MATHAI 27:30 - Mara Bible RV (BSI)

³⁰ Ama pachih ta pachhao ei ta, lohthi cha la ei ta, a luh liata tu ei ta.

MATHAI 27:30 ပူးပေါင်းရင်းမြစ်များ

ISAI 49:7

Mohnao ngaitapa nata Babylaw râh ta a pasi kawpa, Ryureituhpazy chakaotuhpa Izarei phopi hnohta, Abeipa, Izarei Chatlaituhpa ta hetana heta tah ta, Izarei Mo Pathaihpa ta hetana heta a tah: “Abeipa ngâchhihpa vâta, Châ tlyhtuhpa Izarei Mo Pathaihpa vâta, Beizy ta a cha hmô ti ei ta a duah aw ei ta, Beimachâzy na hmiakô liata amâ bôh aw.”

ISAI 50:6

Ei ky he nâ tutuhpazy châta dao na ta, Ei baih he ei baihhmi nâ phiatuhpazy châta ei dao tyh. Ei hmia he nohzaona tawhta nyu leipa na ta, Pachih pachhaona tawhta nyu hra va na.

ISAI 52:14

Ano ama hmô nahta, Chyhsa hluhpi ta noâh ama tahpa hawh tlai ta, A hmisâ rao khai ha ta, Chyhsapa hmi chhao lyu khao vei; A pizie chhao, Chyhsa sawzy pizie lyu khao vei.

ISAI 53:3

Ano cha chyhsazy ta mohnaopa ta dytha ei ta, Pachârôhnazy a hneipa chyhsa châ ta, Pachâchhienazy a pahnopa a châ. Chyhsazy ta ama hmia ama nyusaipa chyhsa hawhta, Mohnaopa ta y ta; Keimo chhao ta, Ano cha pasâhsa hlei hra ma pi.

ISAI 53:7

Ano cha tlybaipa ta y ta, Châhrasala anosasyh ta a panawh ta, A pakah â vei. Mietakutaw thie awpa amâ chhipa  chalih thlâh hapa hawhta, Ano chhao â chalih thlâh haw; Mietaku hmi ngyutuhpa hmiakô liata, Mietaku â chalih thlâh hapa hawhta, Ano chhao â chalih thlâh haw; A pakah â vei.

MIKÂ 5:1

Hy pheisaihzy sawchanô y, Na pheisaihzy pahmaohpakhy teh; Miah dôh ei ta, Izarei ryureituhpa baih liata Chôchahrei ta ama tu hih.

MATHAI 26:67

A hmia liata ama pachih ta pachhao ei ta, tu ei ta, thokha ta chabaih ei ta,

MÂKA 10:34

Zenitaizy ta ano cha pasipasawh aw ei ta, ama pachih ta pachhao aw ei ta, chhei aw ei ta, ama thie aw. Noh thôh noh ta a thyu heih aw,” tah ta.

MÂKA 14:65

Thokha ta Zisu cha ama pachih ta pachhao ei ta, a hmia pahly ei ta, tu ei ta, a hnohta “Hrohsona bie cha phuah châh chi!” tah ei ta. Vaituhpazy ta amâ chhi pâ ta chabaih ei ta.

MÂKA 15:19

Lohthi ta a luh liata chhei ei ta, ama pachih ta pachhao ei ta, ama pakhu paneihpa ta a naoh ei ta.