MATHAI 27:29 - Mara Bible RV (BSI)

²⁹ Hloh lakho phieh ei ta, a luh liata pakho ei ta, a ku chachâh lâta lohthi chabasa ei ta. A hmiakô liata pakhu paneihpa ta, “Zuzy beipa, hroh pareih mah y,” tahpa ta pasipasawh ei ta.

MATHAI 27:29 ပူးပေါင်းရင်းမြစ်များ

HLAZY 69:7

Nâma vâta reipachhiena tao na ta, Nohzaona ta ei hmia a khu.

ISAI 49:7

Mohnao ngaitapa nata Babylaw râh ta a pasi kawpa, Ryureituhpazy chakaotuhpa Izarei phopi hnohta, Abeipa, Izarei Chatlaituhpa ta hetana heta tah ta, Izarei Mo Pathaihpa ta hetana heta a tah: “Abeipa ngâchhihpa vâta, Châ tlyhtuhpa Izarei Mo Pathaihpa vâta, Beizy ta a cha hmô ti ei ta a duah aw ei ta, Beimachâzy na hmiakô liata amâ bôh aw.”

ISAI 53:3

Ano cha chyhsazy ta mohnaopa ta dytha ei ta, Pachârôhnazy a hneipa chyhsa châ ta, Pachâchhienazy a pahnopa a châ. Chyhsazy ta ama hmia ama nyusaipa chyhsa hawhta, Mohnaopa ta y ta; Keimo chhao ta, Ano cha pasâhsa hlei hra ma pi.

ZEREMIAH 20:7

Hy Abeipa, na dôvei chi ta, Dôveipa ta ei y ha hih. Nâ cha kei hlâta thatlô viapa châ chi ta, Eina pahnie ha chi. Noh y ta pahnei parâsaopa ta y na ta, Chyhsa to ta eina pasipasawh ei.

MATHAI 20:19

Pasipasawh awpa nata chhei awpa nata khaipâ awpa ta Zenitaizy ku liata hlâpa châ aw ta, a noh thôhna noh ta pathyupa ta a y aw,” tah ta.

MATHAI 26:49

Zisu cha thlai vaw pangai ta, a hnohta, “Ei châ naoh na, Pachutuhpa!” tah ta, Zisu cha a pahnâ ta.

MATHAI 27:37

A luh chô liata ano leihna, “He he Zisu, Zuzy Beipa a châ,” tahpa ta ropa bai ei ta.

MÂKA 15:17

Viahkao pasipa nohsaihpa paky ei ta, hloh lakho phiehpa a luh liata pakho ei ta.

MÂKA 15:18

“Zuzy Beipa, hroh pareih mah y!” tahpa ta a naoh ei ta.