MATHAI 27:45 - Mara Bible RV (BSI)

⁴⁵ Nohchhô dawh hrawh hleino tawhta zâlâ dawh thôh taih alei chô zydua vaw zoh kaluh ha ta.

MATHAI 27:45 ပူးပေါင်းရင်းမြစ်များ

ISAI 50:3

Avâzy khi zohna ta tobi ei na ta, Amâ bu awpa ta latho poh ei tao.”

AMÔSÂ 8:9

“Cha noh liata cha, Nohchhô ta noh patlasa aw na ta, Noh y liah ta alei ei pazohsa aw.

MÂKA 15:25

Zisu ama khaipâna daihti cha my dawh chakipa liata a châ.

ZAWHÂNA 19:14

Cha noh cha Zawpakhô kyhchhi Pachynoh châ ta, nohchhô dawh kha rachhôh a châ. Pilâ ta Zuzy hnohta, “Moh teh u, nama Beipa hih!” tah ta.

HMOTAOPAZY 3:1

Pity nata Zawhâna cha noh kia râhsâ ta thlahchhâ daihti nota Achhyna o lâ khy ei ta.

BIEPHUAH 8:12

Vâlyuhchâpa papalihna ta a chiahmie vaw tô ta, noh su thôh su kha, thlâpâ su thôh su kha, awhsizy su thôh su kha paraopa a châ. Ama khaihna su thôh su kha pazohsapa châ ta, chhô daihti su thôh su kha cha khaih khao leipa ta, zâ daihti su thôh su kha chhao khaih khao vei.

BIEPHUAH 9:2

Leichiepa khaohtlô cha pahy ta, leichiepa khaohtlô tawhna chata patisana meikhuh ru ngaitapa a lyupa meikhuh kaw pua ta, leichiepa khaohtlô meikhuh vâna chata noh nata aruapa cha vaw zoh ha ta.