pôhpa ta a hro chhôh ta, Zisu cha thina tawhta a pachha theituhpa lâ ao paro ngaitapa ta mothlih chhaota awh ta, thlahchhânazy nata hianazy hlâ ta, Khazohpa a chizana vâta a thlahchhâna cha nathliepa a châ.

HEBRAI 9:14

chhâzaw Thlahpa zawhzi ta, seina hnei leipa ta Khazohpa lâ anosasy ta a hlâtuhpa thisaih chhochhi ta cha, eima chhie nata pha pahnona cha hmotaopa thipa tawhta Khazohpa hrohpa chakaona lâta a pathaisa via pachai aw dia!